الخميس، يوليو 31، 2008

نهاية عادلة لخطيئة اسمها الحب


هذا البوست هو الحقيقة الوحيدة والنهاية الحتمية

هو احساس لمعني كلمة الاجنحة المكسورة

هو نفسه الوصف الذي عبرت عنه حروف وصف تلك المدونة
التي اعترف وبحق انها اصبحت جليسي وأنيسي
اصبحت كل ما يشغل قلبي لاكتبه هنا
انتهي شهر يوليو نهاية حزينة كعادته
=================

ليس الموضوع قصة حب انتهت
ليست الحكاية اجنحة تكسرت
ليست الحدوتة نهاية انتهت
ليست الحياة احلام فقط تحطمت

لست انا من يكتب بالقلم

يكتب قلبي بحبر من الألم

تعزف عيني دموع من الشجن

تقطع شراييني سكاكين من كل الامم

تكسر اجنحتي سيوف من الورق
تعزف اجنحتي دماء ممزوجة بنار الالم

اكتب قصاصاتي بعين مليئة بالآهات

احكيها بلسان قطعته الكلمات

اكتبها بأنامل عجزت ان تكفيها الوريقات

اسردها في ادني التعبيرات

لا يكفيها ما في هذا العالم من الكتيبات

لا يحكمها قانون ولا تشريعات

لا تسكنها أحدي المعشوقات

انها احاسيس اعظم من البروتوكولات

موجودة في قصص العشق المنسية

محفورة علي قلبي كالرسالات السماوية

كانت حقائق لم تتحقق

كانت احدث ما في العشق من سنفونيات

اجدر ما خطط من النظريات

اجمل ما تقرأ بين الآيات

كانت اصعب الاختبارات

واجمل الامتحانات
كانت هي
مليكة المليكات
وأميرة الأميرات

وتحولت في غمضة عين

الي خرافة من الخرافات

بدعة

انتكاسة

ومن يتحمل تلك الصدمات

لم تحركنا الزلازل

ولكن دفنا ببعض حبيبات الرمال

وقفت مكسر الاجنحة

وهذا يسخر

وهذا يشمت

وهذ يلعن

وهذا يعد العدة للاحتلال

انها حقا مطمعة

فوداعا لك ايها الملك

صاحب البطولات

ليست ارضك

ليست طيورك

فأنت لاتملك الا اجنحة مكسورة

لا تقاتل في زمن الغدر والخيانة

ومقبرتك الآن محفورة

وعلي زراعيك اجنحة عريانة

جسدك عاري

نبض قلبك عالي

لمن كنت تقاسي

ياحسرة علي الزكريات

واحسرة علي الامنيات

كيف احزن علي افترائاتي

كيف اندم علي نزواتي

كيف فشلت مخططاتي

كيف أخطأت نظرياتي

كيف اتخلص من عصبيتي وانفعالاتي

كيف اقطع اجنحتي المكسورة

وازيل ضعفي

واكتب الي العالم

احزن النهايات

كيف اعمي عيوني

كيف اقتل ابتساماتي

كيف اذهب الي مقبرتي

وأنا اسير لخطاياتي

شربت من كأس ادماني

عشقي لتلك الخمور والمسكرات

لحظات سكري وأيام افاقاتي

عشت في سجني

احترفت عشقي

صنعت قيودي

اغتلت ما يسمي بالحريات

وكيف يحي عاشق مع احدي الراهبات


وكيف تدنس دماء اجنحتي المقدسات

هنيأ لك نيران جهنم

فقد غلبت السيئات الحسنات

هنيأ لكم ملائكة العذاب

فقد تحولت الحور العين

الي احدي العاهرات

وقد تحولت الجنة

الي دنيا مليئة بالقاذورات

كيف دنست المقدسات

وكيف تحولت الحوريات

كيف تغيرت القوانين والنظريات

كيف تكون الحياة مثل الممات

اين ذهبت الآلهة

كيف لم تثبتنا وتملأنا بالايمانيات

كيف غفونا وتركنا عشقنا

اصبحنا جيف رفات

هل حقا يمكن ان نصاب بالسبات

تغفو اعيننا وقلوبنا

تعجز ايدينا

وتشل اجنحتنا

ان تجعلنا مثل الطائرات

نحلق بأجنحة مكسورة في الفضاء

نحلم نحلم نحلم

ثم نفيق علي سقوطنا في احدي الحفر الهاويات

قسوت عليك حبيبتي

فقتلتك قساوتي

كرهت نفسي

فكيف اعيدك من وسط الذئاب

وأنت من آمنت لمربي الذئاب

كيف آمنت لهذا القاتل اللعين

كيف خدعك بصورة العاشق المسكين

كيف لم تفيقي في كل هذه السنين

