السبت، يناير 17، 2009

عني ..وعن الحب


الفترة الأخيرة منشغل وحالتي النفسية تسوء كل يوم عن الذي يسبقه ربما بلا اسباب محددة تماما ولكن هذا المود الغريب يسيطر علي بطريقة مرعبة تجعلني ابدأ اشعر بهواجس كثيرة في حياتي وانني مراقب وهناك من يتحدث معي طوال الوقت وأحلم بأحلام غريبة مرعبة تتحدث عن ذكريات الماضي الذي مللته حقا ثم يراودني هاجس الانتقام من كل البشر لدرجة انني بدأت اشعر اني في حالة خطرة والمفروض تماما ان أن أبتعد عن الناس فترة وأعود الي حجرتي المظلمة كي تهدأ اعصابي وهذا ما حدث فعليا فقد لازمت الفراش يومين متتاليين الجمعة والسبت وشعرت براحة جعلتني اريد أن أقوم ببعض الفضفضات التي لا أعرف سببها الا انني اكتبها احيانا لاقرأها واستمتع ببعض كلماتي وأنا في حالة مزاجية غريبة

كان العمل سيئا هذا الاسبوع ومليء بالمشكلات بل وصلت لحالة من القرف لا اعلم سبببها مما جعلني افكر جديا ان اترك العمل ولكنني اعلم ان هذا العام اريد انا اثبت في عمللي لانني اريد تحقيق احلام اخري غير العمل وكاريير جديد ربما يأخذ من وقتي كثيرا لاتفهمه واعمل به
الجميل انني اخذت دورة تدريبية ربما هي اجمل ما مر بي منذ فترة ان استمتع تماما لتلك المحاضرات وأشعر انني ما زلت متميزا في أفكاري وأجلس من جديد أحمل كتابا وقلم وبعض الوريقات وحقيقة الامر المادة العلمية ممتعة جدا لدرجة انني كنت اتمني ان تظل هذه الدورة ساعات طويلة ربما لاول مرة منذ فترة طويلة جدا اشعر بحب غريب لبعض الاشياء التي لم تكن في حساباتي ولكن ربما هي حقيقة المستقبل الذي لانعلمه

انصح الجميع ان يذاكر بعض الاشياء الغريبة والتي لا تشبهه في شيء ربما هنا دائما تكمن المتعة

بالنسبة لحال غزة عندي تعليق بسيط هو لكاتب عالمي ولكني سأنوه عنه باللغة العربية

"" لا يمكن ان تحل المشكلات ابدا بنفس العقول التي كانت سببا في حدوث هذه المشكلة ""

اذا اردنا التغير لابد ان نغير افكارنا بل بالاحري نغير كل شيء وهو انفسنا بداية لابد ان نركز ونعلم حدود المشكلة كي نصل بالمرة الي حل نهائي يستقطب المشكلة من جزورها

مكتوب علي صدر كل واحد فينا جميلة خفية من يقرأها اعلم تماما انه اخيرا انتمي للبشر وترك قطيع الأغنام
"" احترمني - اعطني حقي - اسمعني ""

ارجع للحب وأقول

في داخلنا ملايين الاسباب التي تجعلنا نشعر بالحب تجاه احد الاشخاص
وأيضا في داخلنا ملايين الاسباب التي تجعلنا نشعر بالكره تجاه احد الاشخاص

كل هذا هو نتيجة مشاعرا المتحجرة التي لاتعرف معني الحب الحقيقي او حتي معني الاخلاص الابدي او حتي معني كراهية الكذب
ولعنة الخيانة

نستطيع ان نسامح في الخيانة ولكن لا نستطيع ان نسامح في الحب

قلوبنا اشواك وورود من يصعد عبر الاشواك يستشعر احمرار الورود ويعلم كم توجعت
ومن يملك الورود بلا اشواك ينزل عبر سلم الاشواك ليتجرع الالم

وهناك من يصعد عبر الاشواك ويهبط عبر الاشواك انهم المخلصين دائما حتي في جراحهم


الحب سفر طويل نهايته هي بداية الطريق لسفر أطول لمن يتفهم طبيعة الحب
من يصل الي النهاية ويكتفي بها هو دائما من يخسر لانه لم يتفهم حقيقة هذا الحب

