الجمعة، ديسمبر 26، 2008

دي اخر كتاباتي لعام 2008

أنا بهدي البوستات دي لمفهوم بجد بفتقده وهو الحرية
بتمني اعيشها قبل ما اموت
همسات عشقي
============
كنوز الحب اشواق
تمزق قلبي بلا رحمة
دموع العين انهار
لا تطفيء نيران قلبي المشتعلة
حكايات حبي أوراق
كتبتها بحبر العشق وحبر الغدر تارة
همسات عشقي احلام
تعلمتها علي بد امراة
العنها في اليوم الف مرة
======================
ليلة وداع
===============
فى سماء عشقنا لم يبقى الا الضياع
اوشكت حكايتنا اخيرا على الاقلاع
لست اعلم هل انشر الخبر فى المذياع
اخر حاجة بينا دموع فى ليله وداع
ليله وداعنا
يوم فرقنا
انتهت حبيبتى خلاص الحكاية
اجمل ما فيها كان البداية
احلى ما فيها دور البطولة
اشقى مافيها كان النهاية
خلاص حبيبتى مركب حبنا من غير شراع
ليلة وداعنا -----يوم فرقنا
فاكرة اللى راح
عشنا الجراح
خلاص بقى ايه فى حياتنا غير الصراع
ليلة وداعنا -----يوم فرقنا
من غير نجوم
سما مليانه غيوم
دموع قمر مهموم
كل الظروف بتقول وداع
كان نفسى اكتب حكاية
بلون الورد او حتى من غير نهاية
من مليون فصل علشان ننسى البداية
لأن الحكاية دايما ليها بداية ونهاية
حكايتنا كان اسمها ليلة وداع
====================
عشق بلذة الاستعمار
================
انا ها هنا
عاشقا كما مضى
ساخطا على كل شىء فى الفضا
هوايتى عشق النساء والخطا
فى حروبك حواء انا دائما فى انتصار
كل يوم غزو جديد
عشق جديد
حب يولد ويموت
لن اكف عن حروبي حتى تتوقف الامطار
من اليوم
اشعر بلذة انتصار
ارى فى عينيك انكسار
على وجهك علامات الحروب
ازيلى الغضب والغبار
استعدى لعشق بلذة استعمار
لست منتقما جبار
لن تجف بعدى الانهار

عزيزتى حواء
بعدى لن تملكى الا الانتحار
العشق غابات من الفواكه
لكل فاكهه طعم وخيار
ويوم تنضج فيه الثمار
ويوم لى لاجعل نهديك
يقوموا بحمله استنفار
لن تنفعك الحواس
ولن تجدى قرون الاستشعار
فأنتى فى احضانى
كل يوم تموتى
بإرادتك ولك مطلق الاختيار
متى عرفت طعم عشق
لن تملى من ليالى الاستعمار
========================
الحب بالملابس الرسمية
===================

