الثلاثاء، أغسطس 19، 2008

القسوة

اعتبرها هي الشعور المضاد لكل المشاعر البريئة

لماذا القسوة ؟

اعتبر جديا القسوة احد فروع الظلم

لها اسبابها

ولكن عندما نصل اليها

فتأكد انك

قد بدأ قلبك يفقد برائته

عزريته

بدايفقد المعاني الجميلة البريئة المبهجة في العالم

عندما تدخل القسوة العالم

لا استطيع الا ان أقول

رحمك الله أيها الحب البريء

14 رأيك:

عصفورة من الشرق يقول...

مساء الخير
القسوة هى نتاج قلب لم يعرف الحب لكن لو فكرنا قليلآ لعرفنا ان القساة هم فى حقيقة الامر ضحايا انهم لم يكونوا يومآ موضوع حب اى شخص ومن لم يكن يومآ محبوبآ لن يعرف ابدآ كيف يقدم الحب فاقد الشىء لا يعطيه وان كان فقدان الحب ليس ذنب القساة فرفقآ بهم
تحياتى

Lady E يقول...

كلام صعب جدا عن القسوة

وهي فعلا احساس صعب

لكن القسوة ليها اسباب وبيبقى ليها اسباب مؤقتة وبتزول

واحيانا القسوة برضه بيكون ليها فايدة لما طبيب يعالج مريض بعملية جراحية دي قسوة مفيدة

لما اب يعاتب ابنه ويمنع عنه حاجة بيحبها علشان يعلمه حاجة معينة دي قسوة مفيدة

لكن القسوة المدمرة المطلقة دي فعلا مضادة لكل المشاعر البريئة

mohamed ghalia يقول...

اعتبر جديا القسوة احد فروع الظلم

فعلا القسوة دى حاجة وحشة قوى
كل سنة وإنتا طيب
دمت بود
تقبل تحياتى

fire bird يقول...

القسوة احد فروع الظلم

نعم

ولكن

عندما يقسو الانسان على نفسه

فذلك يكون لتقويمها

وهنا تكون القسوة نابعة من العقل والضمير

وبذلك يكون الظلم محبب الى النفس

لانه خوفا عليها

لان الانسان ربما يتحمل ظلمه لنفسه

ولكن

لا يستطيع ان يتحمل ظلم الآخرين له

وهنا تصبح القسوة كالعملية الجراحية

الغرض منها شفاء المريض وليس قتله

اذا فالقسوة فى نظرى

هى كصمام الامان

الذى يمنع الكثير من الكوارث

ومن تمتع بها على نفسه

تمتع بالكثير من الامان
=====================
دمت مبدعا

سلطان الغرام يقول...

خلصت فيك كل الكلام يا بني والله اقول ايه بس

هلا هلا عليك

أنا حر يقول...

القسوة هي الضعف الذي نهرب به من الحب ومن التسامح ومن التعاطف
عندما تقسوا القلوب نحتاج ان نضع مكانها اي شيء حتى ولو كان حجر فهو دائما ارق من القلب القاسي
تحياتي

مثلية فقط يقول...

عزيزي

يلي بيوجع جد هو لما تكون القسوة من ناس ناطر منهن الحب ...

عايزه اتطلق و يقول...

القسوه واليى بيعانى منها وما ادراك ما القسوه انتا جيت على الجرح بس انتا بتقول ان القسوه بتدخل القلب فيه قلوب مفطوره على القسوه اما البراءه والطيبه فابعد ما يكون عن تكوينها ...كلامك مليان مراره وكأنك عانيت منها لما قولت بس ربنا يهون عليك وعلينا بس افرح رمضان على الابواب واحنا فى ايام كريمه كل سنه وانتا طيب وبخير..

appy يقول...

القسوه موجوده بس مش فى القلوب اللى بتحب

Zanooba (Zeinab sab9n) يقول...

يعني كالعادة كل مرة بدخل عندك بقول تحفة البوست بس حزين أوي ...أنا شايفة أن الإنسان القاسي ده بيبقى ضحية في الأساس يعني هو كان مظلوم في يوم و مكنش عارف يأخد حقه و يوم ما بقى أقوى بقى مفتري و قاسي و على فكر القاسي أوي ده بيبقى ضعيف أوي و شخصيته هشة أوي أوي و بيبقى تعبان أكتر من الناس اللي سايق عليهم بلاه و بيبقى تعيس جداً جداً لدرجة إنه بقى عايز الناس كلها تبقى تعبسة زيه ...
تقبل مروري

afew good men يقول...

عصفورة من الشرق
===============
حقا فاقد الشيء لا يعطيه

ولكن هل دائما تتحق الشعارات والقواعد

لكل قاعدة استثناء


lady e
-===========
انا شايف القسوة مالهاش سبب

هو شعور مكتسب من الطبيعة

دمتي بخير


mohamed ghalia
===============
رمضان كريم وكل سنة وانت طيب



fire bird
============
ما افتكرش انها بتجيب نتيجة خالص

لانها صراحة مضادة للمشاعر الانسانية

دمت بود



سلطان الغرام
============
صبح صبح ياسلطان ايه الحلاوة دي

انا حر
==========

والله عندك حق
الحجارة ارق من القلوب القاسية


مثلية فقط
===============

جيتي علي الجرح عزيزتي

هو دا فعلا اللي بيوجع


عايزة اتطلق و
=====================
حقولك ايه فعلا جات علي الجرح

رمضان كريم

دمت بحب ومودة

appy
============

مشمعاكي لانها احيانا بتكون نابعة من نفس القلب اللي بيحب


zanoooba
================
مش لازم والله بس نظريتك صح

وبتحصل
رمضان كريم دمت بحب

غير معرف يقول...

السلام عليكم
كلامك واقعى جدا وفعلا انا شفت ناس كتير اوى القسوة هى شعارهم فى التعامل بس بجد اول ما عرفوا معنى الحب والسعادة والعطاء والغفران اتقلبت قسوتهم دى لعالم من الحب والخير والضحك واللعب .المهم القسوة بجد بتيجى لما الواحد يحس ان الى بيحبوة تخلوا عنة فى لحظة ويلاقى الدنيا اتقفلت فى وشة ويلاقى الحياة بأت سودة .وساعات عصبية الى حواليك بتحولك لانسان قاسى لما تلاقى نفسك مش عارف تاخذ حقك وضايع ومغلوب على امرك هتلاقى انها البديل الوحيد . ممكن كمان القسوة دى نتيجة الفشل المستمر وفقدان الامل ...
عاشقة النيل

شفقة هانم واحسان بك يقول...

بالرغم من قسوة الكلمات الا ان البوست رائع رائع رائع

ندا منير يقول...

القسوة عموما فى كل شئ بتفقد الانسان برائته وبتخليه يخصر علاقاته باللى حواليه وعلاقته بنفسه