الخميس، سبتمبر 04، 2008

ابجدياتي

بداية بحب اشكر كل الاصدقاء اللي علقوا علي البوست اللي فات
وأقولهم الحياة طبعا صعبة وانا فعلا مكنتش متوقع منهم الكلام المشجع دا وأخص بالذكر
=======================
Saso
Kochia
Blue wave
انسانة عادية في زمن غير عادي
وطبعا رندا
Yoyo
Habiba
كيارا
Pussssy
Happy hope
Lady e
Walaa gopashy
Enjy
Fire bird
عايزة اتطلق و
ندا منير
====================
متشكر جدا ليكم وصحيح الاصحاب بيبانو وقت الشدة حتي لو بتعليق يحسسك ان الانسان مقدر لمشاعرك وحالتك النفسية
بس انا حاولت اخد هدنة من الحياة حتي لو ساعة

واكتشفت ان مافيش فايدة ((رغم ان اتهيألي انها كانت محددة لاجل الي ان يقضي الله امرا )) بس انتم استعجلتوني صراحة وانتم اللي حتخسروا كدا علي فكرة
علشان التعاسة مستمرة

تظل قلوبنا مصصدر شقائنا
وايضا سعادتنا ((ههههههههه))
علشان محدش يزعل

وبصراحة نظرا للشكوي المستمرة

من شكل المدونة والنار اللي في الخلفية

وكمية التعاسة والتشاؤم

لدرجة ان في تعليق مكتوب فيه
انت اتعس حالة قابلتها في حياتي

واللي جه وقال

اللي يشوف بلاوي الناس تهون عليه بلوته

علشان كدا بحب اقولكم كلكم

انا حاولت اعمل بوست وردي او بمبي لم اوفق ابدا لاصف عن تلك الحالة الغريبة التي لا اعرفها

شعرت بانها مليئة بالكذب والافتراءات



صدقوني

مافيش تغيير دلوقتي لاي حاجة

ستظل التعاسة والحزن تملا اجنحتي المكسورة

الي ان تبرأ



وبهديكم كلكم البوست دا

بعنــــــــــــــــــــــــــــــــــــــــــــوان



ابجـــــــــــــــــــــــــــــدياتي
=-=======================


لا استطيع حتي الآن
ان اعبر عن مشاعري لكي
أن احكيكي بين سطوري
أن يعطيني ربي اقلاما
لأحكي عن اتعس النهايات

افترقنا
ولما العجب
كم قديما كان الفراق ملاذنا
كانت القسوة اسلوبنا
كانت الحياة تعاند حتي في فراقنا
لا أعلم حقا لماذا ؟؟؟؟؟؟؟؟؟؟؟
اكتب عنكي تلك الكلمات ...

عندما تتغير قوانين الزمن
ويصبح العشق مساوي للألم
وتصبح النساء فتنة كل رجال الامم
سأظل كما عرفتيني يافتاتي

رجل لا اغير أبجدياتي

ليس من أجل حبك
ولا من أجل الحياة
لا اتغير
لأنني لا اريد أن أكرر مأساتي

عجبت منك كثيرا
كم عشقتك ايتها الجميلة
كم احببت فيكي البراءة
كيف سجنتي ملكة المليكات

وأصبحتي
استاذة في المناقشات
تجيدين فن المهاترات
تستطيعين ان تقومي بالثورات
تستطيعي
أن تطفئي النيران
وتأتي بالربيع والنفحات
لا تنظري الي الخلف
وعلي شفاتيك مازال رحيق ابتسامات

مازال يحمل جسدك تلك الرائحة
عندما البس هذا المعطف الشتوي
عندما اشعر بالبرد القارس
اشم في هذا المكان رائحة نزواتي

معكِ....
تختلف الحياة
تتناقض حكاياتي
تختلف ابجدياتي

معكِ لغز
اسميه حقا للمرأة انتصارات

معكِ قوة
تستمديها من عشقي وهفواتي

معكِ ابتسامة
هي دليل علي نظراتك القاتلات

معكِ آدم
رفقا به رفقا مولاتي

معكِ الحب ......
فإذا لم تهتمي فلتحيا الغفوات
وتسقط دنيا العشق من الشرفات
ولتسقط دموع الغدر من السموات
ولأذهب أنا الي جحيم ٍ
اسميه نهاية علي ايدي احدي الفاتنات

صغيرتي ......
هل تعلمين لغز الحياة ؟؟؟؟!!
عندما تتقطع بك السبل هنا
يصلها الخالق من أصعب الوصلات
يفرج الكرب من أبعد الجهات

ييسر دائما وتنفرج المعسرات

يحاسبنا علي النية بالحسنات
يغفر ذنوبنا التي تعدت المليارات


وفي كل النهايات...

لست الاها يافتاتي

لا أغفر الذنوب

ولا استطيع من دنياك الهروب

ارجعي لمقلب القلوب

فلو كنتِ قـــــــــــــــــــــدري

فسحقا لما حدث سابقا باسم الاختياراتِ









63 رأيك:

nonosha يقول...

