الأحد، أبريل 19، 2009

ابريل هذا العام ليس كذبة

من الشهور التي اعاني فيها الانشغال هذا الشهر علي الرغم من انني قمت بأخذ دورتين تدريبيتين في بدايته :-
1- planning for top quality at SGS company in sadat city
2-training need assisgment at Pmec company in dokky cairo
الاستفاد كانت عظيمة جدا من الدورتين ثم الحقهما دعوة الي مؤتمر الاعمال بين مصر وقبرص في يوم 7 ابريل في سميراميس انتر كونتننتال وكان المؤتمر غاية في الروعة والتنظيم وخاصة بمقابلة وزير الصناعة والتجارة م/ رشيد محمد رشيد ورئيس دولة قبرص وبعض الشخصيات المحترمة في الدولة انتهي المؤتمر وذهبت الي كارفور ثم ماكدونالدز ثم جلست علي احدي الكافيهات امام كارفور حتي اساعة الواحدة صباحا ثم ذهبت الي المنزل في غضون الثانية صباحا كانت بداية الشهر جميلة ومليئة بالعمل والرومانسية ايضا ولكن الحال لا يدوم دائما علي ماكان عليه م كان يوم 10/ ابريل عيد ميلاد احدي صديقاتي وفي يوم 17 ابريل ذهبت الي توشيبا العربي بقويسنا ثم ذهبت الي المحلة الكبري لحضور حفل زفاف احد الاصدقاء وبدأ الاسبوع من جديد بعد اجازة اخذت فيها قسطا كبيرا من الراحة وسعدت فيها بنوم عميق وتناولت بعض الوجبات المفضلة تقييمي لهذا الشهر انه جميل ولكن اسوأ مافيه انني ابتعدت عن الكتابة كرها لا اختيارا...............

18 رأيك:

nona يقول...

يا بختك
كويس اوى ان شهر بحاله يعدى كويس وممتاز بالشكل دة
ربنا يجعل الشهور كلها والأيام كلها مميزة ومجدية
لان لو يوم واحد عدى من غير الواحد ميعمل فيه حاجة تستاهل بيزعل عليه

وبعدين دة الفترة دى بالنسبالك اعتقد انها كانت مميزة بالأحداث اللى حصلت فيها

رؤية يقول...

جمدا لله على سلامتك
واسعد الله ايامك
وحقق امانيك
وازاح الكذب دوما عن الطريق

تحياتى

A.SAMIR يقول...

جميل جداااا
احلى حاجة في الدنيا ان وقت الانسان يكون مشغولا فيما يفيد
تحيااااااااااااتي

إيناس حليم يقول...

حمد الله على سلامتك
بس انت برافو عليك انجزت حاجات كتير في وقت صغير
فأكيد انت سعيد :)

ربنا يكرمك ويوفقك ويريح بالك

بس متقطعش تاني بقى عشان بتوحشنا :)

غروب يقول...

جميل اوى ان شهر كامل يعدى بدون مشاكل

انا بحسدك بقه

هههههههه

جميل كمان الانجازات دى كلها
ربنا يوفقك

yoyo يقول...

صباحك سكر

حمد لله على سلامتك
والله انا قولت الحب بقى وكدا يا عم اللهم لا حسد ولا قر هههههههههههههه

يارب تكون ايامك كلها سعادة كدا يارب وتعدى على الف خير

يارب دايما منور مدونتك

تحياتى
يويو

عالم ماريونت يقول...

كل ابريل وانت طيب وكل شم النسيم وانت بكل خير يا ادم

ويارب دايما متفاءل كدة

:p

طـــائر الليــــل الحـــــزين يقول...

بس بجد انا شايفة كل اللى انت عملته جميل وممتع جدااا
وكلنا بيجى علينا وقت وبنبعد فيه مجبرين عن الكتابة
والمهم انك رجعت بالسلامة
التدوين نور من تانى
وفى انتظار المزيد
تحياااااااااااااتى

اصحى يا مصر : اسلام ديو يقول...

البوست جميل جداً
بس باين انك بتحب الكتابة
ودا شئ انا احترمة بدرجة فوق الكبيرة

تحياتى دائماً بالتوفيق

GHARAM يقول...

الحمد لله وجعل الله ايامك وشهورك وسنينك كلها سعاده



أنت زعلانه مني والا أيه؟


الأختلاف في الرأي لايفسد للود قضيه
وأعلم إنني أكن لك كل إحترام وتقدير

عالم ماريونت يقول...

