الجمعة، مارس 27، 2009

ملوخية بالبيض

اسافر الي موطني وأحمل بداخلي الحنين الي موطن مولدي وأملأ قلبي مشاعرا مليئة بالحب والحنين وعندما اصل الي هناك افقد كل المشاعر اشعر وكأنها اختفت بلا سبب ارتباطي بالاماكن بدأ يزول كم بدأ يزول ارتباطي بالاشخاص هل فعلا بدأت المشاعر تتسلل من قلبي دون ن اشعر ربما هنا تكمن المشكلة كل يوم انا اخسر انا افقد ارتباطي بالاشخاص والاماكن افقد الهوية الداخلية بلا مبرر كما فقدت تذوق الاشياء ومعرفة الطعم الحقيقي للسعادة والحزن هنا تكمن دائما مشكلة الخلل الشعوري بداخللي ؟؟؟ لماذا افقد مالا يفقد لماذا خسارتي لي انا وحدي وانكساري متناثر زجاجه بداخلي انا وحدي من يبحث عن مالا يمكن رؤيته ومالا يعرف احد معانيه لماذا ابحث عن المشاعر اللا معروفة للاخرين والكينونات اللاموجودة في الواقع واللغات التي لا يعلمها احد او يترجمها العلماء آمنت بوجود الشفرات لاحتكاك شفرتي بي انا وحدي وعدم استطاعة الآخرين كسرها لست فريدا من نوعي ولكني دائما عندما يبدأ السقوط اكون من الأوائل وعندما يبدأ البركان اكون اول فوهة تنفجر وعندما تهون المشاعر اشعر بأنين تمزقها وأمسك بيدي دمائها الطاهرة وعندما تنتشر الرزيلة العنها وأغوص بلا وعي في عفونتها وعندما تنتشر الخطيئة اشم رائحتها ولا اقاوم احيانا الذهاب اليها وعندما اتأمل الحقائق الكونية انبهر ويضيع انبهاري باصطدامي بالواقعزز أتامل ولكن ليس الزمن الآن للتأمل اخطط بجدية ولا اعلم لماذا ينتصر الشر دائما العن تفاهات الاشياء والاشخاص واجدني احتك بهم وأعرفهم عن قرب ابحث عن حالة غير موجودة الا في مخيلتي واحيانا تتشوه ويضيع وجودها اكتب للحب واشعر كثيرا بأن ما اراه هو وجه اخر لنبتة اخري حدث لها تهجين او اصبح لها طعم مختلف عندما اصل الي النهاية اشعر ان الساقية بدأت من جديد والدوائر بدأت تزداد وتتكرر مللت الدوائر وكرهت مكاني علي ساقية الحياة ...

11 رأيك:

mahasen saber يقول...

مش عارفه يا ادم بس عمر الملل والياس ما يخلعنا من الاحساس بجذورنا

اصل الحاله اليى بترصدها دى حالة ملل انسان من اجزاء وبنائات من حياته
اصل محدش بيحب ينسلخ من جلدده وماضيه الا لما بيكون فقد الامل التام فى مستقبله وحاضره

جوجو يقول...

السلام عليكم

البوست حزين اوى

بس اهم حاجة نكون متفائلين ونكون عندنا امل كبير فى ربنا

تحياتى

د.خالدأمين يقول...

ياعالم ياهو



شويه امل ارجوكم



انا يائس من الدنيا كلها وكل حاجه حواليه


وكل ما اكلم حد او اشكي لحد الاقيه اكتر
حتي من غير ما اكلم برده الناس يائسه




ليه ده كله


ليه



الشر دائما ينتصر؟؟؟؟؟؟؟؟؟؟؟؟؟؟

انت تسال والكمبيوتر يجيب يقول...

دعوه
الأخ العزيز/
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://dear.to/cairo

غير معرف يقول...

