الأربعاء، سبتمبر 10، 2008

آه لو تعرفين

آه لو تعرفين


كم فعلت من الأفاعيل


كم قرأت من الأقاصيص


آه لو تعرفين


أنك خلقتي فأبدعتي التكوين


فاتنة
فسبحان الله أحسن الخالقين

وأصبح حبك بقلبي بركان

يثور كل يوم
مهما مرت بنا السنين

أنتِ العمر والأيام
أنتِ العشق والحنان
أنت أجمل رسالة
ارسلت الي الارض من رب العالمين

انسانة
تعلمت علي يديكي الاخلاص والحنين
عثرت عليكي بعد نهاية
لانسان كنت دائما اصفه بالعاشق المسكين


غيرتي العالم
ولما العجب
فعندما عرفتك خلقت من جديد
اتيت اليك من أقصي الشمال
ولو كان عندي الخيار
لاخترتك انتي من بدأ التكوين


أيها الملاك البريء
في عالمك عشقت الزهور
احساسي الميت أخيرا بدأ في الظهور
بدأت عيني تري أول أشعة النور
وفلبي بدأ يدق
بأول قبلة حياة من بدر البدور
معك سأسبح ضد أمواج البحور
سأظل فتاكي من الآن
حتي أن اذهب الي القبور

بحبك


وكل الكلام مش حيحكيها





بحبك





ولو أقدر صدقيني كنت اغنيها





بحبك





ومش خايف غير من لعبة القدر


يبعدني عنك فجأة والقصة الحلوة ينهيها





بحبك


وبوعد دايما أصونها ووفيها





بحبك


انت حياتي وعمري


والدنيا بكل ما فيها





بحبك





وورود العالم ليكي بهديها





بحبك





وكل الأسي والحزن في الماضي


ياريت ياعمري كل لحظة تنسيها





بحبك





وبوعد حعلم كل الناس معانيها





بحبك





حقولها بكل اللغات


لحد ما تمليها





بحبك


وعارف ان حروف الكلام قليل عليها





بحبك


ياريت دايما في قلبك


تفضل حروف اسمي


هي .. هي .. نفس معانيها








29 رأيك:

kochia يقول...

اولا يبدو اني ربما هكون اول تعليق
ومع اني مش عارفة ايه قيمة ترتيب التعليق لكن لطيف اني هكون تعليق اول هنا

Habiba يقول...

انت لازم تشوفلك حل فى ان صفحتك تقيييييييييييله وبتحمل ف سنه
وضيعت منى اول تعليق
عموما التانى

kochia يقول...

البوست طبعا عجبني جدا
اولا لانه متفائل وانا بحب التفاؤل وخاصة انه بعد شوية حاجات حلوة بس مفهاش الروح دي
عجبني الاول الروج اللي جسيتها من اول كلمة
فييها زي تنهد الصعداء
راحة بعد تعب
وصول بعد غياب

ككمان تكرار كلمة "بحبك" اديتني احساس بالمستقبل .. وبالوعد
يمكن ده قصدك برده ؟

عجبني تعبير انها اجمل رسالة .. حسيت بالرقي فيها
ومعجبنيش
"ومش خايف غير من لعبة القدر
يبعدني عنك فجأة والقصة الحلوة ينهيها"
رغم ان القدر هو قدر
لكن ساعات الانسان بيساهم في انهاء سعادته بنفسه
ارجو ان تسعد وبايدك تزود سعادتك

بوست حلو اوي
يارب دايما متفائل
تحياتي

Habiba يقول...

تصدق
مش مصدقه عنيا
انت تكتب كلام حب ورومانسى؟؟؟!!!!
لولا انى عارفه انك رومانسى انا كنت شكيت فيك
بس جامده والله

سؤال بس

اشمعنى بداتها عربيه فصحى وانهيتها عاميه

الشويه اللى فى الاخر ينفعوا اغنيه

خليك كده علطول

انسانةعادية فى عالم مش عادى يقول...

يااااااااه بوست كله حب وتفاؤل كده بصراحة بعكس اول بوست قريته
احساس حلو اوى وحاسه انه صادق جدا كمان
تحياتى

fire bird يقول...