عود حميد بس كنت عارفه انك هترجع لانك ما تقدرش تبعد عن الكتابه المهم البوست جميل اوى بس كان نفسى اشوفك حاجه فيها تفاؤل قبل ما اموت بس لازم تنوع شويه حتى لو حالتك النفسيه مش حلوه ممكن تكتب من الخيال او الى انت تتمنا تعيش فيه ما اظنش انك هتفضل على الحاله دى طول العمر والا تبقا هتنقل حاله الكآبه دى للناس وتبقا شلت زنب شعب واحنا فى رمضان ورمضان كريم

fire bird يقول...

الله عليك

بجد ايه الجمال ده

ايه الكلام الرائع ده

بصراحة مش قادرة أعبر عن اعجابى بكل حرف انت كتبته

ايه يا استاذى ده

بصراحة عودة قوية جدا

وبعدين لو انت ما كتبتش الكلام ده

مين غيرك يكتبه

بصراحة ما فيهاش غلطة

الله عليك بجد

انا مش عارفة اقول ايه

حمدالله على السلامة

وياريت ما تحرمناش من الابداع ده ولو يوم واحد
بعد كده

ماشى

انا حاسة فى القصيدةدى حاجة جديدة

غير كل اللى انت كتبته

حقيقى الله ينور عليك

القصيدة بجد بديعة

وانا اصلا مش عارفة اوصف اعجابى بيها خالص

مقدرش اقول غير انك حقيقى

مبدع

وفنان

مش عارفة اقول ايه تانى

كل الكلام انا حاسة بيه

بس مش لاقية كلمات تعبر عنه

انا حقيقى فخورة

انك فى يوم علمتنى حاجة

حمدالله على السلامة مرة تانية يا استاذى

وشكرا جزيلا على هذا الاستمتاع

الناتج من هذا الابداع

ودمت الى الابد

ملك المبدعين

كيارا يقول...

الاول كده بقي
لولولولولوللولولولي احلي زغروووووووووطه لرجوعك

يااااااااااااااه اخيرا

مع ان مود الحزن مستمر بس برده انا مطمنه

لان صدقني طول ماانت وسط ناس بتحبك وبتخاف عليك وعلي الاقل حاسه بالمك ونفسها تعملك اي شي

لا ارادي هتحس بيها ومود الحزن هيبقي فرح ان شاء الله

كيارا يقول...

اما ابجدياتي

فهي مؤؤلمه اوووووووووووووي اوي

ربنا يصبرك بس حاول تنسي عشان الحياه مستمره

انت كده موقف حياتك

ربنا يصبرك يااااااااااااارب

Habiba يقول...

اولا حمد الله على سلامتك

ثانيا ايوة كده بدايه مبشرة خروجك من القوقعه دى حتى وان كان فى تعاسه لكن باييدينا وبايد الزمن نغيرها وربنا انعم علينا بنعمه النسيان


كل سنه وانت طيب وربنا يحققلك امانيك يارب

Habiba يقول...

اه نسيت اقولك


ابجديات اكثر من رائعه

تحياتى

غير معرف يقول...

السلام عليكم
حمدلله على السلامة
كل سنة وانت طيب
بس انت شكلك لسة فى مود الحزن دة جامد .......بس الكلام فعلا جميل
.............
نيرة احمد محمود

صانعة الأحلام يقول...

مممممممممم

لم افهم معنى انك رجل لا تغير ابجدياتك


وما تقصده من ابجدياتك؟

هل هو حبك لها؟
ام طريقتك معها؟


ربما لو غيرت ابجدياتك هذه لحللت المشكلة

عايزه اتطلق و يقول...

عودا حميدا ..ايوه كده هو احنا لينا منفس الا بلوجاتنا دى ولا عايزنا نمشى نكلم نفسنا فى الشارع...
انا عارفه ان الحزن والتعاسه ساعات بتكمن مرارتهم فى انهم عايشين جوانا ملازمينا كما القرين بس هنعمل ايه لا نملك الا الصبر بغية الثواب والمثابره والكفاح عشان نتخلص من الضيوف الغير مرغوب فيها دى استاذ حزن ومدام تعاسه..
نورت تانى وابجديات بدون مبالغهمن اجمل ما قريت ليك وعجبنى قوى...كم قديما كان الفراق ملاذنا...
فعلا ساعات بيبقى الفراق هو الملاذ والمفر الوحيد بس من الاحساس بالالم ...
انتا شكلك هتستدرجنى لخط الحزن العميق قال وانا بقولك فرفش...نورت مدونتك واسعدت اصحابك برجعوك...
وارسم ابتسامه على وشك الدنيا عند اطراف اصابعك ..طب وحياة جاك نيكلسون لتبتسم...

ندا منير يقول...

