السبت، سبتمبر 26، 2009

yalla n3eesh

يالا نعيش

لو خايف في يوم تعيش
سيبها علي الله
كل طير بيتولد
بيبني لنفسه عش
بيكبر ويطلعلو ريش

تحبي انصحك
بجد ماتخفيش
الدنيل فيها .. وفيها
فيها الحلو وفيها اللي مايساويش

لا تفكر في اللي فات
ولا تندم عليه
خد منه بس الدروس
والباقي ارمي وري ضهرك
ودوس عليه
وادفع عليه كمان بقشيش

امشي في طريقك صح
لاتخاف من كلام الناس
ولا فلان ولا ترتان
قول كلمتك لاي حد
وزير او حتي شاويش
ولو رحت هناك
ارجوك قول ماتعرفنيش

وساعة اليأس
بلاش احباط بلاش دموع
دا اول السكة صعبة
بلاش تقول عايز انسي
بلاش تشرب حشيش

بجد خلاص حقولها لاي حد
يفكر في حياتو بجد
يحدد هدف
يعرف قيمة الوقت
علشان بجد لازم نعيش
ويالا نعيش

(( دي اهداء لكوشيا وبمناسبة البرنامج الجديد في راديو المطلقات (yalla n3eesh ) تحياتي
وكل سنة وانتم طيبين



13 رأيك:

غير معرف يقول...

ججججججججججامدة ججججدا القصيده يااستاذ ادم ومبروك البرنامج بتاعك ويارب يعجب الناس ولو انى متاكده من كده من خلال فكرته ربنا يوفقك يارب ومنتظرين المزيد من النجاح وعلى رأيك يلالالا نعيش ماحخدش واخد منها حاجة
سمر جمال .

طـــائر الليــــل الحـــــزين يقول...

ياااااااااااااه
واللهى كلامك كان واحشنى فعلا
بجل الجمل حلوة قوى وفيها قوة جميلة يارييت كلنا نتحى بيها
تحياااااااااتى

mahasen saber يقول...

طب يله انا مستنيه الحلقه اهه

mahasen saber يقول...

شوف رحمتك من مجاملات الشراقوه اهه

سامعاك بتضحك
طيب اضحك وابعت الحلقه

إيناس حليم يقول...

:))) حلوة اوي
حمد الله على سلامتك وكل سنة وانت بألف خير
بس ايه الغيبة الطويلة دي؟

yoyo يقول...

صباحك سكر يا آدم

كل سنة وانت بالف خير
يارب يكون عيدك عيد سعيد

الف مبروك على البرنامج

جميلة اوى روح التفاؤل اللى موجودة فى الكلمات
والنظرة الواقعية للحياة
اللى لازم نعيشهابحلوه ومرها
لان دوام الحال من المحال


مش تغيب اوى كدا علينا

ربنا يعينك و يوفقك يارب
دمت اخى بالف خير وسعادة
تحياتى
يويو

kochia يقول...

انا متشكرة جدا جدا علي الاهداء
وبجد كلام حلو
ومشجع
رغم اني لسة موصلتش لدرجة الحشيش يعني
ومبروك علي البرنامج بتاعك
ويارب بنجاح

غير معرف يقول...

ياااااااااااااااااااااااه علي طعم الامل في كتاباتك يا آدم :)

تسلم ايديك

طـــائر الليــــل الحـــــزين يقول...

انا قريت تعليقك
ولما تجى عندى هتلقينى سيبالك ميلى
ياريت تضيفه

ماما يقول...

يلا نعيش
امل محتاج تشجيع
وانت بتدينا الامل ده
طيب ليه بقا الاجنحه مكسوره
امال هانعيش ازاى؟
ربنا يكفينا شر كسرة الجناح

طـــائر الليــــل الحـــــزين يقول...

ادم
لا تتحسر يا عزيزى
فأنا لا اشعر بنفسى من صدمة مريت بيها
لو تعبت نفسك وقريت معظم كتاباتى هتحس انى مش عايشة على الارض
بس الواضح ان اللى زينا ملهمش مكان على الارض دى
واللى انا كتباه مجرد نظرى كتير مننا بيشوفوا بيها
وصدقنى لو الملايكة بيتظلموا بالشكل ده انا خلاص قررت انى مبقاش منهم
عشان الظلم حرام
كمان حرام ان بعد كل الحب اللى حسيناه انت وانت واللى زينا يحصل لينا كل ده
كأننا ارتكبنا ذنب لما حبينا
وخالفنا قانون البشر
وانا قريت البوست اللى قولت عليه عايز راى فيه
حداد
وصدقنى انا برده مبعدتش عن قصتك كتير
بالعكس وانا بقراها حسيت انك بتتكلم عنى واستنيت اشوف النهاية لقيتها متفرقشى كتير عن نهايتى
شوفت يا عزيزى مصير الملايكة بكون عامل ازاى
عشان كده انا اقمت الحداد
حتى وان عشت لفترة بين الذكريات
ليس ذكرى للحبيب الخائن
وانما ذكرى لقلبى
تذكره دائما بغبائه
تحياااااااااااااتى اسفة ان اطلت عليك

غير معرف يقول...

برنامج ايه يا عم انت هتنافس محمود سعد ومعتز الزيز ومنى الشاذلى ولا ايه سيب الناس تاكل باتيهnonosh

غير معرف يقول...

برنامج ايه يا عم انت هتنافس محمود سعد ومعتز الذيذ ومنى الشاذلى ولا ايه سيب الناس تاكل باتيهnonosh