الثلاثاء، ديسمبر 09، 2008

سألتني ..


أصدقائي المدونين الأعزاء


كل عام وأنتم بخير


اعتذر عن عدم متابعتكم لفترة ربما ستدوم نظرا لانشغالي

اعلن اشتياقي لكم ولكلماتكم

كم اشعر بالقبح وانا بعيد عنكم وعن قلمي

اشعر انه يعطيني حالة من التسامح مع نفسي وحب للعالم



والله انا كنت بفكر خلاص اقدم في جريدة وكلمت رئيس التحرير بس مشعارف ليه مش روحت رغم ان الناس انتظرتني

بس انا بفكر اكتب حاجة فرايحي الاول


وعموما انا مش تفرق معايا كتير خصوصا انا بحب الهواية دي بعشقها يمكن خايف اكرهها لو أ اصبحت هي روتين حياتي

عموما محاولة لم تكتمل ربما عشقي للتسويق والدعاية له اثر فعال علي شخصيتي


دائما سعداء


كل عام وانتم بخير


وانا كاتب لكم شوية بوستات يارب يعجبوكم



نحتاج نهاية

===========
أتوه بعيدا عنك
تشتتني الأفكار
لا أملك من قصة حبنا
الا حكايات تحتاج ترتيب
اسير في شتي السبل
أتأمل ماضي الألم
لم اتذكر من حكاياتنا
الا قلب في مرحلة التغييب

أحلامناكانت رائعة عذبة
شفافة جميلة عادية
أحلامنا عندما دفناها سويا
لم نكتب عليها قصة الخوف المريب

اتذكر ضحكاتك حبيبتي
اتذكر همساتنا
اشتقت الي لغات الصمت
وكلام العيون
اشتقت الي رحيق شفتاك
الم نكن في كل قبلاتنا نتهامس
ألم تناديني أول وآخر حبيب

تحكينا ليالي القمر
تبكي علينا السماء
تجسدت آهاتنا اشباح
كيف ابتعدنا
وأصبح البعيد مثل القريب

قوارب نجاة حبنا تاهت
شواطئنا تكسرت تاهت
ورودنا أوجاعها بانت
لما البقاء مع قلب منيب

حلم تكسر بينا
خوف تمالك احلامنا
احساس بالعجز حطمنا
لا نحتاج سوي نهاية
تشفي جراح قلبي الغريب

نهاية تليق بحب السنين
نهاية تشفي آلام البعد والحنين
نهاية نبقي عليها ذكرياتنا
ونزور مدفن عشقنا باكين
نهاية تعلن الحاد القوانين
نهاية نحن فقط فيها الخاسرين
نكتب عليها
هنا احلام عاشقة وحبيب

=============

=============
سألتني

سألتني هل ما زلت كما مضي
تطارد العذاري من النساء
تحيا أحلام المراهقين
لا أشعر معك بأمان
سيدي هل لك في العشق صديق

أشفقت عليها وأجبتها
ما مضي هو تجارب الحياة
والعذرية في عالمنا لا منطقية
لولا عذوبة احلام المراهقين ما تقابلنا
أمان العشق أشواق مخفية
سيدتي بدونك في العشق أحيا بلا رفيق

حاورتني
الست من حطمت القلوب
منطقيتك ساحرة تشيه العشق والحروب
كم قتيلة تركتها وانت تبحث في الدروب
كم بريئة استعمرتها حتي لعنت لغة القلوب
سيدي اليست الوحدة والشك نهاية هذا الطريق

نظرت لها متبسما
هل عرفت من الظالم ..من المظلوم
من هزم في الحروب
من تاه في الدروب
من لعن لغات العشق
من اعدم القلوب

صغيرتي
في نهاية الحكاية
هناك امرأة استعمرتني
هناك احتلال مزقني
هناك خسائر افاقتني
سيدتي كيف اخرج بلا تشوهات من الحريق ؟
كيف ينجو بلا بلل الغريق ؟
الكل يخسر لا يفوز واحدا من الفريق؟
اذا ذهبت النجوم لا تسألي عن البريق ؟؟
عند البداية لا نعلم ابدا متي ينتهي الطريق !!


================


رباعيات

================

بلدي عايزين يشخصوكي
هما مين اصلا عشان يملكوكي
خايف يبعوا حقي ويبيعوكي
واصحي من النوم الاقيهم خصخصوكي

================


بلدي ضميرك لوح تلج ساح
بلدي رجالتك كلاب تعبوا من النباح
ولاتغيير ولا شرف ولاأمانة ضاع المفتاح
بلدي عرفت الفشل فيكي امتي اعرف النجاح

================
عايش في الحياة علي الهامش
نايم علي حصيرة وفارش
لكل الكلام انا هارش
الحق ميت بس في الارض عايش
================
بالدم أحيانا يكتب يكتب القلم
بالظلم احيانا نرفع العلم
من تخلفنا لم نرث الا الالم
لم نحصد يوما الا تجارب الندم
================


خليك نايم يامصري
اياك تفوق او تلمس شعري
اياك تفكر ..تحلل وتعمل عصري
انا حروح للي يدفع مهري
================

19 رأيك:

yoyo يقول...