ياسلام ياسلام

ماشى ياعم

ربنا يهنيك

أخيرا إتفائلت

إيه البوست الرومانسى ده

بس هى تستاهل والله

يلا ربنا يسعدك

وخليك متفائل كده دايما

جوجو يقول...

السلام عليكم

الله بجد كلمات البوست جميلة اوى

كلها احساس ومشاعر

تقبل مرورى

احساس لسه حى يقول...

عزيزى
كل رمضان وانت بخير

انا خد بالك جيت كذا مرة اشوفك كاتب ايه البلوج عندك كان تقيل اوى
مش اراضى يفتح

بس المرة دى فتح الحمد الله باين النار متقلاه شوية خفها احنا فى رمضان حتى خليها نور مش نار

اقرا بقه كاتب ايه

طبعا الكلام رقيق جدا مليان حب لانسانه تقريبا مش فى الخيال انسانة موجودة الا لو الخيال عندك عالى اوى

بس انا عن نفسى بيفتنى روح حبيبتى عن جمالها وبشوفها فاتنه اوى مش لجمالها لان الجميلات كثيرات ولابد ان يكون هناك الاجمل منها

انا بيأسرنى روحها وجمال اللى جوه قلبها من حنان وحب

اخر حاجه

ليه قولت كده

ياريت دايما في قلبك


تفضل حروف اسمي


هي .. هي .. نفس معانيها


ليه شاكك يكون دايمن مشاعرها نحيتك بنفس القوة اظن ان المراه لو جواها حب لرجل بايد الرجل يكبره ويخليه بحر من الحب وممكن يموته ويخليه شجرة بتموت

وده بتصرفاته معاها وعلى اد حبه ليها

يبقا كله بايدك ولو خسرتها يبقا انت السبب

طولت معلش

تحياتى

سلام

كيارا يقول...

هييييييييييييييييييييييييييييييييه


لولولولولولولولوللللللى

اخيرااااااااااااااااااااا

لقيت بوست فيه امل ليك
يالله

ربنا يجعل ايامك كلها شعااااااااااااااااااده يارب

هيثم الدهشان يقول...

لأ انا بحلم صح اكيد انا بحلم لأ هو بجد بحلم

ايه الروعة والجمال ده ايه ياعم كنت عايز تحرمنا من الحاجات الحلوة دى ليه
ومديها بؤس وشقاء
لألأ بجد بوست تحفة يابختها بيك ياعم

على فكرة انا فرحت للبوست لانه ده اكبر دليل على انك تقدر تعيش وتكون انت تقدر تكون الفعل ومش رد الفعل زى ماكنت عايز تكون

ربنا يسعدك علطول حتى علشان مش تحرمنا من الحاجات الجميلة دى

تحياتى

غير معرف يقول...

الله جميله اوي
معانيك روعه واحساسك عالي
=================================
كنت بتدور عليها دايما واخيرا لاقيتها
عشان تخرجك من كل الاحزان
هي بالنسبه ليك طوق النجاه اللي طول ماهو معاك عمرك ماهتغرق.. تمسك بيه لانه لو ضاع مش هتلاقي زيه تاني.. مش هتعرف تحس دا مع حد تاني
=================================
بعد ماكنت هتنسي طعم الحب جت ودوقتهولك من جديد
طعم الحب جميل اوي ارجوك حافظ ع الحب دا عشان تفضل تتذوقه ويكون بنفس المذاق الرائع دا..

نفسك تكون معاها لحد النهايه
وحاسس انك سعيد اوي طاير مالفرحه وكأنك عايز تصرخ عايز تغني عايز تعبر باللي جواك..
=================================
ورغمكل الفرح دا الخوف مالكك وجواك خوف كبير مالدنيا والقدر لا يفرقكوا
بلاش تستسلم للخوف لانه حتما هيوديك لطريق مسدود
انا لما استسلمت للخوف تطور الخوف دا لشك وبعد ما يدخل الشك بتدمر كل حاجه دا غير ان الخوف خلاني معرفش طعم السعاده لانني دايما باصه لبكره بلاش تعمل زيي..
=================================
وتكرار كلمه بحبك دي بينت مدي حبك ليها واعتزازك بالحب دا وأملك فيه..
==================================
بجد بوست جميل اوي
انا حاولت اعمل زيك ويارب كلامي يعجبك..
بجد بفرح اوي لما بلاقي اي تعليق منك بحس انك فاهمني اوي وعمال تحلل
وأحلي حاجه انك مش بتكتب مجرد تعليق يقول الواحد عليه ميرسي وخلاص..
بجد بتنورني :)
ودايما متعنا بالجديد
ولو الحب دق بابك فعلا -مش مجرد خاطره- حافظ عليه وبطل تشاؤم..
وربنا معاك
:)
تحياتي

ندا منير يقول...

