الجمعة، أغسطس 15، 2008

الانا ........ مش اختصاصي

انا اولا مش عارف اسميه ايه

بس انا عجبني عنوان كتبه فهرنهايت صاحب مدونة
حفار القبور لما كتب عنوان

الفتنة دخلت بيتي

ولما جالو تاجين كتب

النخلتين لما توعد

بس انا مبدأيا عايز اتكلم وأقول انا لا اجيد الحديث عن نفسي
واشعر بألم وحزن شديد عندما اتحدث عن نفسي احلامي طموحاتي مستقبللي

ولكن لانني احيانا اشعر انني من المقصريين تجاه اصدقائي وأجد الحياة تأخدني في غفوات مستمرة
وأشعر انني اعيش في غيبوبة كلما اغمض عيني وأحاول النظر اري اللون الاسود يطاردني
وشعرت بعدها وآمنت انه لوني المفضل ..........


وهنا لابد وان اشكر كوشيا صاحبة مدونة قصاقيص كوشيا لارسالها هذا التاج واقولها الكلام اللي حقولو من دمي
ممكن يكون متناقض لان دمي فيه كرات دم بيضا ء وكراات دم حمراء وأتساءل ؟؟؟؟؟


أين كرات الدم السوداء ؟؟

سأبدأ بحل الواجب الأول :-
وهو
من ارسله لك
اذكر قوانين الواجب
اذكر ست اسرار لا يعرفها من يقابلك للمرة الاولي
اهدي الواجب لمن تحب 6 اشخاص


الواجب جالي من
كوشيا صاحبة مدونة قصاقيص كوشيا بمناسبة عيد ميلادي
القوانين هي
ذكر مرسل الواجب .. كوشيـــــــــــــــــــــــــــــــا
الاجابة عليه
ثم ارساله لمن اختارواخبر من ارسله لي بالاجابة

بسم الله الرحمن الرحيم
البداية

ست اسرار لا يعرفها من يقابلك للمرة الاولي؟؟؟؟؟؟
1- الرومانسية والحزن
اشعر انني رومانسي بالفطرة لا دخل لارادتي في هذا الاحساس وأن حزني لا اعرف له سببا احيانا ولكنه شعور يلازمني دائما وأمنت اخيرا انا الرومانسية والحزن مرتبطان بشدة .
2- شكاك
لانني تعلمت من الحياة قانون وهو
لابد من الشك وسوء النية حتي تثبت الحياة العكس وبعدما تثبت العكس اظل شكاك بطريقة مخيفة اشعر انه هاجس يطاردني دائما .اتسائل لماذا ؟ وكيف ؟ ومتي ؟ وارسم الاحداث والاقوال واناقشها مع نفسي


3- النظرة الأولي وانطباعي الاول
انطباعي الأول علي الناس دائما يدوم ودائما يكون صحيحا وذلك يجعلني دائما افقد اصدقائي بسرعة لان حالات الكذب في الحياة اصبحت منتشرة فوق المعدلات الغير طبيعية واستطيع ان احدد من الالوان وطريقة اللبس شخصية من هم امامي كما يمكنني ان احدد ذلك ايضا من طريقة الكلمات ونبرة الصوت .

4- السفر
اعشق مصر واحبها بطريقة لم اكن اعرف انني مصري حتي النخاع لهذه الدرجة ولكني اكره حياتي فيها علي الهامش اشعر انني لي مكان في العالم فقط خارج دائرة ميلادي ووطني هذا الحلم في السفر ربما بدأ يتلاشي نظرا لصعوبة تحقيقه ولكن اعرف جيدا في داخلي مهما تقدم بي العمر واتت فرصة لتحقيق هذا الحلم ربما اترك كل شيء وأحققه

5- المال
انسان مسرف بطبيعتي لا اعطي للفلوس قيمة في حياتي ولذلك لا استطبع الادخار ابدا لا اهتم بها كثيرا واشعر انني عندما اكون مفلسا ولا املك ولا مليم في اسعد لحظات حياة لانني خرجت اخيرا من دوامة الحياة
اصبحت حرا اشعر انني استطيع ان اعيش الي غدا وفقط لا افكر بعد شهر وسنة حاعمل ايه بس بحالة غريبة افوق منها وانا ادخل ثانية دوامة الحياة متطلبات احتياجات شخصية مصروفات والذي منه.
((مسرف يا مليجي ..)