كل سنة وانت طيب يا آدم

يارب يكون عيد سعيد عليك

انا قولت اسلم عليك اولا
واقرا براحتى بقى
ليا تعليق تانى

تحياتى
يويو

غير معرف يقول...

بوست جميل
عجبتني اوي الرباعيات
تسلم ايديك بجد

بس ليه يا ادم مروحتش الجريده؟؟ حتي لو هي هوايه انت موهوب واعتقد انه مجال حلو للشغل.. ربنا يوفقك للي فيه الخير

ويارب تكون بخير
وياريت متتأخرش كتير

وكل سنه وانت بخير

تحياتي

جوجو يقول...

السلام عليكم

كل سنة وانت طيب

بجد بوست هايل

فعلا التدوين جميل اوى وخصوصا لما تبقى هواية عندك

تحياتى

princess يقول...

كل سنة وانت طيب
عايز راى توكل على الله فى موضوع الجريدة
مش حكاية شهرة بس لما كلامك يوصل لناس كتيرة صدقنى ده هيغذى الابداع عندك
وكمان على فكرة صعب تلاقى حد يعرف يكتب فى اكتلار من لون بالشكل ده:)
البوستات كلها حلوة
عجبتنى اوى جملة"عايزين يشخصوكى...."
تحياتى وكل سنة وانت طيب:))

رؤية يقول...

كل عام وانت بخير

ارجوا الا يطول الغياب

تحياتى لك

مولان يقول...

حمد الله علي السلامه

وبالنسبه للجريده ربنا يقدملك اللي فيه خير ليك

وبالنسبه للبوستات فيها تنوع بجد تحفه

كل سنه وانت طيييييييييييب

mohamed ghalia يقول...

الله عليكى
حقيقى كلمات رائعة
فى إنتظارك دوما
كل سنة وحضرتك بخير

yoyo يقول...

شوف بقى يا آدم أنا هاتكلم عن كل بوست لوحده

أولا: نحتاج نهاية
ـــــــــــــــــــــــــــ
ما أقسى ان يعيش الحبيب على امل وذكريات عشق كانت ولم تعد ابدا برغم أننا نحيا على تلك الذكريات الا اننا نتالم من تلك اللحظات ولكنه الاحساس بالعجز يسيطر علينا

أنها نهاية حب و موت عشق ولد برىء فى قلبين أضناهما الهوى و تحطمت كل احلامهم وامالهم

**************************

ثانيا: سألتنى
ـــــــــــــــــــــــــــ
أعجبنى الحوار جدا

سألتني هل ما زلت كما مضي
تطارد العذاري من النساء
تحيا أحلام المراهقين
لا أشعر معك بأمان

سيدى هل لك في العشق صديق
******************


أقلبك مجمع ممتلىء بالنساء العابرات ؟!!
أ تبحث عن رجولة الطرقات ؟!!
كيف لى أن أشعر بالامان وانت تحطم القلوب و تقتل احلام العذارى فكيف لى النجاة من هواك ؟!!

*****************
في نهاية الحكاية
هناك امرأة استعمرتني
هناك احتلال مزقني
هناك خسائر افاقتني
سيدتي كيف اخرج بلا تشوهات من الحريق ؟
كيف ينجو بلا بلل الغريق ؟
الكل يخسر لا يفوز واحدا من الفريق؟
اذا ذهبت النجوم لا تسألي عن البريق ؟؟
عند البداية لا نعلم ابدا متي ينتهي الطريق
**************

ما ذنب شهداءك فى الهوى؟؟
أى ذنب ارتكبته قلوبهم؟؟ أحبك ذنب ؟!!

أ من أجل امراة واحدة تحطم الف النساء و تكسر مئات القلوب ؟!
أين قلبك ذاك ؟؟ أ عند مثلك قلب ؟؟
أم انك فقدت قلبك وسط حطام معاركك تحطم قلوب العذارى تقتل أطفال العشق و تغتال احلام الهوى الوردية ؟!
سيدى ستظل هكذا تبحث عن قلب فقدته وسط قلوب دمرتها أنت ؟! ها أنت قد بدات واعلم انك تعبت من كثره الحروب ولكن ترى متى سوف تنهتى حروبك تلك؟!