ذهبت لقاضى العشق
لست عاشق ولا جريحا
ذهبت ببعض اللفافات الورقية
اعرض عليه اركان القضية
بين حبيبة وعاشق وامرأة عتية
بدأت المرافعة بكلمات رومانسية
سردت الحكاية من جوانبها الحسية
شرحت الظروف و الاشكالات المادية
دافعت عنهم بكل موضوعية
اجابنى؟؟؟؟
الست صاحب الاحكام العرفية
الست من دافعت عنها قديما
أهى حبيبتك ام إمرأة عتية
أجبته هى الماضى على أوراق منسية
هى الضياع عندما تعسفت الحرية
انا اليوم ادافع عن براءة طفولية
براءة ليس ذنبها ذكريات منسية
لا أهتم سيدى بالترتيب
من الاولى ومن الاخيرة
فى الحب لانهتم بالامور الشكلية
فى العشق لنا احاسيس مختلفة فلسفية
أجابنى
الست ادم الالفية
الست عاشقا من القرون الازلية
الم تسجل قصتك فى الكتب التاريخية
لا يحق لك الدفاع عن إمرأة بلا هويه
اجبته
انا هو ولكنى أزلت القيود الابدية
شطبت سجل الماضى
اصبحت بكراً
لم تعد لى مشكله فى العذرية
اليس حقى ان اتمتع بعاشقة اخرى ابدية
اجابنى
هل تريد ان تحصل على الحرية
ان تحيا بحب جديد وتعشق إمرأة سوية
ويكون لك فى الحب قصتان
واحدة فى الكتب التاريخية
والاخرى تتجسد بواقعية
مطالبك مرفوضة ابية
اتيت مدافعا والان ركنا فى القصة
من يأتى مدافعا
لابد ان يقوم بالدفعات بلا مصالح دنيوية
الان ارجع
ارتدى لنفسك هويه
فاسم المحكمة
الحب بالملابس الرسمية
وهنا ايضا نهتم بالامور الشكلية
تغيرت حقا قوانين الالفية
اذهب الي البداية
لتعرف كيف اغتيلت براءة الرومانسية
=======================
هى ايه ذنبها
==================
طاب هى ايه ذنبها
غلطت غلطة بدفع حقها
عرفت انانية بتفكر فى نفسها
انا ذنبى ايه وهى ايه ذنبها
نسيت الماضى وفعلا لقيتها وبحبها
عايزانى أعيش علشان اسلى وقتها
عايزانى اوقف حياتى لرغبة جوه قلبها
انا أصلاً كل يوم بندم انى عرفتها
بندم انى بجد عشقتها
كرهت قلبى علشان بيشتاقلها
وخلاص لقيت حب عمرى وبحبها
ياريتها تبعد وتنسى انى عرفتها
ياريتها تنسى عمرى
ياريتها تقطع صورى
وتفكر بجد انى مش انفع لها
كدبها غشها حتى صدقها
مليت حياتها وطريقتها
خلاص بجد مليت حبها
بتفكر بس فى نفسها
ونفسى اعرف بس يا قلبى
الثانيه ايه ذنبها

الخميس، ديسمبر 18، 2008

بوش ..وسياسات ضرب الجزم ...وضرب النار







بوجهة نظر بعيدة المدي للوضح الحالي وبسياسة تبادل الأدوار ولتقييم الموقف الذي وضع فيه الرئيس بوش الذي حكم الولايات المتحدة الامريكية دورتين فقط تماشيا مع القانون .



بداية من منطلق سياسات ضرب الجزم أحب تأكيد ان سياسة امريكا ضرب النار من منطلق قوتها وسيطرتها علي العالم وتمتعها بحق الفيتو في الامم المتحدة نجد فعلا ان هذا هو التناسب الحقيقي لطبيعة الأمور .



أمريكا (تقدم +قوة ) ------ سياسة ضرب النار (النووي )



العرب (تخلف +ضعف )---سياسة ضرب الجزم






* من منطلق السخرية مشعارف المفروض اكتب في دعوة فرحي ممنوع ضرب النار ومكفول تماما الحق بضرب الجزم .






*رأي هنا هو رد فعلي كأنسان عربي شاهد بنفسه رد فعل الغرب عنا وطريقة تحدثهم عنا بل كيف ينظرون لنا دائما من اسفل نظارة التخلف والتطرف والارهاب وهذا ربما لانني احلم بحالة من التسامح والسلام تسود العالم ونشر حقيقي للاوضاع والظروف والحقائق وتعبير حقيقي للوجهة الاعلامية العربية التي اصبحت وبحق تحوم حولها شبهة قنوات الجنس الغربية بشتي صورها وان كانت دائما تأخذ مراحل الاغواء الاولي هم دائما في اعلامهم مقنعين لشعوبهم مقنعين لحكوماتهم راضين عنها وان ملوها تتغير يتمتعون بالحرية ان شئنا او أبينا وهذا رأي كل من تعامل مع هؤلاء البشر ولذلك لا اتعجب عندما أجد اعلامنا الكبار وممثلونا مثل الدكتور فاروق الباز ترك ام الدنيا وذهب الي انجلترا اليس هذا يعطينا طريقا للتساؤل هل انعدم الامن والامان في مصر بلد الأمان .......