6- التغير

انا شخصية قابلة للتعلم والتغيير تتقبل جميع المعلومات وتتعايش مع جميع الظروف وتتكيف مع كل الجنسيات ولكن لا اغير مبادئ حياتي ابدا مهما اثبتت لي الحياة انني اسير في اتجاه وهي في اتجاه

الواجب التاني

اذكر 16 صفةاهدي الواجب لمن تحب

7
- منافس بشرف .
8- لا اقبل بغير النجاح ومؤمن انني عندما افشل انني في اول خطي نجاحي .
9- غيور .
10- محب للالتزام .
11- الوقت له قيمة كبيرة في حياتي ولكن حياتي احيانا تكون بلاهدف .
12- الوحدة ناتجة عن افكاري المختلفة ونظرتي المختلفة للاشياء .
13- رجل اللمسة الاخيرة .
14- محب للعزوبية .
15- عاشق للحرية واتمني ان اعيش كما اريد
(( في منزل خسبي وسط جزيرة او صحراء بدأت تنبت فيها الخضرة او علي ضفاف نهر امسك صنارتي وأصطاد الاسماك أفكر وحيدا وأكتب كل ما يأتي بذهني في لحظتها في هذه الصورة اناسا اخرين لا استطيع ان احدد هويتهم ولا اشغل عقلي بهم لانني بدأت أؤمن انني استطيع ان اعيش وحيدا ))
16- مكتئبا .
17- ساخرا
18- مقنعا وخاصة انني استطيع ان احكي القصص الواقعية واتي بأمثلة من الواقع بسهولة .
19- أظلم نفسي كثيرا .
20- واثق من نفسي لدرجة تجعل الآخرين يصفوني بالغرور(( وويكتشفون العكس بعدما تتوطد العلاقات بنا)) .
21- صديق وفي .
22- اكره الكذب .
23- احب الحق وادافع عنه .
24- ذاكرتي المكانية متناقضة احيانا قوية واحيانا اخري هههههههههههه مافيش
25- انسان بكل معاني الكلمة..


واخيرا ارسل التاجين او الواجبين لمن يريد اجابتهم فعلاواخص بالذكر

فهرنهايت صاحب مدونة حفار القبور ((أول تدوينة قريتها في حياتي كانت له عن الامتياز))
الراجل دا جامد جدا في الكتابة

سلطان الغرام صاحب مدونة
الصقر الجري اخويا الصغير وحبيبي ونفس تاريخ ميلادي

Fire bird صاحبة مدونة طائر النار وبقولها وانا كمان بدبسك

Habiba صاحبة مدونة قصاقيص حبيبة
كان نفسي ابعته لكوشيا تاني علشان ماتعملهاش بس هي حلته مرة وبحب اقولها ياريت كمان مرة علشان العلم في الراس مش في الكراس

يا جماعة نظرا لان الواجب دا فضيحة بحب اقول هو اختياري لكل الناس والاعتذارات مقبولة
واخيرا بحب اعتذر لكوشيا للتأخير بس انا كان عندي ضغط شغل جامد والحمد لله انتهي وحصلت علي الموظف المثالي وحيكون في حفلة وشهادة تقدير وشوية حبشتكانات

فقررت ان احل التاج دا في اول فرصة انفرد فيها بلابتوبي العزيز اللي مستحملني كالعادة
وبقولو والله لو حجر كان نطق

شابوه لكل من ساهم في اختراع الكمبيوتر
وكل من ساهم في عمل تلك الشبكة العالمية الانترنت
فبهم استطيع ان اعيش وحيدا

15 رأيك:

Habiba يقول...

اول تعليييييييييييييييييق
بحجز بس هروح انزل ويندوز فى ثوانى وجايه اقرا واعلق
سلاااااااااام

Habiba يقول...

تعرف ان شخصيتك عجيبه جدااااا
حسستنى وبدون مبالغه انى نفسى اعرفك فى الحقيقه مش عارفه ليه والله ؟
احترمت فيك كل حاجه بس كان عندى اعتراض على حكايه الشك دى وان كانت فطرة ربنا اللى خلقك عليها
بس تعرف ان عندك حق انا عندى خالو بيقولى كده بيقولى دايما افرضى سوء النيه فى اللى قدامك علشان لو حصل منه حاجه وحشه مش تتصدمى ولو حصلت منه حاجه حلوة تفرحى بيها
يمكن عنده حق
بس الغلط انها تبقى وسوسه بمرض

تتعبك معاها

تحياتى للشخصيه اللى شدتنى
دمت بخير

عاشــــــ النقاب ـقــــة"نونو" يقول...

السلام عليكم
شخصية عجيبة غريبة تخوف لكن تحترم وبشدة
ربنا يبارك فيك
وكل عام وحضرتك بخير

مثلية فقط يقول...

