الثلاثاء، مايو 12، 2009

ومازال النيل يمشي

الفترة الاخيرة منشغل جدا اعرف ان النظام احيانا كثيرا يتيح لنا العديد من الفرص الضائعة واحيانا وبحق نفتقد الي النظام في حياتنا كان الشهر الماضي مملوء بالمشاغل واتضح التشابه بينه وبين هذا الشهر
انتهي شهر ابريل بكذبة رومانسية متوقعة لم اصدم منها لانني حقا توقعتها وخاصة انها اتت قبا ارتباط حقيقي وفعلي

بداية هذا الشهر جميلة ومبشرة الا انني مستاء نفسيا ومريض جسديا ولكن الحياة مستمرة والنيل يمشي ببطء شديد الا انني مستمتع ايضا بالسير البطيء
easy come ............easy go ..easy regret and forget

littel thing ...better than... no thing

بدأ الشهر بمكافئة مالية في العمل لم افعل بها شيئا شخصيا ولكن وضعتها في توضيب شقتي اللعينة
قمت بعدها بعمل شوبنج وقمت بشراء بعض الملابس الصيفية والرياضية لانني شعرت انني اصبت بزيادة حوالي 10 كجم عن العادي في الآونة الأخيرة

ثم جاء يوم 5/5/2009 ذهبت الي مجموعة شركات في نفس اليوم
توشيبا العربي قويسنا
ثم العز للحديد بالقاهرة
ثم غبور اوتو بأبو رواش
ثم قمت بالذهاب الي القاهرة مرة اخري
وجلست بعض الوقت علي كورنيش النيل حظيت بملاحظات تأمل جميلة والعديد من الصور الجميلة اصبحت احن الي عادة التصوير وأضع الكاميرا دائما بحقيبتي
ثم ذهبت كالعادة الي كارفور ثم ذهبت الي المنزل كان اليوم خفيفا لطيفا به العديد من التغير ولكنني استمتعت به .
تناولتي قهوتي السادة
وجاء يوم الخميس وكان عيد ميلاد مروان ابن اخويا وكانت حفلة .وانا طبعا رجعت لعاة قديمة وفضلت ارسم والون علي القطن وورق الشجر والالوان المية وكسر الالماظ وطبعا الموسيقي وطبعا بلا منافس انا اللي بصور. الجميل ان دا كان عيد الميلاد الاول والولد بجد كان متفاعل جدا مع الموسيقي لدرجة انه فضل يرقص واحنا نصقف طول الحفلة غير كل البروجرام لانه بجد عمل اللي عليه وعمل نفسه بطل حقيقي في يومه بلا منازع معه
طبعا لاني امتنعت عن اكل الحلويات من فترة واصبحت اشرب كل الاشياء سادة فقلبت العادات وأكلت من التورتة ومن الجاتوة ومن الحلويات ثم شربت العديد من العصاير والحاجة الساقعة من الآخر زدت حوالي 5 كجم ربنا يسامحني

انتهي اليوم نهاية رائعة تقابلت فيه مع جميع افراد عائلتي المقربين وبعض اصدقاء العائلة والضيوف وصراحة القول لم اكن مركزا تماما الا مع مروان لانه الطفل الوحيد الذي ارتبط به في العائلة ولا اعلم سببا لهذا الارتباط القوي

ثم جاء يوم السبت ورجعت الي حياة التعليم كورس جديد
Maneging the quality function
SGS company
dr safawat al mansy
بصراحة من الدورات الرائعة وبحق ومن اجمل الاشياء التي تعلمتها جملة ربما اصابت الهدف معي
لا شيء ثابت الا الله كل الاشياء تتغير والشيء الوحيد الثابت هو التغير .

كالعادة الشهر مليء بالدعوات والسفريات لا اعلم ما الذي البيه وما الذي ارفضة ولكنني قررت الاهتمام ببعضهم
ا- دعوة الي TVET تابعة لوزارة الصناعة والتجاة وبحضور الوزير المحترم / رشيد محمد رشيد لا يمكن التأخير عن دعوة كهذه يوم 19/5 في سميراميس انتركونتننتال القاهرة .
2- the Investors in People Seminar on Wednesday 20th May 2009, at the British Embassy in Cairo.

حضورة دورة في نهاية الشهر عن six sigma orange belt لمدة 8 ايام اعلم اهميتها ولكنها ستكون مرهقة لي بين العمل وكورس 7 ساعات يوميا

اما عن حياتي العاطفية فأصبحت خالية تماما بلا اي شكوك او حتي اشباه علاقات من المميز هذا التفرغ


عندي حالة شراهة للنجاح ولكن اصبت بانفلونزا والم في العضلات لا اعلم متي اعود للحالة كما كانت

عذرا لان انشغالي جعلني ابتعد عن هوايتي في الكتابة بأنواعها كرها لا اختيارا

13 رأيك:

أنـــــا يقول...

اولا الف سلامة عليك من التعب ويبدو ان التعب والمرض ظاهره
والانشغال كمان !!
بس اعتقد انت من الناس اللى ماتحبش تعيش فاضيه يعنى كونك مشغول دايما وان كانده مرهق ليك بس حاجه انت بتحبها وبتلاقى نفسك فيها

موفق ان شاء الله فى كورساتك الجايه وبيتهيألى انت هتلبى كل الدعوات
ربنا يخفف عنك التعب علشان تقدر تتابع كويس
وكل سنه ومروان بخير
مش ده اللى كنت هجوزه بنتى برضو؟ :)

اعتقد الحياة وهى خاليه من ارتباطات عاطفيه مريحه جدا وان كانت ممله شويه

اتمنى يارب النيل يفضل يجرى مش يمشى بس

متشكره ليك على كل حاجه والف سلامه ليك مره تانيه ان شالله ابو سما يارب p:

اظن عارفنى مين من ير مااقول

dreem يقول...