الحب مرض لاتشفي منه الابسكين الغدر والخيانة ومصطلحات الكذب

الحب عمر لا ينتهي لمن أرادو ان يحصلو علي تذكرة خالدة للابد

الحب بلا تضحية مناسبة كذب جميل تكشفه الشدائد والظروف

نزوات الحب اسوأ تطرف يمزق العالم

الحب رحلة لاتنتهي الا بالموت

الحب حالة لاتنتهي ولا تعبر عنها حروف اللغات

ادمان الحب اقوي بكثير من ادمان المخدرات

الحب اذا لم تستشعر حلاوته فاعرف انك اخترت الالم وهو اقوي من متعة الحب


الحب طائر يحمل الالم ويحيا طوالا الوقت بأجنحة مكسورة
آلام اجنحته اجمل من متعة الحب


الحب ......................... مأساتي

15 رأيك:

dreem يقول...

ازيك
انت قلت الحل بس ما اخدتش بالك منه
اذا اردنا التغير لابد ان نغير افكارنا بل بالاحري نغير كل شيء
واخدلى بالك ؟؟
ويادى الحب اللى مبوظ حياتنا كلنا
ابتعد قليلا او كثيرا عن الرومانسية صديقى حتى تجد نفسك اولا
واوعى تقولى انك ما بتلاقيش نفسك الا لما تكون فى حالة حب والله هزعل
ههههه
تمنياتى

غير معرف يقول...

حلو بس انت over اوى فى تعبيراتك
ليه بحس ان انت دايما بتبص لنص الكباية الفاضى مع ان نصها التانى مليان.......lolita

إيناس حليم يقول...

قلوبنا اشواك وورود من يصعد عبر الاشواك يستشعر احمرار الورود ويعلم كم توجعت
ومن يملك الورود بلا اشواك ينزل عبر سلم الاشواك ليتجرع الالم


كلماتك حكيمة.. عميقة .. حزينة..
كل ما تحب تفضفض فضفض عشان متتخنقش
و احنا هنسمعك بإنصات و استمتاع :))
ولا يهمك

mahasen saber يقول...

ادم ايه البوست الفلسفى الجميل ده
انا حاسه انك وصلت لمرحله عاليه قوى من التجارب

بس هايل بجد
ده انا اعتبره من اجمل ما قريت ليك


بس فرحتك وحالتك النفسيه تجاه الكورس انا حاساها بالضبط وعشتها لما اخدت كورس الايطالى فى شهر 3 اليى فات اعتقد

وبالنسبه لزعلك متزعلش بتاتا
لانك اخ ومحبش زعله ابدا

yoyo يقول...

و الله وحشتنى و حشتنى كتابتك ياآدم
يارب تكون بالف خير يارب

كتبت البوست باسلوب حلو اوى عارف الانسان اللى بيكون فاهم اوى بيتعب اوى فى الدنيا

نستطيع ان نسامح في الخيانة ولكن لا نستطيع ان نسامح في الحب

جرح الاتنين صعب التسامح فيهم و ان كان جرح الحب اقوى لانه يكسر شىء جميل جوانا زى قتل طفل برىء

الحب مرض لاتشفي منه الابسكين الغدر والخيانة ومصطلحات الكذب

تشفى من مرض على جرح كبييييييير جرح لا يداويه الا الحب و تبقى الدائرة كما هى حب و خيانة و جرح


ادمان الحب اقوي بكثير من ادمان المخدرات

ادمان يستحيل الشفاء منه رغم المه نتلذذ به


الحب .........................
مأساتي

و قفت كتير اوى قدام الجملة دى هو فعلا الحب ممكن يكون مأسأة ؟؟
لدرجة دى الحب حلو و كمان مولم فى نفس الوقت ؟؟
طيب ليه احنا نتعب نفسنا ؟؟ليه بندور على المنا ووجعنا بايدينا ؟؟
ليه كل حب مخلص بيتقابل بغدر وخيانة ؟؟
ليه اختفى الوفا و الاخلاص؟؟
ليه ماتت المشاعر من القلوب ؟
ليه و ليه ؟؟
أسئلة كتير اوى جوايا مع الاسف مش قادرة اوصل لاجاباتها

تحياتى
يويو

رؤية يقول...

ان كان الحب ماساتك...والمه متعتك

فاتمنى من الله يجيرك فى ماساتك
ويشفيك من المك

وباقى تعليقى سابتلعه..

تحياتى لك

princess يقول...

مش عارفة اقول ايه
لا تعليق بجد........

يوميات نائمة في الأرياف يقول...