انا دلوقتى بجد مبسوطة جدا جدا انك نويت ترجع تكتب من تانى
وبجد انا متفائلة ليك خير قوى
وحمدلله على السلامة
وربنا يوفقك دايما

enjy يقول...

ماشى يا عم براحتك تعاسة تعاسة بس ارجع.........عندى اقتراح رفيع ايه رايك تغير شكل المدونة وتشيل اللون الاسود والنار اللى والعة طول الوقت عاملة حر دى ايه رايك والله هتاثر فى حالتك النفساوية واحنا عندنا استعداد نعمل لك احتفال بشكل المدونة الجديد ونجيب بدل التورتة كنافة وقطايف........سلام

انسانةعادية فى عالم مش عادى يقول...

واولا فعلا عودة حميدا
وثانيا بوست حلو اوى وان كان لا يخلوا بردو من بعض التشاؤم بس هوا جميل والاجمل فيه احساس الحب حتى ولو بعد الفراق
بس فى حتى كده بخصوص عدم غفران ذنوب الاخرين فعلا ده شئ مش اى انسان يقدر ينفذه وصدقنى لو فى يوم قدرت تسامحها هتبئا فى اليوم ده خلاص حبها فى قلبك انتهى
احب اهنيك مرة تانية على العودة وعلى فكرة البوست ده فكرنى بقصائد نزار قبانى مش عارفة ليه :D
وانا جيت اهو ومفيش فطار خلى بال حضرتك انا كده ليا فطار عندك :(

Happy Hope يقول...

أخيراً
:)

حمد الله على السلامة

يادى القلب و أوجاعه
و شقائه
بس برضه منقدرش نعيش من غير حب

عموماً الانسان لازم يمر بتجارب يتعلم منها و تقويه

و مش معنى ان تجربة فشلت تبقى دى نهاية العالم

بالعكس
دى بتكون بداية جديدة لتجربة أفضل

لا تغير أبداً من أبجدياتك

كلامك رائع بحييك عليه

خالص تحياتى و أمنياتى

pusssssy يقول...

أنا سعيدة اوى انك استجبت لنداءاتنا ورجعت تانى......

وبجد انا بحب شعرك جدا.....

انت فى كل قصايدك بتلعن البنت اللى سببتلك مشاعر الحزن .. لكن بصراحة انا عاوزة اشكرها لولاها ماكناش هنستمتع بالجمال ده..

بجد مش عارفه اعلق على ايه ولا ايه فى القصيده... انا بحب احلل الشعر جدا وبجد قصيدتك مليانه درر..

اشكرك انك حطيت اسمى ممن خصيتهم بالذكر..

عودا حميدا ....

وكل سنه وانت طيب..

PUSSSSSY

yoyo يقول...

حمد لله على سلامتك

والله انات سعيد جدا جدا برجوعك مرة تانية مش ينفع انك مش تكون موجود ومنور مدونتك ومنور كل المدونات

والله بالنسبة لشكل المدونة الله يكرمك يعنى النار اللى شغالة دى كل شوية الواحد وهو داخل ولا خارج النار كدا بتمسك فى هدومنا انتا عاوز تولعنا ولا ايه هههههههههههههههه وبعدين على طول كدا حر بقى ههههههههههههههههه ينفع الكلام دا يعنى

يا غالى نار نار المهم وجودك معنا وعودتك الينا مر تانية احنا راضين

هو صحيح البوست فى منتهى الجمال والروعة كلماتك ساحرة رائعة ولكنها كعادتك مؤلمة وتدمى القلب
عجبتى فيها مقاطع كتير اوى بالاحرى كلها اعجبتى بس جملة رجل لا اغير ابجديتى عارف فيها شىء من التماسك والشموخ كدا

الف مليون حمد لله على السلامة مرة تانية حزن حزن المهم انك تكون بينا ومعنا وان شاء الله تقدر تخرج من الحالة دى ان شاء الله

ربنا يسعد ايامك يارب ويدخل الفرحة لقلبك

دمت بكل خير وود

اه صحيح مش تنسى الشاى ولا اقولك عليها شوية قمر الدين وصلحه هههههههههههههههههه
تحياتى
يويو

pusssssy يقول...

نسيت اعتذر انى اتاخرت ع الفطار

ممكن تخليها عزومة سحور......

PUSSSSSY

walaa gobashy يقول...

بس انتم استعجلتوني صراحة وانتم اللي حتخسروا كدا علي فكرة
علشان التعاسة مستمرة

حمد الله علي سلامتك ده اولا
وثانيا عازمني علي الفطار ويادوب علي ملحقت اجي كان السحور ( ولا يهمك طبعا لاني ما صدقت تعزمني يطلع فطار يطلع سحور مش مشكله )
لاكن حد يعزم حد وهو مكشر كده؟؟؟؟
ايه بقي التعاسة اللي حتستمر دي
ما فيش تعاسة بتستمر لان الدنيا مش وردي علي طول وبالتالي مش سوداء علي طول

انما وبصراحة وبعيد عن الحالة النفسيه
البوست يجنن وكلماتك قوية جدا
وكانها سهام تصيب الهدف
ربنا يوفقك دايما يارب
ومرسيه علي العزومة رغم انك مكشر لاكن باعترف انها عزومة جميلة فعلا واستمتعت جدا بالبوست
تحياتي

رندا يقول...