رجوعا لموضوعنا الأصلي وهو سياسة ضرب الجزم تراودني تساؤلات ربما اجابتها تصل بنا الي ايمان بأهمية الوصول لمرحلة من التسامح والتعامل بحنكة وعدم التعصب ولكن نهتم بأمور حياتنا الاساسية وبنيتها الهامة ومعالجة الفساد الداخلي كي نكون وبحق قادرين الي الخروج الي العالم ونتعامل بسياسة تجعلهم يحترمون تقدمنا ويحترون رأينا لا نتظر المعونات والهبات لكي ياخذها لصوص الحكومة ثم نلوم علي امريكا وابدأبتساؤلاتي






هل رفع الحزاء في وجه رئيس طاغية امر يقره الدين او حتي يتوافق مع الرسالات السماوية ؟؟؟



هل لو ردت امريكا بقنبلة نووية مثل هيروشيما ونجازاكي كان سيكون هذا بطلا ؟؟



هل هذا الحذاء يستحق مليون دولارا او حتي ان نسرد تاريخ مشرف لنا امام الشاشات يدل علي ان هذا عمل بطولي او تاريخي ؟



وقع تمثال صدام حسين وضرب بالجزم هل هذا يعني انهم فخورين بسياسة امريكا خاصة انها خلصتهم من طاغية ؟؟



وقعت صورة حسني مبارك في احداث المحلة وضرب بالجزم هل سياسات ضرب الجزم تجدي نفعا ؟؟






ام انه تعبيرا يدل علي الشماتة فقط وما تجدي تلك الشماتة في عالمنا ؟






اما انا فلي تساؤل لما لا ننشر سياسة جديدة تجعل الجميع يحترمون ارائنا واننا حقا ممكن ان ننشر سياسة الطعن من الخلف او حتي الضرب عي القفا سهوا ؟؟



وهنا اقصد بالتقدم والتطور في تعليمنا وصناعتنا وزراعتنا وأن نرتفع باقتصادنا ولوحتي في صناعة الزجاج الانملك رمال صحراء تكاد ان تكون كنزا لنا لما لا نستغل مواردنا لاشباع احتياجاتنا بداية ...



اذهب الي الجانب الآخر ما هي نظر ة العالم لنا بعد احداث 11 سبتمبر حتي هؤلاء العرب في امريكا يعاملون أسوأ معاملة حقا عندما اري حملات التفتيش في المطارات بمجرد ان يري في جنسيتك انك عربي او ديانتك مسلم ويبدأ ينظر اليك بنظرة تحوم بشبهة التطرف والتخلف والارهاب يجعلني وبحق حزينا علي صورتنا الخارجية أمام العالم حزينا اما منطق اسمه نحن شعوب تبحث وبحق عن هوية حقيقية لتحيا بسلام وامن ورفاهية ولكننا مازلنا نقف في طوابير حياتنا اصبحت طوابير لا تنقطع ابدا في كل شيء حتي في المطارات وفي السفارات متي يكتب في جواز سفري هذا مواطن مصري الرجاء الاهتمام بأمره ...


عندما اقرأعلي النت ما هي الأسباب التي احيانا تقبل بها السفارات الاوربية والامريكية في طلبات الهجرة اكاد اشعر بصدمات متتالية منهم من يشتكي الاضطهاد منهم من يشتكي الشذوذ وعدم الحرية اسباب وبحق تخزي لها العين وتجرح حياء مشاعرنا كأسلاميين شرقيين






ما يحدث هو تخلف وتطرف وارهاب مهما كانت صوره لست معهم في سياستهم ولكني ايضا لست مع هؤلاء العرب نحن نؤكد لهم وجهة نظرهم ارجوكم غيرو شعارات حياتنا وابتعدوا عن العنف احيانا كان السلام مخرجنا ودليل ذلك ما فعله انور السادات



لابد ان نقبلهم لانهم موجودين فعلا ومسيطريين ونعترف بضعفنا وهواننا امام العالم كي ناخذ طريقا واحد نحو التقدم






من ناحية أخري لاستغلال الموقف هل صورة مثل صورة الشهيد محمد الدرة سوف تجذب انتباه العالم لنا وتجعله يتعاطف معنا ام صورة هذا الصحفي الذي ربما يعود بجنسية امريكية او يفضل البقاء هناك






ارجوكم مللنا الابطال الورقية






ارجوكم قولو نعم باقتناع لانني كرهت نعم المتاخرة التي تكون هي المخرج الوحيد نعم الذليلة قد مللتها



ارجوكم ارسموا لنا صورة تتوافق مع اسلامنا وسماحته.. عروبتنا وشحاعتنا ونخوتنا ..