والله لو قلتلك رايى حاسة انك هتقول انى بجامل
بجد بجد
كلامك جميل جدا جدا جدا
ياسلام لو الكلام دا يبقى بجد فى الحياة
ولو كل اتنين يحبوا بعض تبقى دى مشاعرهم كيد كانت الحياة هتبقى احلى بكتير

بس انا دلوقتى مبسوطة قوى وحاسة انك احسن بكتير قوى
وكلام المرة دى فيه نبرة فرح
ويارب تفضل كدة على طول

ANGHAM ALLAM يقول...

انت بجد فنان رائع
واحساسك حلو اوي
وربنا يوفقك
:)

enjy يقول...

حلو جدا الجزء العامى........
الله ينور بجد عجبتنى جدا والله

مثلية فقط يقول...

رمضان كريم

ينعاد عليك

شتقت لمدونتك و كلامك الرقيق المعبر

كل عام و انت بخير

غير معرف يقول...

انا قلت ارد علي تعليقك هنا عشان انت ممكن متشوفهوش هناك
مش عارفه بقي هكون رخمه ولا لأ؟؟
بس ربنا يستر ومبقاش رخمه :)
---------------------------------

انا تمام الحمد لله
=============================

حاااااااااضر هفوق.. والله بحاول علي قد ما اقدر..
--------------------------------

فعلا عمر المشكله مكانت ف الحب.. المشكله في الناس اللي بتكدب علينا وبتخدعنا او ممكن يكونو بيحبوا الحب او انهم يعيشوا في القصه دي.. ودا اللي انا اكتشفته

انا فعلا اتأثرت اوي ومبقتش اثق في اي حد بسهوله زي الاول..
بس انت عنك حق الحاله دي فعلا لا تتمتع بالنضج..

انا عارفه اني مش هنسي بجد الا لو حبيت تاني وبجد بس لازم اتعلم اختار صح..
بس المشكله ازاي الواحد يتعلم يختار صح في زمن بقت الناس فيه عاملين زي الحربايه بتلون نفسها علي كل لون؟؟!

رأيك الشخصي انا اقتنعت بيه ونفذته.. الدنيا كمان مش هتقف
بالعكش دانا كدا هكسر القيود اللي كانت قدامي وهفكر في طموحاتي وأحلامي اللي كان الحب مقيدها
وانا دلوقتي حاسه بحريه كبيره اوي :)
----------------------------------

بجد انت بتنورني بتعليقاتك
وبفرح اوي بيها
:)
ادعيلي بقي يا جميل
دمت بخير
تحياتي

عاشــــــ النقاب ـقــــة"نونو" يقول...

السلام عليكم
رمضان كريم
كلام رومانسي وجميل
يارب تكون لقيت اللي تستحقه بجد
امنياتي لك ودعواتي بالتوفيق
كل عام وانتم الى الرحمن اقرب
على فكرة بصوم ولو ان كلامك خلاني افكر
مش يمكن نونو فعلا حجة :)))))
تحياتي

عايش ولكن يقول...

ايه كل الحب والامل والرومانسيه دى
ربنا يسعدك
دمت موفق
علاء

yoyo يقول...

توء توء لالالالالالالا بجد مش مصدقة عنيا يا جماعة
هو انا بحلم ولا ايه ؟؟ هو انا اغيب شوية ارجع الاقى الجمال دا كله يعنى
بجد ومن غير مجاملة كلمات فى منتهى الجمال والروعة
اعتقد دى اول مرة من يوم ما دخلت مدونتك اشوف حاجة فيها حب وامل وتفاؤل

الكلمات حلوة والتعبيرات اجمل وعملية مزجك للعامية والفصحى فيها تجديد

اتمنى اشوف الاحاسيس والمشاعر الحلوة دى على طول ولا انت خايف من الحسد يعنى مش تخاف يا سيدى هنبخر لك المدونة كدا عشان الحسد ههههههههههههههه
ربنا يسعدك يارب ويسعدك قلبك

دمت دائما وابدا مبدعا

تحــياتى
يويو

engy يقول...