فى الاول هحكيلك اية الى حصل بالظبط وبعدين اروح اقرا

دخلت مدونتى قريت كلامك قلت بجد والله عزومة بقى وكدة جريت عندك
قريت كلماتك فى عُجالة ههه وان فى بوست جديد

قلت لا لازم تركيز بقى قلت بس احكيلك اية الى حصل واقولك

حمد الله على السلامة ياراجل

كويس انك مش اتاخرت اكتر من كدة
كنت هلملك كل المدونين ونجيلك هههه

لا ولمحت كدة اسمى مكتوب قلت ياة كمان اسمى على بوست ياخبر هههه
اخيرا حد كتب اسمى فى مدونتة ههههههه

هروح اقرا بقى وارجع ارد على كلامك

رندا

هيثم الدهشان يقول...

صديقى

لاتوجد ابدا فى الدنيا حاله توحد مع الكآبة والحزن او حتى مع الفرح فهكذا الدنيا سجال ما بين ذاك وذاك


صديقى

قد تكون تلك اقدارك ولكن لا تنس ابدا انه كما انت محتاج للناس فهناك ايضا من هو محتاج لوجودك بجانبه


صديقى

قد تنكسر الاجنحة ولكنها لا تمنع العصفور من الطيران

صديقى القى ابجديات الحزن والكآبة ورائك وفكر فيما يمكن ان يدخلك لعالم الواقع الممزوج بالفرح ويا الحزن فها هو الواقع حتى لا نعيش اسرى لصدمات الخيال


اخيرا

كل سنة وانت طيب وبكل خير وسعادة ان شاء الله

kochia يقول...

شايفة صحابك .. وانا منهم فرحانين برجوعك
كل اللي يهمهم انهم يتواصلوا معاك مهما يكن ما تقوله
افتكر دي حاجة من الحاجات اللي تخلي الانسان مسنود اوي وعارف انه لما يقول (اه) هيلاقي 100 يد تربت و 100 عقل يفكر معاك ويقترح افكار لحل المشاكل ايا كانت

الكوب مش بيكون فاضي تماما ابدا .. لازم يكون فيه شوية مية
وانا لو عطشانة اوي شوية مية صغرين اكيد هيفرحوني
افرح بشوية المية اللي في الكوباية دول
ومتفرطش فيهم
لانهم ممكن ينقذوك من الموت في الصحراء يوما ما


البوست جميل وكلها احساس
كان نفسي ابقي موهوبة واعرف اقول شعر او قصة او حتي نثر بس مترابط وذا معني كدة
برافو عليك عشان بتعرف تعبر كدة
قوللي
انت بتنمي موهبتك ازاي ؟؟؟

رندا يقول...

اولاً.. اشكرك كل الشكر على وضعك اسمى بين اسماء اصدقائك واحبابك
حقيقى انا صديقة جديدة ولكن ليس كل الاصدقاء الجداد بعاد عن بعض
فااحساس الاخوة اقوى من اى تعارف جديد
اشكرك اشكرك فهذا اكثر مما استحق

ثانياً..تغيير المدونة من النار الواضعة ليست مشكلة المشكلة فى نيران قلبك هل انطفأت فهذا هو المهم
والصورة التى تزرف دموع من دم هل مسحت

ثالثاً..ابجدياتك مررعبة فظيعة
قوية التعبير فوضعك بعض الكلمات التى اسلبت منا قلوبنا فسوف اعقب على جزء جزء منها

افترقنا
ولما العجب !!
.......................
وكأنك تعلم قدرك المحتوم معها
وكأن مشاعرك للحظات احست
.......................

سأظل كما عرفتيني يافتاتي

رجل لا اغير أبجدياتي
.......................
شعرت معك بنضج وقوة فى التعبير
لا احد يقهرك ولا يزحزحك من اجل مايسمى بالحب
.......................

معكِ....
تختلف الحياة
تتناقض حكاياتي
.......................
صورة محفورة امامك
تذكر بها نفسك
بل تجعلك تستغرب من تناقض الحب
........................
معكِ آدم
رفقا به رفقا مولاتي
........................
رجوع لصورة الحب و فيهامن تناقض
حب وضعف وقوة
......................

صغيرتي ......
هل تعلمين لغز الحياة ؟؟؟؟!!

......................
جعلتها فى هذة العبارة طفلة
وانت الحكيم الذى يعلمها الابجاديات
......................

وفي كل النهايات...

لست الاها يافتاتي

لا أغفر الذنوب
.........................
حلوة جدا هذة العبارة ارفع القبعة لها
........................


فلو كنتِ قـــــــــــــــــــــدري

فسحقا لما حدث سابقا باسم الاختياراتِ

...........................