ياليتك قتلتيه قبل ان يقتلك

ياليتك ما تركتيه بعدك

يشعر بكل هذا الانين

يحفر قبور لنفسه

ليتذوق من نفس الكأس

ليشعر بمعاناتك

فعشقك قد اخترق جسدي حتي شعر الرأس

كيف انهي مأساتي

وبيدي ارقت دماء قلبي

ومصدر مشاعري واحساساتي

كيف حولني ذنبي من رسول

الي قاتل مأجور

أقتل الملائكة وأحتفل بالانتصارات

أمص دماء القلوب

وأنزع من القلوب الرحمات

انصب لهم شباكي

اجعلهم عبيدا لمغرياتي

اتحكم فيهم

وأنزع منهم الاحلام والطموحات

كيف ايقنت

انها لحظة لن استطيع حقا

أن اعيد فيها حساباتي

عاندت نفسي

وقعت في شرك اسمه الحب

طلبت المساعدة

في دنيا الغدر

ومن يجير يوسف من الجب


فقدت سيطرتي من النخاع الي اللب

اعترفت أخيرا
ان هناك حقا

نهاية حتمية

لكل خطيئة اسمها الحب

25 رأيك:

fire bird يقول...

بزمتك مين اللى يبطل تشاؤم

ثانيا ايه حكاية المرهم دى كل شوية

انت سيبت الدعاية والاعلان واشتغلت فى الطب ولا ايه

===================================

ايه ياعم الكلام الجامد ده

ليه كده

مش هى دى النهاية المتوقعة لشهر يوليو خالص

بص بطل اكتئاب وارجع لطبيعتك

ماشى

كل كلمة انت كاتبها انا عارفة انها خارجة من عقلك

مش من قلبك
او ممكن تكون من قلبك بس لوقت معين

صح

يلا بقى ارجع لمودك الطبيعى

الحب سيظل موجودا مادامت الحياة

وان كان خطيئة

هى دى الحقيقة

fire bird يقول...

اسلوبك فى انتقاء الكلمات رائع

ولكن الاحساس مؤلم جدا

لا يمكن ان تكون تلك هى النهاية

بعد كل ذلك

انت من يجب ان ياخذ القرار الصائب

ولو كان الحب فى نظرك خطيئة

فانت عامل زى اللى ( يقتل القتيل ويمشى فى جنازته )


انت ذئب ولكن معها تتحول الى ملاك

فلا تترك ملاكك الذى لن تجده الا مرة واحدة

زى الهوا يقول...

جميل , بس صعب جدا وتشاااااااااؤم اوى

بس اخر بيت جامد اوى

kochia يقول...

السلام عليكم
انا قريت البوست ده عشر مرات تقريبا وكل مرة اقراه ابقي عايزة اعلق اقول كلام وبعيدن اغير رايي وابقي عايزة اقول كلام تاني

والخلاصة بقي كلام مش ماشي مع بعضه بس حبيت اقوله برده

دايما موضوعاتك قوية اوي عليا

بتفاجئني

مش عارفة راسي من رجلي في البوست ده

لكن
-------
اذا كسر الطائر يوما احدي جناحيه فلينتظر برهة حتي يتجبر كسره

واذا فقد الطائر يوما ريشه وعزه الذي يعينه علي الطيران .. فينتظر لعل الريش ينمو لاحقا

الحب ابدا ما كان خطيئة .. وانما الخطئية هي معاملتنا نحن لهذ الحب

فنعد من تلك الصحراء ولا يمنعنا الياس او الخجل اوالكبرياء من الاعتراف حتي لانفسنا

فلنعد من تلك الصحراء الجرداء الي واحة الدفء والامل

فنحارب حتي باجنحة مكسورة

فلنحارب حتي اخر قطرة دماء تنزف فان متنا ... متنا شرفاء وان عشنا .. عشنا سعداء

فلنختر مصائرنا ولا تفرض علينا ابدا
اختر مصيرك ولاتبكي ابدا بعد ذلك علي اختيارك واسعد به

كيف لم تحركنا الزلازل ودفنا بحبيات رمال الا اذا استسلمنا لهذه الحبيبات

واذا كنت اليوم كسير الجناح فقد كنت امس تملك السماء بجناحيك
تذكر ذلك دائما

وغدا سوف تعود مرة اخري الي السماء بعد ان يبرا الجرح وتذكر ذلك دائما
تذكر ما كنت وما تستطيع ان تكون ببعض العزيمة والثقة والامل

استعد تلك السيطرة المقودة .. وحارب معركت

مت فيها شهيدا واحذر ان تغدوا اسيرا

تحياتي

yoyo يقول...