ارجوكم اجعلوني فخورا وانا اقول انا عربي مسلم مصري





















البوست القادم تقرأو فيه هذه القضائد



1-الحب بالملابس الرسمية .



2- عشق بلذة الاستعمار



3- ليلة وداع



4-هي ايه ذنبها



happy new year






السبت، ديسمبر 13، 2008

sorry 2008


اصدقائي الاعزاء


كلكم بجد وحشتوني جدا

انا عارف ان في ناس كتير زعلانة ويمكن قاطعتني علشان مش برد علي التعليقات وناس تانية زعلانة اني مش بروح ابص عليها

بس والله عموما انا كتير بروح عندكم اقري الموضوعات بس مش بعلق لاني مش بعرف اجامل في التعليق يعني مش بحب اكتب اي تعليق وخلاص ياريت تسامحوني

وبعتذر لغروب وبوسي وندا لاني مش حليت التاج برضو مش عارف اركز لاني المفروض احل التاج بجد يعني الناس تفهم منه حاجة

وبعتذر لكل الناس اني مش عملت ابو العيال او اخوهم الكبير او حتي الصغير وعيدت عليهم واديتهم العيدية وخاصة يويو اللي بتموت في الفلوس

بعتذر لفهرنهايت وبقولو الدنيا مش ناوية تجيبها لبر علي طول دوامات وساقية

بعتذر لقلبي اللي منفضلو وعمال اصدموا كل يوم بشيء اسوأمن اللي قبلو وبقولو تفتكر هي دي ]نيتنا ولا حتي حياتنا ولا احلامنا سوا

ظالمك معايا بس مش عندي حل تاني

بعتذر لقلمي اللي دايما ناسية ومش راضي اكتب حاجة رغم غزارة الافكار وعارف انك بتقول حمار مضيع وقته في كلام فاضي بوعد ياقلمي انك تكون كل حياتي وتاخد حقك

بعتذر لاوضتي الضلمة اللي هجرتها وعشت في ضلمة الدنيا الكبيرة وعارف انها بتلعني وبتشتاقللي بس بجد انتي اكتر حاجة برتاح معاها بس مشعارف اعيش فيكي زي زمان وعارف ان رحلة البحث عن شعاع نور انتي بطلتها الوحيدة


بعتذر للابتوبي العزيز اللي مطلع عينو علي الفاضي والمليان وانا نايم وانا صاحي وعارف انو بيدعي عليا وعايزني اشتري بطارية وعايزني ارحمو شوية وبقلهالو لازم تموت قبل ما حققلك احلامك


بعتذر لدموعي وعيوني وبقول امتي اشوف الصح الصح والغلط غلط علشان كل دمعة تنزل تكون تستاهل وبقول لعيوني مشعارف فعلا المفروض البس نضارةولا ايه


بعتذر لاحلامي ولطموحاتي وبقولهم بكل حزن اسف جدا اسف طول العمر مشقادر اعمل حاجة غير اروح ارمي دموعي جنبكم مشعارف ليه دايما كل يوم بتنازل عنكم يوم ورا يوم انا ماستهلش اصلا الاحلام دي او الطموحات دي


بعتذر لاغنيتي المفضلة علشان نسيتها وهجرتها والكارفات المفضل عندي علشان اتخنقت منه بعتذر لنفسي اللي مقصر معاها في كل حاجة لا اكل ولا شرب ولا حتي شوية ضحك وبوهم نفسي اني بعمل رجيم علي الرغم اني مش بخس


بعتذر لثقتي بنفسي وخايف اكون بقيت مغرور علشان كدا اختلفنا علشان كدا كل يوم اسوأمن اللي قبلو

بعتذر للزمن اني دايما بلعنو رغم انو مالوش ذنب


بعتذر للحب والرومانسية ومش قادر اقولهم غير كان نفسي افضل طول العمر احب قلب واحد طول العمر واخلق حكاية من فصل واحد ورواية من بطلة واحدة واكتب احاسيس جميلة بريئة واحدة ماعرفش معاني تانية اتعلمتها غصب عني ونسيتني اهم حاجة الحب

عرفت الغدر ..الكذب .. الخيانة.. الشماتة ...الخ


بعتذر لكل الناس اللي بحبهم اني مقصر ونسيهم لاني بجد ناسي نفسي


بعتذر للسعادة وبقولها ليه دايما متخانقين ياحبيبتي ليه دايما بعيدة عني ليه دايما تايهين من بعض