تصفيق حاد كلماتك جميلة رائعة دخلت سهامها كل القلوب
وسوف تدخل سهم كل من ظلم قلب
فاصبحت الان ليس بجناح مكسور

رابعاً...
عزومة تجنن فعلا
انا لازم اخد فوااار هههههه
دى مش اجنحة مكسورة يامعلم
دى اكلة دسمة جدااااا

تسلم ايدك
و كل عزومة وانت طيب

كل الود

رندا

كيكى يقول...

عوووووووووووووووووووووووووووو
انا جيت اتخديت
..........................
يالهووووووووووووووووووووووووى
يالهوووووووووووووووووووووووووووووى
يالهووووووووووووووووووووووووووووووى
كل دة يحصل فى البلد وانا معرفش
يالهووووووووووووووووووووووووى
تاااااااااااااااااااانى
حد كان عايز يسيب التدوين وانا معرفش
يالهووووووووووووووووووووووووى
كو يس انك رجعت عن قرارك
!
عارف لية
لانى كنت هجبلك حمو العفريت واجبلك شطة كمان
!
اوعىىىىىىىىىىىىىىىىىىىى تعمل كدة تانى
امشى يا حمو العفريت خلاص هو سمع الكلااااام
ياعم كئيبة او مش كئيبة
فضفض واصرخ واقول
الاةةةةةةةةةةةةةةةةةةةةةةةةةة
!
وبجد احييييييييييييييييييييييك
والله على البوست
على ابجدياتك...
مش لقية كلام تانى بجد
علشان حاسة انك انتحرت منى
كل سنة وانت دايما بخير وصحة
عووووووووووووووووووووووووووو

blue-wave يقول...

الف حمدالله على سلامتك يا وحش
ايوا كدا
ربنا يكرمك ويفك ضيقتك يارب
وحلو البوست
بس نفسى اقرالك حاجه بعيدة عن مود الحزن دا
كل سنه وانت طيب

جوجو يقول...

السلام عليكم

اسجل اول مرورى

بجد البوست متميز جداا وكلماته روعة

بحيك عليه كتير

جهاااااااد

قطرات من شواطئ الحياة يقول...

كلماتـــــك .. و ما في ثناياها من إحساس أعظم من أن نقف أمامه


دمت رائعا بكل المقاييس و ألف حمد لله على السلامة

saso يقول...

اههههههههههههه كويس انك فكرتنى اصل كنت هشم ف ناس ملهاش دعوه هههههه

بس واضح بقه ان الذاكره بتاعتى بدات تتلاشي ....

بس فعلا وقتها كنت بكتبلك وانا حزينه جدا لسبب ما ولما دخلت لقيتك انت كمان حزين قلت لا بقه في حاجه وكتبتلك الكلام ده من قلبي ..

عموما حمد الله ع السلامه...

عوده جامده جدااااااااااااااااا

البوست حلو اووووووووووووى انا بحب المود ده برغم انه حزين شويه ...

انسي بقه يا عم كله بيتنسي ...

انا بهزر...

يلا عشان ماطولش اكتر من كده..

كل سنه وانت طيب ورمضان كريم

Zanooba (Zeinab sab9n) يقول...

الله عليييك البوست تحفة و كحالعادة يا أبني نفسي نفسسسسي و مناااا عيني أشوفك متفائل و منشكح كده أنشكح للحياة تنشكحلك

غير معرف يقول...

في البدايه حمدا لله علي سلامتك
وعوده جامده جداااااا
البوست تحفه

بس الاول احب اقولك مالكش دعوه بكلام الناس ومتحاولش تكتب عن حاله انت مش حاسسها لانها هتبقي كذب في كذب بس مش معني كدا انك متحاولش تخرج من الحاله اللي انت فيها.. لا لازم تحاول تخرج منها وساعتها اكتب اللي انت حاسس بيه عشان هيبقي ليه طعم تاني..

كلنا بيجي علينا وقت نحس اننا بنتدمر لكن اكيد في يوم هنعرف نقزي ونقاوم اي ضعف وحزن واتمني ان اليوم دا يكون قريب :)

تاني حاجه
ايه بقي الكلام الجامد دا؟؟
بجد احساسك عالي جدااا

لست الاها يافتاتي

لا أغفر الذنوب

ولا استطيع من دنياك الهروب

ارجعي لمقلب القلوب

فلو كنتِ قـــــــــــــــــــــدري

فسحقا لما حدث سابقا باسم الاختياراتِ

كتير الواحد بيحس بكدا لما يحب بجد
لما يحب اووووووي وحبيبه يغدر بيه او يخونه او يبيعه..
ساعتها بيحس انه مش قادر يغفر.. مش قادر يسامح او ينسي لان اللي حصل كان كبير عليه..
بس اعتقد ان مع الايام الواحد جرحه بيقل - بيقولو الايام بتنسي -
او لو حب جديد دق علي بابه ممكن ينسيه كل اللي فات..
عموما بتمني تخرج من الحاله دي
بس متكتبش حاجه الا لما تكون حاسسها..
مستنيه جديدك
دايما متعنا
:)

وكل سنه وانت طيب
رمضان كريم

رندا يقول...