عزيزي ادم
انا رديت على تعليقك عندي بس بردو نقلته عندك لأن يهمني اوي اني اعرف رأيك
==========================
آدم:
صباح النور اخبارك انت اية يا فندم؟
لا العياط ده كان زي ما تقول كدة حالة وخلاص والله انا نفسي لسة مش عارفة انا كنت بعيط لية؟
---------------------------

الفرق الوحيد ان انت لازم تحصل علي قدر معين من التعليم يتناسب مع عمرك وسنك ويجعلك قادرا علي حل المشكلات ومواجهة الواقع بخبرة اكاديمية هذا ما يوفره لنا التعليم


؟؟؟؟؟؟؟؟؟؟؟؟؟
وهو التعليم المصري بحالته الحالية دي بيوفر اي حاجة من الي انت قلت عليها؟
احنا بندخل التعليم وشخصياتنا مختلفتش كتير انا طبعا مقدرش اتكلم عن تجربتي انا لأنها مختلفة ولا بتكلم عن التعليم في المطلق انا بتكلم عن حال التعليم المصري انا اعرف طلبة في ثانوي واعدادي وحتى خريجين جامعه بيكتبو عربي غلط !!!!!!!!!!!!!

الطلبة بيدخلو التعليم وهما تقريبا زي ما دخلو زي ما خرجو وفيش فرق كبير وانا بردو مش بتكلم عن استثناءات خرجت عن القاعده دي بس بتكلم عن السواد الاعظم من طلبة مصر
------------------------------
الكفيف هيعمل اية بالتعليم؟؟؟

لا طبعا انا شايفة ان التعليم في حد ذاته قيمة كبيرة مش بس للمبصر وللكفيف كمان وبسعى لمحو امية المكفوفين عندنا اللي مش يعرفو طريقة برايل او مدخلوش المدارس
بردو انت مش فهمتني
انا كان قصدي انه اذا هي عايزاه يبقى حاجة في المجتمع يبقى مش التعليم المصري بالصورة الي هو عليها دلوقتي
يا اما تستغل الفلوس دي في كورسات يا اما تعمله مشروع والله هو ده اللي هينفعه في كام الف ولا كام مليون طالب بيتخرج سنويا من الجامعات؟
مش هيشتغل منهم غير لو كان حد كفء ومدرب او حد معاه فلوس يعمل مشروع
وقتها الشهاده مش هتكون اكتر من ورقة بتثبت انه بيعرف يقرا ويكتب
انما الكورسات اكيد اهم بكتييييييير
----------------------------------
بالنسبة لأني مش قلت حاجة للست:
انا اكيد مكنتش هقولها الواقع بالطريقة دي بس كان نفسي اقولها توجه طاقتها للحاجة الصح الحاجة الي هتنفعه والا هي هتستفيد اية يعني لما يتخرج من الجامعه ويعد في البيت؟
انا اكيد متفهمه جدا احساسها وعشان كدة كان نفسي اقولها حاجة مفيدة بس هي مدتنيش فرصة
لاحظ ان ايا من المكفوفين الي انت ذكرتهم اتعلمو وقت ما كان التعليم اسم على مسمى مش بس اسم
انا مش بنكر قيمة التعليم في حد ذاته ولو قريت التاج الي فات هتعرف كدة
بس بنكر مبالغتنا في القلق على مستقبل اولادنا في التعليم واحنا عارفين ومتأكدين انهم مش بيتعلمو حاجة

بس كدة
:)

aidy يقول...

ااهم حاجة تكون استفدت منه

والحمد لله انه كان شهر كريم عليك

واللى يقدر يدير وقته بشكل منظم وكويس

بيقدر يقضى وقته فى الشهور كلها فى اللى يفيده

تحياتى ليك ,,

وحمد الله على سلامتك

mahasen saber يقول...

دا انتا بقيت ابو اسعد شهر بئه يعنى مش ابو اجنحه مكسوره بس
انا بهزر بلاش تزغرلى كده

حلو قوى بداية الشهر علم واخره ترفييه

ادم حياتك بدأت تاخد منعطف اخر
اجنحتك شكلها هتتجبر ههههههههههه

غير معرف يقول...

امممممم
ربنا يديم السعاده والرومانسيه
وتبقى كل شهورك حلوة
:)
نيرة

المعلم محمد صاحب المطعم - طعمية سخنة يقول...

طيب
الحمد لله ان الشهر عدي كده
يا رب دايما فرح و سعادة

ندا منير يقول...

جميل قوى
رائع انك تاخد كورسات فى كل حاجة
ربنا يوفقك

ولو كان بعدم عن الكتابة بالسبب دا ايه المشكلة

yoyo يقول...

صباحك سكر يا آدم

يارب تكون بالف خير يارب

غيابك طال
بغيابك افتقد كلماتك و همساتك المميزة

دمت بالف خير
تحياتى
يويو

غير معرف يقول...

ربنا يوفقك يارب