بعتذر للامل وبقولو عارف انك مصدوم فيا عارف انك لحد انهاردا مش مصدق اني استسلمت عارف انك قولت مافيش فايدة اسف علي الازعاج مش حخبط تاني ياريت تنساني


بعتذر لقوانين العالم لاني افتكرت يوم اني ممكن اغيرها اني ممكن اكون جدير بشيء يستاهل بعتذر لكتب القانون والدساتير والمحاكم لاني بجد مقدرتش اكمل في عالم المشكلات ربما حقا الآن لا اعرف سوي المشكلات هل تقبلوني ثانية ؟؟ الرفض جزائي ؟؟؟ لن اتعجب من الأجابة البتة


بعتذر للغة الانجليزية واللغة الروسية والهولاندية وبقول نسيتكم لاني غيرت كاريير حياتي عارف ان مش من حقي اعتذر


بعتذر لمباديء عمري وبقلها لافائدة من البكاء علي اللبن المسكوب


بعتذر للحياة لاني مش عرفت قيمتها


بعتذر لاموالي اللي ضيعتها في كل رخيص وعلي كل رخيص


بعتذر لمشاريعي لاني مش اهتميت بيها وسبت كل حاجة ضاعت


بعتذر لتليفوني اللي كلمت منه اللي يسوي واللي مايسواش وسهر معايا كتير من غير ذنب


بعتذر لحب عمري وبقولو كنت مؤمن ان الحب حالة جمود تظل طول العمر بس للاسف اكتشفت انو بداية لتطور غريب زي التطور الطبيعي للحاجة الساقعة خايف بجد احب تاني لاني مؤمن ان التطور موجود انا محتاج حالة جامدة لا تتغير طبعا بعتذر لحالة لن تتحقق تتنافي مع قوانين الكون وطبيعة البشر والمعادن وتفاعلات الفلزات


بعتذر لهواياتي اللي كل يوم بفقدها واحدة ورا التانية ودا طبيعي ناتج من اهمالي وذنوبي بتمني ربنا يسامحني


بعتذر لافكاري اللي بس تاعب عقلي انه يفكر وفي النهاية مجرد فكرة بنساها دايما




مكسوف اعتذر لوالدي انا خيبت امالو ومكسوف ازور قبره وشكلي هفضل طول عمري احلم اروح هناك بخبر يفرحو


مكسوف اعتذر لربنا لاني خونت الأمانة ومحافظتش علي النفس وارتكبت الكبائر والصغائر عارف اني شوفت الموت كتير ومش اتعظت حاسس بجد مافيش فايدة


آخر اعتذار

بعتذر لسنة 2008 لاني غيرت كل خططي ونسيت كل حاجة وعدتها بيها وخايف اوعد 2009 علشان بجد مش عندي احلام ليها دلوقت عموما حخطط وافكر واوعدها

بعتذر لحواء لانها اصبحت غريبة الاطوار لم اعد استطيع التفاهم معها
بعتذر لآدم وبكتبلو بدموعي دلوقتي عارف اني اختلفت وعارف انك ندمان لان عمرك ماعتزرت ودايما كنا عارفين سكة واحدة مع بعض سكة نجاح مع انسان قوي للأبد
اسف آدم لانك انا


الثلاثاء، ديسمبر 09، 2008

سألتني ..


أصدقائي المدونين الأعزاء


كل عام وأنتم بخير


اعتذر عن عدم متابعتكم لفترة ربما ستدوم نظرا لانشغالي

اعلن اشتياقي لكم ولكلماتكم

كم اشعر بالقبح وانا بعيد عنكم وعن قلمي

اشعر انه يعطيني حالة من التسامح مع نفسي وحب للعالم



والله انا كنت بفكر خلاص اقدم في جريدة وكلمت رئيس التحرير بس مشعارف ليه مش روحت رغم ان الناس انتظرتني

بس انا بفكر اكتب حاجة فرايحي الاول


وعموما انا مش تفرق معايا كتير خصوصا انا بحب الهواية دي بعشقها يمكن خايف اكرهها لو أ اصبحت هي روتين حياتي