انا جيت اسئل عليك

عامل اية ياترى

ومش بترد على الردود لية

ربنا يطمنى عليك يارب

اوعى تكون قاعد تتفرج على المسلسلات وسايبنا دايخين عليك ههههههههه


رندا

haninalshaera يقول...

على فكره المدونه جميله بكل كتاباتك على الرغم من الحزن الواضح فيها
واتمنى لك التوفيق في حياتك وانك تقدر نغلب احزانك
نصيحه مني حاول تقرب من ربنا وثق فيه لان ربنا سبحانه وتعالى بيقول انا عند ظن عبدي بي
لو ظنيت خير هتلاقيه ولو ظنيت غير كده هتتعب جدااااااااا
بالتوفيق

afew good men يقول...

nonosha
=============
ححاول اكتبلك حاجة فيها تفاؤل

وبعدين انا كنت متجمد لاني عندي شوية مشاكل مع نفسي

حاكتب من الخيال

برغم اني من انصار النهايات التعيسة

الا انني سأغير تلك النظرية بعض الوقت


انا مشقادر اشيل زنبي حتشيليني زنوب الناس كلها

حرام عليكي

رمضان كريم

afew good men يقول...

fire bird
===========
شكرا علي كلماتك

مشعارف انتي اتغيرتي ليه كدا

بس اكيد الحياة بتخلينا نتناقض نتعلم اننا احيانا عندما نتقوقع في مستنقعاتنا

نري الوجود ببصيرة مختلفة

رمضان كريم

afew good men يقول...

كيارا
=================
والله انا بحب الفرح جدا بس ساعات بحس اني غريب معاه

يارب تفضللي مطمنه
كلامك صح

رغم انك برضو بتحس بالوحدة

مبسوط ان ابجدياتي عجبتك

الحياة مش بتقف

لكن قلوبنا هي اللي ممكن تموت

ربنا يصبرنا كلنا

afew good men يقول...

habiba
============
النسيان نعمة

استطيع ان اؤكد انها تمحي الفرح من زاكرتنا
ولكن لا تنسيني الاحزان

رمضان كريم يابيبة

ميرسي ان ابجديات عجبتك

شكرا ليكي
تحياتي

afew good men يقول...

نيره أحمد محمود
-===============
عليكم السلام

كل سنة وانتي طيبة

انا بقيت كويس وشكرا علي مرورك عندي

اتمني ان دايما كلماتي تعجبك
انا بعتلك سلام وشكر مع ندا اتمني يكون وصلك

دمت بحب وود

afew good men يقول...

صانعة الاحلام
=============
ممممممممممممممممم
بجد الوحيدة اللي طرحت تساؤل

هو نفسه سبب كتابت القصيدة

البجديات مزيج من شخصيتي
وحبي

وطريقتي

رجل شرقي يحب يغير

لا يتفاعل الا بالشخصية الشرقية



اتمني ان استطيع ان اغيرها

ولكنها انا

وربما فعلا

ساتنازل عن ابجدياتي

لاحل هذه المشكلة

واخسر عالمي ربما \


شكرا لمرورك
واتمني دوام التواصل
تحياتي

afew good men يقول...

عايزة اتطلق و
==================
والله شكلنا حنمشي نتكلم في الشارع

استاذ حزن ومدام تعاسة احيانا يكونوا اسرتك المعزولة

مبسوط جدا ان ابجديات
عجبتك

انا فعلا ممكن استدرجك بس انا عارف يا محاسن ان انتي فيكي اللي مكفيكي

انا سعيد بتعليقك جدا

وبتمني تكوني مبسوطة سعيدة

جديدة النديا تضحك عند اطراف اصابعك

ومين جاك نيكلسون داون بقي ههههههههه

ابتسامة

afew good men يقول...

ندا منير
=========
بحب تعليقاتك البسيطة المشجعة وانا كمان متفائل ليكي خير قوي قوي

ربنا يوفقك

تحياتي

afew good men يقول...

enjy
=============

انا رجعت خلاص كدا

اقتراح رفيع جدا اتهيالي مشفتوش لاني نظري ضعيف

عموما الشتا داخل والنار دي بتعمل دفا وجو جميل

اما الاسود دا لوني المفضل



احتفال بجد

عموما لوكدا انا ممكن الغيها
ومراحب بالكنافة والقطايف

سلااااااااااااام

afew good men يقول...