ماشاء الله مدونه رائعه والبوست ده جميل اوى خاصه اللغه العربيه الفصحى
بحبها اوى فى الشعر
وانت شاعر بجد
عجبتنى كمان اوى ابجدياتى
ربنا معاك

عايزه اتطلق و يقول...

يظهر ان فترة النقاهه اليى خدتها رجعتك مليئ بالمحبه والحب تجاه المرأه والله شئ رائع ..
وبوست اكثر من جميل ومريح وممتع..
ايوه كده بالتوفيق دايما..

نهر الحب يقول...

بوست جميل
وكلمات كلها امل وتفائل
بالتوفيق يارب

رندا يقول...

اولاً

قريت فى السريع الردوك
واندهشت لان اسمك ادم
هو انت ياادم ليك مدونة اخرى اسمها الحلم الجميل

ثانياً

لية المدونة تقيلة واحيانا مش بعرف افتحها

ثالثاً

البوست هايل كلمات روعة حساسة
وآة لو تعرفين جعلتنى اتوة فى دنيا الاحلام الجميلة
دنيا البشر الى بتحب فقط
ادم كلماتك روعة اخذت رندا الى عامل اخر

تسم ايدك

رندا

Coca يقول...

بوست هايل
كل ده حب بدأت احسدك
ربنا يديم عليك الحب دايما

Happy Hope يقول...

ازيك صديقى

الطقس هنا الحمد لله مشمس و مشرق
يا رب تكون كل أوقاتك بدون غيوم أو عواصف
بس عموماً هى كده الحياة و هو كده الانسان
مفيش موود واحد بيستمر

نرجع بقى للبوست
طبعا بوست حلو
وجديدة طريقة الدمج بين الفصحى و العامية

بس بصراحة أنا عجبنى أكتر الجزء الفصحى لأنى من مشجعيها

..آه لو تعرفين ..
....
....


:)

تحياتى

بنت مصريه يقول...

بجد مدونتك رائعه
واحساسك اكتر من رائع والبوست ده
اروع م الرائع


اتمنى تنورنى

Beram ElMasry يقول...

سيدتى . سيدى
عيد فطر سعيد اعاده الله عليكم باليمن والخير والبركة ، وادام سعدكم وحقق احلامكم

walaa gobashy يقول...

اللللللللله
ايه الجمال ده والكلمات الرقيقة دي
ماشاء الله احساس عالي جدا راقي ودقيق جدا
حقيقي بوست يجنن
وكله نظرة مستقبليه ووعود مبهجة
رغم انه مخلوط ببعض الاسى من الذكريات
لاكنه حقيقي كشمعة اضائت وسط ظلام حالك
ربنا يوفقك
تحياتي

غير معرف يقول...

اولا سلامى ليك وللى عاوزها تعرف :D
وثانيا اعتقد ان قصيدتك مش زى اى قصيده تتكون من كلام لا...اعتقد انها تتكون من احاسيس وللصراحه اعتقد ان هذه الحساسيس الراقيه خيال ...وساريت تكون موجوده فى الحقيقة....
ومع ذلك اتمنى ان تكون الى عاوزها تعرف موجوده فى الحقيقة عشان تعرف لما تدخل على المدونه انك شخص ملىء يالأحاسيس الساميه النادره وربنا يحفظك..


ملحوظة:
بما انك تكتب كلام راقى ونحن نقرأه ونعلق عليه إذآ انت انسان حقيقى فيا حبذا يا حقيقى لو تكتب احاسيس حقيقية تتماشا مع الحياة الحقيقة التى نعيشها الان.....أكيد لو عملت كده هنلاقى قريبا بوست بعنوان (أه لو تعرفين 2)مع اختلاف المحتويات كى تتماشا مع حقيقة مجتمعنا(رجالنا).

وأخيرا:أرجو ان يكون غرضى وصل بكلام سليم...مع خالص تحياتى
..منةالله..