لا يا ادم
الشر مش بينتصر ولا حاجه
يمكن الواحد ساعات بيمر بحاجات كتير وحشه وبيتكعبل في شوية اشخاص كدا مش تمام
بس ربنا بيعوضنا في الاخر
ومش دي نهاية العالم

بطل حزن بقي
وخلي عندك امل ان في يوم حد هيجي يفك الشفره دي

ويارب تكون بخير

تحياتي

رؤية يقول...

ربما كان هذا حال جميع الفلاسفة،
حينما يجدوا شىء لا يسعدوا بوجوده فقط بل يبحثوا عن كينونته
ولكن احذر الانتحار فربما اتخدت هذا القرار

ذكرتنى بكلمات لمصطفى محمود.. كان يتحدث فيها عن مثل هذ الحالة
لا اتذكر اسم الكتاب الان
لكن ان وجدته سابلغك فقد كان رده على نفسه مقنعا

تحياتى

طـــائر الليــــل الحـــــزين يقول...

دى اول زيارة ليه
بس فوجئت لما لقيت كل التقلب ده
كأنك مش عارف تحدد مشاعرك واحسيسك
بتحاول تتنكر من كل حاجة
الاول الاشخاص وده طبعا من كتر المساوىء اللى بقينا بنشوفه فى الناس من حوالينا
والتانى من مشاعرك واحسيسك عشان متكونشى جواك اى نقطة ضعف تهزك عن الطريقة الا انت عايز تمشى بيها
بقت كل اللى هقدر اقوله حاول تهدى وبلاش التفكير كده
تحياااااااااااتى
واتمنى الزيارة اللى جاية القى اختلاف عندك للأحسن ان شاء الله

عالم ماريونت يقول...

عزيزي آدم

حقيقي انا مش قادرة اعرف اية سبب الحيرة والتوهان اللي دايما بحسهم عندك
بس انا حاسة انك كل ما بتلاقي الطريق بتاعك بترجع تاني تحس انه مش هو ده

حاول تقرب من ربنا

افتكر ان هو ده الطريق اللي انت مش هتتوه بعده سدقني يا ادم

تحياتي ليك ودعواتي بتجاوز الازمة
رنا

aidy يقول...

فعلا البوست حزين جدا

بس غالبا فى سبب ورا فقدان الاحساس بالاشياء

غالبا ً بيكون حزن عميق لدرجة انك تكون مش عارف ايه سبب الحزن ده

بس لو دورت كويس جواك هتلاقى اسباب للحزن ده مش سبب واحد

ومش ضرورى تكون اسباب عاطفية زى ما المعظم بيتخيل

ممكن تكون حاجة حصلت من فترة طويلة وانت نسيتها بس جواك لسة منسيش

بس الاماكن والاشخاص حالة اللا شعور بيهم مش هتستمر كتير لأنك لو بعدت عنهم هتحس بنفس الشوق ليهم بتاع زمان

كل الحكاية انك مش حاسس بوجودهم لفترة من الوقت أول ما الفترة تعدى

وتدور على اسباب الحزن ده وتحاول تتغلب عليه

هترجع احسن من الاول متصالح مع الدنيا
ومستفاد منها دروس جديدة هتقدر تتغلب بيها على اللى جاى

كل اللى أقدر أقولهولك : ـ

إبحث داخل ذاتــــــــــــــك عن ذاتك

nona يقول...

مش لوحدك يا آدم
ناس كتيير اوى كدة
الناس بدأت تفقد الاحساس بالشئ ونقيضه
معدش فى حاجة بتفرح ولا حاجة بتزعل
لا احساس بالصح ولا احساس بالغلط
لا احساس بالهدوء المطلق ولا الازعاج المطلق

الحياة من كتر التناقضات اللى فيها معدش الانسان قادر يفرق بينها

غير معرف يقول...

بس يا ترى هتبقا طعمها ايه الملوخيه بالبيض دى اكيد بالارانب احلا بكتير لو جربت قلى انهى الاحلا
nonosh