عموما محاولة لم تكتمل ربما عشقي للتسويق والدعاية له اثر فعال علي شخصيتي


دائما سعداء


كل عام وانتم بخير


وانا كاتب لكم شوية بوستات يارب يعجبوكم



نحتاج نهاية

===========
أتوه بعيدا عنك
تشتتني الأفكار
لا أملك من قصة حبنا
الا حكايات تحتاج ترتيب
اسير في شتي السبل
أتأمل ماضي الألم
لم اتذكر من حكاياتنا
الا قلب في مرحلة التغييب

أحلامناكانت رائعة عذبة
شفافة جميلة عادية
أحلامنا عندما دفناها سويا
لم نكتب عليها قصة الخوف المريب

اتذكر ضحكاتك حبيبتي
اتذكر همساتنا
اشتقت الي لغات الصمت
وكلام العيون
اشتقت الي رحيق شفتاك
الم نكن في كل قبلاتنا نتهامس
ألم تناديني أول وآخر حبيب

تحكينا ليالي القمر
تبكي علينا السماء
تجسدت آهاتنا اشباح
كيف ابتعدنا
وأصبح البعيد مثل القريب

قوارب نجاة حبنا تاهت
شواطئنا تكسرت تاهت
ورودنا أوجاعها بانت
لما البقاء مع قلب منيب

حلم تكسر بينا
خوف تمالك احلامنا
احساس بالعجز حطمنا
لا نحتاج سوي نهاية
تشفي جراح قلبي الغريب

نهاية تليق بحب السنين
نهاية تشفي آلام البعد والحنين
نهاية نبقي عليها ذكرياتنا
ونزور مدفن عشقنا باكين
نهاية تعلن الحاد القوانين
نهاية نحن فقط فيها الخاسرين
نكتب عليها
هنا احلام عاشقة وحبيب

=============

=============
سألتني

سألتني هل ما زلت كما مضي
تطارد العذاري من النساء
تحيا أحلام المراهقين
لا أشعر معك بأمان
سيدي هل لك في العشق صديق

أشفقت عليها وأجبتها
ما مضي هو تجارب الحياة
والعذرية في عالمنا لا منطقية
لولا عذوبة احلام المراهقين ما تقابلنا
أمان العشق أشواق مخفية
سيدتي بدونك في العشق أحيا بلا رفيق

حاورتني
الست من حطمت القلوب
منطقيتك ساحرة تشيه العشق والحروب
كم قتيلة تركتها وانت تبحث في الدروب
كم بريئة استعمرتها حتي لعنت لغة القلوب
سيدي اليست الوحدة والشك نهاية هذا الطريق

نظرت لها متبسما
هل عرفت من الظالم ..من المظلوم
من هزم في الحروب
من تاه في الدروب
من لعن لغات العشق
من اعدم القلوب

صغيرتي
في نهاية الحكاية
هناك امرأة استعمرتني
هناك احتلال مزقني
هناك خسائر افاقتني
سيدتي كيف اخرج بلا تشوهات من الحريق ؟
كيف ينجو بلا بلل الغريق ؟
الكل يخسر لا يفوز واحدا من الفريق؟
اذا ذهبت النجوم لا تسألي عن البريق ؟؟
عند البداية لا نعلم ابدا متي ينتهي الطريق !!


================


رباعيات

================

بلدي عايزين يشخصوكي
هما مين اصلا عشان يملكوكي
خايف يبعوا حقي ويبيعوكي
واصحي من النوم الاقيهم خصخصوكي

================


بلدي ضميرك لوح تلج ساح
بلدي رجالتك كلاب تعبوا من النباح
ولاتغيير ولا شرف ولاأمانة ضاع المفتاح
بلدي عرفت الفشل فيكي امتي اعرف النجاح

================
عايش في الحياة علي الهامش
نايم علي حصيرة وفارش
لكل الكلام انا هارش
الحق ميت بس في الارض عايش
================
بالدم أحيانا يكتب يكتب القلم
بالظلم احيانا نرفع العلم
من تخلفنا لم نرث الا الالم
لم نحصد يوما الا تجارب الندم
================


خليك نايم يامصري
اياك تفوق او تلمس شعري
اياك تفكر ..تحلل وتعمل عصري
انا حروح للي يدفع مهري
================