كل سنة ومروان طيب
وعقبالك ,,, تبقى ابو حد ومعاك حد ومكتفى بالحد ده .
سلامتك من البرد .. خد بانادول كولد اند فلو هايل وفالغالب وجع العضلات نتاج لزيادة الوزن فشد حيلك وانزل ال10 كيلو او وزعهم على حد بس ما تعملش حسابى ههه
ربنا يكتب لك النجاح ويسدد خطاك فيما تحب
تحياتى

رؤية يقول...

الف سلامة
ومزيد من النجاح
ومزيد من نقص الوزن
وكل سنة ومروان طيب

عقبال ما نحتفل بادهم وادم

تحياتى

عالم ماريونت يقول...

ربنا يوفقك يا ادم يارب ويخليلك مروان يا عمو ادم
مروان كمان برج التور زيي واحتمال نكون انا وهو اتولدنا في نفس اليوم

:)

والف سلامة عليك من التعب والانفلونزا بس حاسب لاتكون انفلونزا الطيور
بالنسبة لعلاقاتك العاطفية
افتكر انك من النوع الهوائي يعني بتحب بسرعة وبتزهق بسرعة
خد باللك يا ادم
ويارب الشغل ما يخداكش تاني مننا
رنا

بلاش فضايح يقول...

الف سلامة عليك
معلش هو البرد اللى بييجى فى الصيف بيكون صعب شوية
بس ان ششاء الله ترجع للتدوين بسرعة

وبعدين دة القعدة على الكورنيش بالليل ورؤية النيل والأضواء اللى حواليه تشفى لوحدها

ربنا يوفقك فى مشاريعك اللى عملتها واللى لسة هتعملها

تقبل مرورى

yoyo يقول...

صباحك سكر

ربنا يعينك ويوفقك يارب
كل سنة ومرورن طيب ويارب عقبال ما تحتفل مع ابنك بعيده ميلاده يارب

الف مليون سلامة عليك برد الصيف متعب جدا جدا حاول تحافظ على نفسك

موضوع زيادة الوزن دا كارثة والله بس لو فى عزيمة وارادة ممكن ينزل الوزن الزيادة بس مع شوية مجهود

اعتقد ان ابريل انتهى بكل اكاذيبه وان شاء الله يكون فى ثبات عاطفى و استقرار قريبا

مش تخلى الشغل ياخدك اوى كدا من نفسك ومن حياتك ربنا يوفقك كمان وكمان
الف مليون سلامة عليك مرة تانية

مش تغيب عنا تانى بقى
دمت بالف خير
تحياتى
يويو

إيناس حليم يقول...

اولا الف سلامة عليك واتمنى لك الشفاء العاجل بإذن الله

انا مش عارفة طبعا ايه طبيعة شغلك ومش فاهمة اوي الكورسات اللي بتتكلم عنها بس على اي حال ربنا يوفقك وتحقق كل النجاح اللي بتسعالو ان شاء الله

اه صح وكل سنة ومروان طيب وبصحة وسلامة :)

دمت بخير

طـــائر الليــــل الحـــــزين يقول...

الف سلامة عليك
وكويس قوى انك مركز فى حياتك العملية وشغلك وكمان احتفاليه العائلة بعيد ميلاد ابن اخوك
احيانا بتكون حياتنا من غير عاطفة كويسة واحيانا تانية بتكون صعبة قوى
على العموم بتمنالك حظ سعيد ونجاح متواصل
تحيااااااااااتى
ومازال النيل يمشى

mira يقول...

كل سنة وانت طيب يا مروان
وسلامتك من البرد وشكلك كدة
مشغول على طول مش عارفه ان كان دة حاجة كويسة ولا وحشة الانشغال الدائم طبعا واتمنى لك انك تشغل نفسك عاطفيا اعتقد انه هايهون عليك بعض الامور

kochia يقول...

ايه كل المشغوليات دي
ربنا يعينك يا سيدي

منتظرين

mahasen saber يقول...

لا اله الا الله

انتا مش كنت خاطب

فركشت الموضوع يله هيا الكسبانه ههههههههههه ااقصد الخسرانه

اتقطعى يا ايدى وبوظى يا كيبوردى
هههههههههههههه

mahasen saber يقول...

والله ليك وحشه جامده
يا ابو اجنحه مفشفشه انتا

نفسى مره اكلمك انا وحبيبه
يعنى نتكلم جمعاء عشان مخك يضرب ان شاء الله

هتصل عليك اوعى ترد ههههههههههههه

ندا منير يقول...

لا مينفعش كدة خالص
وفين اشعارك اللى كنت بتكتبها فين
مش متعودين على التوقف دا

واذا محصلش نصيب فى ارتباط او اى شئ فتاكد مليون فى المية ان دا الخير ليك وان ربنا هيعوضك ميت مرة فى حاجات كتيرة قوى

بس اصبر واستحمل
وكله هيعدى ان شاء الله

وكويس انك فكرت فى سكك التعلم الزايد وكدة وربن ايوفقك يارب

مستنية بقى اشوف مواضيعك الجديدة