*********************************

ثالثا: رباعيات
ــــــــــــــــــــــ

آآه منك أم آآه عليك يا بلد آآه عليك والف آه فقد أصبحت كالاسير الجريح الذى يوما عن يوما تزداد الآمه و جراحه لا ذنب لكى ولكن الذنب فمن تصور انه ملكك انت فكيف يصح وانت المليكة !!

بلدى عرفت الفشل فيك امتى اعرف النجاح

ياااااااااااه والله يا آدم الجملة دى وجعتنى اوى اوى
عزيزى لا تلقى باللوم على من لا يستحق اللوم و لاتجعل اليأس يستطر منك فلا حياة بلا امل وحتى وان كان الامل بسيط ويكاد ينعدم

خليك نايم يامصري
اياك تفوق او تلمس شعري
اياك تفكر ..تحلل وتعمل عصري
انا حروح للي يدفع مهري

كيف لى ان احيا بعيدا عن ترابك سيدتى مهما اخذتنى الدنيا أعود اليك محملا بالاشواق لو كان مهرك عمرى لفديتك عمرى وكل ما املك


أسفة للاطالة بس كلماتك والله بها الكثير والكثير بوست ثلاثى أكثر من رائع
ياريت بجد تحاول فى موضوع الجريدة وان شاء الله يكون لك خير فيها باذن الله بس ابقى افتكرنا وقتها ههههههههه

دمت دائما وابدا مبدعا

تحياتى
يويو

habiba يقول...

ياااااااه
حمد الله على سلامتك
عاملى فيها جناب الكومانده المهم ومنفض للبلوج

عموما كل سنه وانت طيب وعيدك سعيد

بخصوص البوست
مش لاقيه كلام اعلق مش عارفه ليه
مش حكايه عاجبنى اوى فاتخرست ولا مش عاجبنى فانتقد لكن بجد مش عندى كلام
بس دى
"
سيدتي كيف اخرج بلا تشوهات من الحريق ؟
كيف ينجو بلا بلل الغريق ؟
الكل يخسر لا يفوز واحدا من الفريق؟
اذا ذهبت النجوم لا تسألي عن البريق ؟؟
عند البداية لا نعلم ابدا متي ينتهي الطريق"

حلوة اه
مست قلبى :)
عيدك سعيد :)

mahasen saber يقول...

اعلق على ايه ولا ايه ولا ايه

رحمتك يا رب
طبعا انتا عارف انا لسه راجعه من السفر فحبيت بس اوفى بوعدى
وبكره ان شاء الله اعلق على الخمسه فى واحد اليى انتا كاتبهم دول

خمس بوستات
خمسه

انسانةعادية فى عالم مش عادى يقول...

كل سنة وانت طيب
بخصوص الجريدة لازم تنمى موهبتك اكتر واكتر ولو اكتفيت بانك بتكتب لنفسك صدقنى هتدمر الموهبة دى خليك وراء حلمك لاخر لحظة
ان شاء الله هقرا البوست بئا بالراحة كده وواحدة واحدة

kochia يقول...

اولا بوست دسم جداااااااا
ومش عارفة اعلق علي ايه ولا ايه

نمسك بالترتيب وخلاص

كل سنة وانت طيب
ليه لغيت موضوع الجريدة ؟؟ لازم تروح وتجرب لانك موهوب ويجي منك

واكيد لو الروتين حاجاة بحبها هستمتع بحياتي اكتر مش هكرهها

عجبتني الرباعيات اوي اوي
عجبتي الحتة بتاعة ضميرك لوح تاج ساح
حاساها معبرة وقوية ومختلفة ومفيش امل

الا تلاجة تلمه وترجعه لوووح

دايما مختلف
وده في حد ذاته ابداع

تحياتي

يوميات نائمة في الأرياف يقول...

كل سنة وانت طيب ويارب الغيبة دي متطولش
ويارب عيد سعيد
رنا

انت تسال والكمبيوتر يجيب يقول...

دعوه

تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

انت تسال والكمبيوتر يجيب يقول...

دعوه

تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

يوميات نائمة في الأرياف يقول...

كل سنة وانت طيب يا آدم ويارب الغيبة دي متطولش
ربنا معاك ويكرمك في اي طريق هتمشي فيه

البت المشمشية حلوة بس شقية يقول...

كل سنة وانتا طيب ومتتاخرش علينا

غير معرف يقول...

عجبنى اوى بوست نحتاج نهايه كلامو مؤثر اوى وحسيت انو فعلا خارج من قلبك وحقيقى كل كلماته معبره عن الى بتحكيه الله ينور عليك
nonosha

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