كثير حلو الصراحة مع النفس ... شو ما كان فيها من اشيا مختلفة عن العالم بس أهم شي انو تكون عارف نفسك منيح و متصالح معها هيدا شي كثير بيريح ... بتمنى تحقق كل أمنياتك و تعيش السعادة

عايزه اتطلق و يقول...

jتصدق التاجات دى كارثه تجعلك تتعرا امام نفسك والاخرين يعنى بركز فى الاسئله ممكن اصلا من كتر ما موضوع السؤال عايش معاك تحس انه من كتر التصاقه بيك بعيد واجابته ابعد..فهمت حاجه ..على العموم واضح من الاجابات ان شخصيتك عاقله بس ليه تحب العزوبيه ده الجواز شر لابد منه وبعدينموضوع الكدب والناس معظم الناس بقت كده بس عارف افضل حاجه بتريحنى فى شغلى او احتكاكى بالناس اليى بلاقيه بيتكلم على غيره او بحس واتاكد انه بيكدب مبقتش بنصح حد وربنا يسامحنى لان النصيحه لحد مبيفهمش اصلا كارثه فنصيحه منى ابعد عن اى حد تحس انه بيتلون هتريح وتستريح اما الشكر لليى عمل النت سيبهولى بقه اشكره انا انا لو من غير النت والكمبيوتر مع انى لسه داخله التدوين جديد بس كان زمانى بصوصو..من الملل العقلى والنفسى ..كل رمضان وانتا بالف خير ..واسيبك بعد الرغىده فى رعاية الله وامنه..

fire bird يقول...

اجابات صادقة وصريحة

وصف حقيقى لشخصيتك

بس فيه حاجات انت ما قولتهاش

تحياتى لوصفك الصادق

سلطان الغرام يقول...

اهداء الي الاخ العزيز

اخويا وصاحبي وكل حياتي بجد

طبعا اهنيه علي كل حرف كتبه ونال اعجاب الاخرين

وانا تعلمت منه حاجات كتيييييير الصح منها والغلط

وبقووووول انا من منتهي طريقك سوف ابدأ

جااااااااااااااامد يا برنس

yoyo يقول...

صباحك سكر يا باشا
امممممممم ام التاجات بيتبقى فضايح للركب يا معلم ههههههههههه ربنا يستر علينا بجد

بس اجابتك كتير صريحة وفيها حاجات متناقضة
انت انسان غااااااااااامض جدا بس رغم كدا تستحق انك تحترم لكنك بجد جدير بالاحترام دا انت ناس عاقل للدرجة كبيرة فى تصرفاتك وكلامك
بس ايه موضوع العزوبية دا ياريس
اممممم وتحطم قلوب العذارى كدا يا آسى هههههههههههههه اهوا كاس ومكتوب علينا هييييييه دنيا
تحياتى للغالى
يويو

kochia يقول...

كان نفسي اكون اول تعليق في المدونة دي بالذات

لانه تاج
انا اللي بعتهولك
بس لاني مسافرة وببص علي الكمبيوتر كل يومين تلاتة بالعافية
ومش لاحقة ارد ولا اقرا ولا اعلق
انا النهاردة كل اللي عملته رديت علي التعليقات عندي وعلقت عندك انت وهقوم

انا مبسوطة اوي انك حليته
وده لعلمك بقي واجد كل 3 شهور تعمل واحد زييه
عشان انا عارفة انك كل مرة هيكون فيه كلام جديد عندك
غير الاساسي طبعا

كلامك عاوز تعليق كتير
بس انا للاسف مش لاحقة ارغي
وبكتفي بشكرك انك حليته
ومسمحالك علي التاخير
طبعا
وصدقت منك كلمة انك انسان بكل معني الكلمة
الانسان فعلا فيه متناقضات كتير
لكنه انسان
وانت فعلا انسان

اشكرك تاني
سلام دلوقتي

كيارا يقول...

اششششششششششششششششششششطه بجد اجابات جميله وروعه

اجابات في منتهي الجمال بجد وواضحه وصريحه والف مبرووووك علي الموظف المثالي


تحياتي كيارا

كلبوزة لكن سمباتيك يقول...

انا كمان مش بحب التاجات
و الحمد لله اني نفدت :)
تحياتي

Lady E يقول...

كل صفاتك جميلة ما عدا الشك

فالشك مطلوب لكن انه يزيد عن حده ممكن بعد الشر يجنن صاحبه او يقتله

ربنا يوفقك في حياتك

وان شاء الله دائما تحقق احلامك

والف مبروك على لقب الموظف المثالي

واحب اقولك ان نظريا الحياة وحيد ممكنه جدا لكن عمليا مستحيل النت يغني عن التواصل مع الناس في العالم الحقيقي

Happy Hope يقول...

أنا جيت أزورك و معايا القطايف
:)

ايه الصفات الجميلة دى
لكن انا برضه بعترض على صفة الشك
لأنها صفة هتتعبك و تتعب اللى قدامك

و أحب أبلغ حضرتك انى حليت الواجب أو التدبيسة
:)اللى كانت مفروض تكون اختيارى

تحياتى ليك صديقى

afew good men يقول...

اصدقائي بشكركم جميعا علي كلماتكم الرقيقة

والمشاركة اللذية

حقا انتم عالم آخر يستحق الاهتمام


لا اعرف كيف ارد علي مجاملات او كلمات شكر
دكتك بخير وسلام

nonni يقول...

لا لا تاخد تقدير امتياز اجاباتك تتميز بالصراحة .

"تحياتى"