انسانة عادية في عالم مش عادي
============================

تعليقك في حاجة تنم عن خبرة في العلاقات او العقلانية

اما عن احساسك فاظن انني حقا
متفق معك تماما انك لو سمحتها هابأ فعلا في اليوم دا حبها خلاص انتهي في قلبي

بس بصراحة
ممكن احبها من اول وجديد
دي اقدار الحب

عموما انا بجد بحب نزار

ممكن اكون متأثر بيه

اشكرك علي مرورك واتمني دائما وجودك

انا كمان موافق

ان ليكي فطار عندي بس ابجديات مش عجبتك احسن من مية فطار

afew good men يقول...

happy hope
================
صديقتي العزيزة

الله يسلمك

انتي اللي عارفه النهاية

بس برضو مانقدرش نعيش من غير حب حنموت

صح كدا
انا كمان
زيك

وبعدين انا بحول الفشل لنجاح
ومعاكي مش حغير ابجدياتي
علشان بحس انها انا

شكرا ليكي ولمرورك

تحياتي بدوام الحب

afew good men يقول...

pussssy
===========
انا اسعد والله

ومبسوط انك بتحبي شعري

عايزه اتطلق و يقول...

اهلا اهلا انا داخله اشوف اخبارك ايه قولت لو رد على التعليقات هتطمن ولو مردش هقلق وهقول الواد جاله اكتئاب تانى ..
بس الحمدلله اتطمنت ربنا يطمن قلبك وبعدين مش عارف سى جاك بيه نيكلسون ما صورته مشرفه عندك فى البلوج اهى مش كانت صورة هيفا احسن اهى حاجه ترد الروح...
نورت المدونه ورمضان كريم وانعشت التعليقات ...
فى رعاية الله وامنه..

قررت أكون عانس يقول...

عندما تتقطع بك السبل هنا
يصلها الخالق من أصعب الوصلات
يفرج الكرب من أبعد الجهات

ييسر دائما وتنفرج المعسرات

شوفت انت جبت الحل
قرب من ربنا ..ممكن كمان تعمل حاجة تفرح بيها الناس من حواليك صدقنى هيجيلك احساس بالسعادة مالهوش مثيل
كمان جرب تعتزل الحزن ومثل انك سعيد لفترة وهتلاقى احساس فى الاول رخم وبعد كده هتحبه وتحس بالسعادة وأد الدنيا مش مستاهلة

طولت عليك
دى اول زيارة لى و ان شاء الله مش الاخيرة

afew good men يقول...

pussssy
================

انا العنها وانتي تشكريها دايما كدا ياستات في صف بعض
انا كان نفسي تحللي الشعر كدا وتقوليلي الدنيا فيها ايه

دا اقل واجب لانك طبعا تستاهلي انك اسمك يكون اول اسم كمان



ربنا يخليكي كل سنة وانتي طيبة

afew good men يقول...

yoyo
===============
بنت طنطا الغالية
طول عمري بقول اهل طنطا جدعان
نخش في الكلام


الله يسلمك

والله انا اسعد لانك علقتي عندي


اللي داخل وخارج يغير هدومه

او يلم هدومه

اولعكم ليه طاب دانتي بالذات بستناكي دايما كدا تيجي

الشتا داخل وحتبقي دفاااااااااااا

لا ماينفعش الكلام يافندم

عموما البوست الجاي حب

متشكر علي اطرائك

وبتمني دايما تحبي كلماتي

صدقيني انتي نتشجعيني لدرجة اني ممكن يوم اكتب ليكي انتي وبس


يا ستي شاي وقمر الدين ومانجه وكوكتيل
وكمان في طنطا عندكم

قدام باب الحديقة في شارع البحر
انا مستني من دلوقت ههههههههههه


تحياتي
آدم

afew good men يقول...

pussssy
==================

حضرتك ت}مري وانا انفذ سحور فطار

مش تفرق معاك

اي وقت تشرفيني انا مستعد

شكرا لكلماتك الرائعة

afew good men يقول...

walaa gopashy
====================

دايما بحس من كلامك انك بنت بلد جدعة
دي حقيقة

جيتي متأخرة ولا يهمك
فطارك زي ماهو متشال
والسحور كمان

وفي غدا ههههههههههههه

لا انا مبسوط بيكي مش مكشر \


شكرا ان البوست عجبك

وباتمني دايما يعجبك

رمضان كريم دمت بخير وود

afew good men يقول...

رندا
=======

عرفت اللي حصل

الله يسلمك


طبعا لازم يكون اسمك موجود انا مش ممكن انسي كلمة حد قلهالي من قلبو من غير مصلحة


اقري براحتك وانا كمان حقري

رمضان كريم

afew good men يقول...

هيثم الدهشان
===============
صديقي كلماتك كلها صادقة وانا مؤمن بها جدا
وتلك الايام نداولها بين الناس


ابجدياتي هي حياتي

لن ارميها
ساعيشها فقط \

كل سنة وانت طيب ورمضان كريم


قبل ان تموت

afew good men يقول...

kochia
================
حابص لشوية المية علشان صايم وعطشان يا كوشيا

مبسوط ان البوسط عجبك دا شهادة اعتز بيها يافندم


بتمني دايما تكوني موجودة مبسوطة سعيدة ربنا يسعدك ويخليكي دايما

بنمي موهبتي ازاي ؟؟
امممممممممممممم

بشرب عصير فريش الصبح

واللي في قلبي علي لساني

afew good men يقول...

