الأحد، مارس 15، 2009

الحب عام 2009 هات وخد

برومانسية الكلمات نبدأ دائما ونعيش معها احلام وأحلام ونحيا معذبين بآلام الشوق والفراق ولوعة الالم نعرف المعاني الصعبة ونحياها نعرف اننا أصبحا نملك قلوبا تعشق وتحب وتحيا علي رصيد كبير من المشاعر نخطط للأيام ونفكر في المستقبل ونجري خلف الدنيا نشعر أننا فقط من نفهم العالم أننا فقط من يعرف المعاني الحقيقية للاشياء والمشاعر أنا فقط من نتذوق طعم الاشياء ونعرف الاصول الحقيقية للافكار ونحن من نعزف الالحان الرائعة ونحن من نضع العهود والقيود ونحن من نكلل مشاعرنا بالحياة الصادقة ونلعن معاني الكذب والخيانة نحن من نعشق الابتسامات البريئة ومن نعشق الهمسات الصامتة ونعرف جيدا لغات العيون وفلسفات العشق اننا حقا من نعرف كيف يكون الحب ولكن أكاد أجزم اننا لم نكتشف اننا أصحاب المدرسة القديمة اننا الكلاسيكيون في مشاعرنا لم نعرف ان الحب في الالفية الجديدة حمل معاني مختلفة لاتبت للمشاعر بصلة ولكنه قائم علي مصالح المشاعر وأنانية الرغبات ومتعة النزوات وعلي تكافؤ الاوساط والطبقات لا اعترف بهذا الحب ولكنني اجزم بالفعل انه موجود ومنتشر انه يعيش بيننا .

11 رأيك:

إيناس حليم يقول...

عندك حق

بس صدقني نوع الحب اللي بتتكلم عنه موجود في كل عصر وكل زمن مش في 2009 بس

الحب القائم على المصالح موجود وهيفضل موجود لحد فناء الخليقة..

احمد ربنا أنك لا تعيشه.. وحاول أن تبتعد عن هؤلاء قدر المستطاع..

دمت بخير

رؤية يقول...

اصدقك القول فى كوننا الكلاسكيون فى مشاعرنا واخالفك فى ان يكون للحب اصدارات ويحات وموضات تختلف باختلاف الازمان والاوقات
فالحب هو الحب
لكن ما يخفى تحت المسمى قد لا يرقى للاسم
هات وخد
لا يعتبر نوعا من الحب
بل هى انتهازية تحت مسمى راق يروق للكل....!

تماما كالارهاب فى عباءة الاسلام التى هى اطهر من ان يراق عليها الدم...

تحياتى لك

هـــــــمــــســة يقول...

بوست رائع اسلوبك ماشاء الله حلو اوى

وفعلا الحب او اللى بيلقب بالحب القائم على المصالح او اى غرض ده مش بيبقى حب

ده اى مسمى تانى غير الحب واكيد الحب الصادق موجود صح بقى قليل بس اكيد موجود

وعموما سلمت الايادى

mahasen saber يقول...

ادم ابو اجنحه مكسوره
طول ما فيه نفس بشريه بتعض فى صاحبها هيفضل قلب طيب يدق بالحب لمجرد الحب

وقلب كحلى مخطط يدق بالحب لمجرد المصالح والمنفعه

يعنى فى دنيا الحب توجد كل الانواع الصادقه والغير صادقه

mahasen saber يقول...

اظن اهه مفيش مجاملات ولاا ايه رايك

وطبعا متزعلش منى عشان موفتش بوعدى بس زحمة البلوجر عطلت مشوارى لعندك

شفت استهبال احسن من كده

mahasen saber يقول...

ادخل مدونة حبشتكنات فلسفيه وااقرا اخر بوست

بشره ساره لشباب المحروسه

يا ريتنى كنت من شباب البلد هههههههههههههه

عالم ماريونت يقول...

عزيزي ادم:
انا ممكن تكون فكرتي رومانسية عن الحب والمشاعر
انا بشوف ان ربنا من يوم ما خلق الارض وخلق ادم وحوا والمشاعر بينهم ثابتة مش بتتغير ولو كانت قابلة للتغيير كان زمانها انتهت من زمان
ومش مع النظرية بتاعت ان الحب كان زمان والمشاعر انتهت وننا في زمن المصلحة
==============================
تعليقك على البوست اللي فات اكيد اسعدني زي ما قلت لك بس انا مش قادرة افهم نظرتك للتغيير
لوامكن توضحهالي شوية

تحياتي ليك
رنا

nona يقول...

يمكن الحب زمان كان صافى وعفيف ومن القلب لان الحياة زمان كانت بسيطة وسهلة ومش معقدة
مكنتش البنت تخاف من الولد ولا الولد يفقد الثقة فى البنت
وطبعا احنا مش من زمان علشان كدة خدنا الأفكار دى من حكايات الأم والأب والجد والجدة وكمان من الأفلام العربى القديمة اللى حتى أفكارها كانت رايقة ومحترمة وحبها رقيق

انما احنا على ما وعينا على الدنيا مشوفناش ومسمعناش غير عن حب المصالح ( ماعدا حب الام والاب طبعا)

بس الظاهر ان الاحوال بتزداد سوء من زمان للأن ولسة هنشوف....

حاسوباتيه يقول...

والله الحب يعني الجواز لازم يكون فيه تقارب الاجتماعي والعلمي والثقافي والمادي والا الجواز والحب ده هيفشل

aidy يقول...

فعلا الحب اللى شائع اليومين دول اما حب مصالح او حب نزوات

بس دول موجودين من زمان للأسف فى كل زمن هتلاقى ناس بتعرف تقيم الحب حق تقيمه وناس بتستخف به

بس جايز اللى احنا شوفناه اكتر اليومين دول كان الاستخفاف بالمشاعر

وده مش حب ده نصب :)

تحياتى ,,

غروب يقول...

كلامك صح يا ادم بجد

الحب اختلف اوووووى

يمكن انعدم كمان

بس مش لان هو اللى بيتغير لالالا لان الناس هى اللى بتتغير