ادم ازيك؟
عامل اية؟
بجد ميرسي ليك على سؤال عليا
انا بس نفسي اتسدت ومكنتش عايزة اكتب حاجة من يوم اللي حصل في غزة
....................
اية سبب الحالة الغريبة دي يا ادم؟
لازم تعرف السبب من جواك..عشان تقدر تعدي الحالة دي

ادم اقولك حاجة ومن غير زعل؟

انا بشوف انك ممكن تكون سبب في فشل قصص الحب اللي بتمر بيها
في ناس كدة بيهووا قصص الحب
يعني عايش عشان يحب
بس الاستقرار برضة شئ مهم يا ادم

لازم تخلي الحب سبب سعادتك
مش سبب مأساتك

ربنا يوفقك ويكرمك

ادم المصرى يقول...

على فكره فلسفتك فى البوست ده بجد هايله

جدا دا ينفع يكون مقال شديد موووت على فكره

بجد مش بجملك او حاجه بس بجد احييك يا اخى انتا هايل وتعالى شوف مدونتى

Bone يقول...

بجد جميلة اوى طريقتك فى التعيبر عن فلسفتك
انت عبرت عن فلسفتى معاك

همس يقول...

ياربنا

دا انت فى ردك فى مدونتى حبيت اهرج


جيت هنا مش عارفه انطق

ايه يا سيدى دا كلو


ليه بس مودك حزين اوى كدا

لالا انت عايز خروجه تمام كدا

وشويه ابتسامات مركزة

وضحكات من القلب فعاله

وانت هتبقى تمام


بس الصراحه مدونتك جميله وان شاء الله هتابعها ديما

اسعدتنى بمرورك بمدونتى


تحياتى

غير معرف يقول...

السلام عليكم...
أمممممم..الموضوع ببساطه..
همممممممم
تاخد عليه ممتاز..بالنسبه لكلامك عن غزة فهو كلام جديد وخاصتا الجملة الى ذكرتها فعلا هى واقع ملموس وجميل أوى انك تكون على هذه الدرجة من الثقافة،لكن الى انا حساه بصراحه إنك ماسك الحب على انه مشكلة حياتك يعنى أشكرك انك تكلمت عن غزة لما يجث فيها الآن لكن معظم الموضوع بينصب بردو على الحب الضائع..على أجنحة الحب المكسورة..ليه مش بتحاول ترضى نفسك بكم معين من حب الناس ليك..أكيد مافيش إنسان هيحظى بحب كل الناس وبصراحة طريقتك محسسانى انك بتبحث عن حب كل الناس إلا عمر ما شخص هينوله لأنك صعب ترضى كل الأفراد إلا بطرق غير مشروعة(طبعا ديه مش إهانه)

آسفه لو كنت طولت بسى بجد نفسى أشوف نظره ليك تانيه للأجنحة المكسورة حتى لو كان صعب إعادتها لطبيعتها فتأكد ان فى أجنحة سليمه..ولا إيه؟
وشكرا ليك وآسفه مرة تانيه..
منةالله...

قطرات من شواطئ الحياة يقول...

جميل كلامك عن غزة .. و واقعي جدا


أما عن الحب

فأضيف لتعريفاتك التميزة سطرا من خاطرة لي :

الحب كزهرة .. جميلة و هادئة ..و لكنها و قت الدفاع تجرح .. ثم تموت

l0ma يقول...

حالة الخنقة التى تبلغ حد الخطورة للاسف عند بعض الناس الى وبى ملهاش حل ولو حتى نمت اسبوع كامل وبقالى فترة فعلا فى الحالة دى ومش لقيالة حل
والحب ليس ماساتك وحدك هى ماساة العدييييد وانا اولهم وللاسف الخيانة والكذب ساعات مبيكونوش علاج للحب او طريقة لنسيانة بيكون فقط وسيلة اخرى من وسائل التعذيب ولكن للسلوى فالوحدة القاتلة ابشع بمراجل من جميع انواع العذاب الخاصة بالحب
ودمتم

غير معرف يقول...

يارب يكون مودك دلوقتي أحسن..

عجبني أوي الكلمه اللي انت كتبتها حل لغزه.. انا معاك..

بالنسبه للحب
الحب مأساتنا كلنا يا آدم..

كلماتك جميله اوي اللي كتبتها عن الحب..
عجبتني أوي الجمله دي:

ادمان الحب اقوي بكثير من ادمان المخدرات

عندك حق