رنــــــــدا
==================

طاب انتي تفتكري بعد التعليق بتاعك انا حرد بايه

انا ياستي الي اتشرفت ان يكون لي اخت جميلة عندها ولسه بتحس بالناس زيك

علي فكرة انتي تستحقي اكتر من كدا

لولاان الكلام كله تعيس كنت اهديتك كل المدونة ولكنها لا تليق ابدا باحساسك النبيل


انتي كمان بتاخدي فواااااااار
تعبت منه

المهم اتبسطتي

يارب دايما

علي فكرة انا مش بتفرج علي التليفزيون نوهاءي بس انا مشغول شوية


انا سعيد بكلماتك جدا
ياريت ماتحرمناش من كلامك الحلو دايما

بس اوعي تجاملي بزعل اوي

لن تتغير الاشياء

حتي تتغيرر الظروف

حتي تبرأ الاجنحة

حتي لا تدي القلوب

شكرا ليكي تحياتي

آدم

afew good men يقول...

كيكــــــــي
=====================
عوووووووووووووووووووووووو


شكرا ياستي وايه الجو دا انتي دايما جااية بالعفاريت خدي بالك ليتحرقوا منك علي نار المدونة

ههههههههههههههه

بلاش الشطة اوكككككككككككككككككككك

مبسوط ان الابجديات عجبتك

هههههههههههههه

تحياتي

رمضان كريم كل سة وانتي طيبة

afew good men يقول...

blue wave
================
تمام كدا ايه الاخبار

علي فكرة وحشني بس مشغول مشعارف ارد عليك ولا اجي عندك اعلق

انشاء الله البوست الجاي حلو زي مانت عايز

ودا وعد

علي فكرة البوست نزل وطلع مش كئيب هههههههههههههههههههههههههه

انت تأمر بس

afew good men يقول...

جــوجـــو
===============
شكر لمرورك وبتمني يكون البوست عجبك بجد


بتمني دايما تشرفيني

تحياتي
آدم

afew good men يقول...

قطرات من شواطئ الحياة
======================
متشكر لكلماتك الجميلة

امام كلماتط لا بمكنني الا انا اخفض رأسي تواضعا وخجلا

شكرا جدا ليكي

تحياتي

afew good men يقول...

saso
===============
شكرا ياستي
كدا تنسي بالسرعة دي عموما انا فكرتك علشان مش تشكي في حد


اخبارك ايه
مبسوط جدا ان البوسط عجبك وبتمني دايما كلامي يعجبك
\


علي فكرة انا كمان بحب المود دا

جدا جدا

تحياتي الي الابد

afew good men يقول...

Zanooba (Zeinab sab9n)
==========================

زنوبة اخبارك ايه

ياستي انشكحي البوست الجديد حب ومتفائل ككمان

يارب يعجبك

afew good men يقول...

hager za3bal
==================
الله يسلمك


مبسوط اوي ان البوست عجبك

ماتخفيش انا مشبكتب غير من جوايا يعني مش حتغير لانهم يريدوني ان اتغير




بس بجد الايام بتنسي

مشعارف ؟؟؟

تفتكري ؟؟؟

الايام بتنسي الفرح ؟؟

لكن الحزن ؟؟؟؟؟؟؟لالالالالا

لو حالة تانية اصدق من الأولي ممكن تنسي بس ازاي توصل لحالة تانية وانت حاسس انك ممكن تكون بتخون حلمك

الموضوع صعب ياهاجر ومحدش بيحدد هو ممكن يعمل ايه

ححاول اخرج

وانا فعلا خرجت ورحت عندك وسبتلك تعليق طويل علشان كدا دايما شغلاني علكي

طمنيني عليكي

وانشاء الله دايما تتمتعي

تحياتي

afew good men يقول...

رنـــــــــــدا
====================
ربنا ما يحرمني من سؤالك علي

دايما كدا سباقة بالخير

كل سنة وانتي طيبة

لا تليفزيون ولا احزنون
تحياتي

afew good men يقول...

عايزة اتطلق و
==================

محاسن والله دايما بتكسفيني بس انا والله بروح عندك كتير وبقري التعليقات الكتيرة اوي

(( بحسد شكللي ولا ايه ))

واطمن عليكي من غير ماكتب حاجة

دايما وحشاني

ربنا يخليكي
دمت بخير وود

afew good men يقول...

قررت أكون عانس
======================

المدونة منورة لاول مرة

بتمني دايما تزوريني

حاخد بنصيحتك واتمني تجيب نتيجة

متشكر جدا علي مرورك

afew good men يقول...

haninalshaera
====================

مبسوط بداية ان المدونة عجبتك
وبتمني يكون في تواصل دايما

حاعمل بنصيحتك


كل سنة وانتي طيبة