الأربعاء، يوليو 29، 2009

كفاية بجد

ماشي في طريقي
عارف سكتي كويس
ودايما ليه
باختار طريق غلط
نهايتو سد
***
حكاوي بحكيها
تفكرني بحكاوي
اعيش امبارح
وانهاردا
واتوه في الغد
امتي ارتاح امتي اتهد
***
احلامي يمكن بسيطة
عاديه
لا محتاجة اتعصب
ولا اتشد
****
برتاح بحجات بسيطة
دايما بترضيني
كلمة حكاية
او حتي رسالة للقمر
بس ليه مشعارف
بيتأخر الرد
***
نفسي اجري
تحت المطر في عز البرد
امشي في طريقي صح
تعبت من الحياة
لم بتصد
***
تعبان
من غير سبب
مع اني عايشها
واخد بالاسباب
تعبان ..بكد
وفعلا عايشها بجد
***
بفكر في الناس
بعيش علشانهم
نفسي في يوم انام
الاقي قلب مهتم
بس للاسف
مافيش حد
***
اكلم البحر
احكيلو واشكيلوا
تثور امواجو
يقلقني بصوتو
دايما بيعلي المد
***
نفسي الناس تحب الخير
من غير عقد
من غير شك
بتمني نعيشها بسعادة
هو في أجمل من السعد
وخلاص كفاية
بجد تعبت من البعد
***

4 رأيك:

طوبة ذهب وطوبة فضة يقول...

msh anta bs el t3ban mldonea kolna t3banen wmogo3en lakn brdo bn3shha 3shan at3odna ao ymkn 3shan msh bakhtyarna ao lann msh layn donya gherha wayn kan el sbab brdo hnfdl n3eshha hya hya

mahasen saber يقول...

دى عملية حساب للنفس متعثره

ها اظن كده مفبش اى مجاملات اهه
هههههههههههههه
والله ليك وحشه جامده يا ابو اجنحه مدشدشه انتا

طـــائر الليــــل الحـــــزين يقول...

اكلم البحر احكيلو واشكيلوا تثور امواجو يقلقني بصوتو دايما بيعلي المد
--------------
ياااااااااااه
كلنا بنحكى للبحر وبنحس فعلا ان امواجه بتثور وكأنه حاسس بوجعنا جدااا
بس ى النهاية
الوجع مبيهداش ولا الألم بيروح
بجد كلمات جميله قوى
بحييييييييك عليها
واضح ان المعظم فى التوقيت ده
حاسيين بأختلال فى التوازن
مفتقدين اكتر ما واخديين
ساعات بفتكر ان الاحساس ده انا عايشاه لوحدى
لن بأكتشف العكس لما اشوف كلمات مليانه الم ووجع وحيرة

هـمـــــــــــسة يقول...

جميلة اووووووووى ماشاء الله
اتكلمت وعبرت بلسانا كلنا
وقلت كل اللى كان نفسنا نقوله

بجد عجبتنى سلمت الايادى