صباحك سكر يا غالى
اممممممم وبعدين بقى يعنى

ايه بس الكلام اللى بيوجع دا

والله بجد كلامك صدمنى اوى اوى
برضه لسه فى لو امل حتى لو كان صغير يا اخى اتمسك بيه
وبعدين لازم يكون عندنا ثقة فى نفسنا حتى لو اللى حوالينا مش معترفين بينا لازم نحاول نثبت لهم احنا ايه ووجهه نظرنا ايه
ماشى الحياة بقيت صعبة ومش بقى فى مناخ الا للاحباط والياس وخيبة الامل العيب مش فى الزمن احنا اللى بنعمل الزمن دى حياتنا ولازم نعيشها بحلوة او حتى بمرها

واسمح لى عمر الحب ما كان ذنب ولا حتى خطيئة ولو كان كدا يبقى مش كان حب من اصله الحب شىء طاهر بس للناس اللى تقدر تقدره وتحسه

شوف بقى يا باشا ارمى االاحباط دا كدا ورا دهرك حاول تحب الدنيا عشان تقدر تعيشها وتتعايش فيها
تحياتى لك
يويو

رؤية يقول...

بصراحة....
بوست صــــدمـــة
ملىء بمشاعر كالعواصف،
لكن ما اود ان اقوله ان جبر ضعف كسر جناحك بقطعه فانك بذلك تعجز نهائيا ،
لكن جبره يكون بمداواته،
لا ادرى بما اعلق...
لربما قد اقترفت من الخطايا فى حق هذا الحب ما اقترفت،
لكن يظل الحب فى ذاته ليس بخطيئة،
تحياتى لك.

ندا منير يقول...

الكلام عجبنى جدا
بس انا ليا تعليق بسيط
ان فى كلام حاسة انه خارج الموضوع والكلام دا اللى فى الاول خالص
وبعد كدة رجعت للمووضع الاصلى
بس عموما كلامك جميل وحزين قوى

Zanooba (Zeinab sab9n) يقول...

أولاً البوست جميل جداًو الكلمات صادقة
جداً ....بس فيها كم من الكآبة غير طبيعي يعني أنا كنت بفكر في مرحلة ما زيك ...بس دلوقتي لأ ....عشان بدأت أشوف الحاجات الصغيرة الجميلى=ة اللي في الدنيا لأن الحياة حلوة بس اللي يفتح عنيه على حقيقتها....تقبل مروري

Hadota .. حـدوتة يقول...

السلام عليكم

انا سعدت جدا بالمرور بمدونتك

مدونة ائعة ومتميزة


من المدونات اللى بتسيب احساس جوا الواحد

سواء شكلها او الاغانى اللى عليا

او طريقة الكتابة او المصطلحات المستخدمة


كله سيمفوينة متكاملة بتعبر عن احساس جميل وراقى
عن

قلب مجروح

وكلمات بتقطر بألم شديد

حسة بكل كلمة كتبتها

حسة كمان باحساسك وانت بتكتب الكلام دا

حسة كمان باحساسك وانت عايش مع الكلام دا


بس لازم يكون فيه نوع من العقل شويه

متسيبش نفسك لاحزانك انت ماشي فى سكة خطر

اللى هو انت مش قادر تستحمل الحزن

نفسك الزمن يرجع ولا كان كل دا يحصل

بس الزمن عمره ما هيرجع

والايام لفت ودارت

صدقنى هتخرج من الحالة دى سواء بعد كتير او بعد شويه


متزعلش عل ىاللى فات

على رأى المغنية الصاعدة الواعدة شذى .. حيالله حكاية منسية

ابقى اسمع الاغنية دى


وعلى فكرة

الحب مش خطيئة

الحب حاجة حاجة تحفة جدا واحلى احساس فى الدنيا .. بس يمكن هيا الاختيارات الغلط . والقرارات المتسرعة اللى بناخدها


ادعى ربنا كده ... وخليك دايما معاه .. هتحس الدنيا احلى كتير


:)


وارجو انى مكونتش عكيت وخرجت عن الموضوع


===========

اين ذهبت الآلهة

كيف لم تثبتنا وتملأنا بالايمانيات


البيتين دول معجبونيش .. لان ربنا معانا .. دى مشكلة جايز ... بس انت اللى المفروض تلجأ له وتصبر على ما ابتلاك بيه .. من قبلك وقعت فى مواقف زى دى .. وكنت ساعات بوصل انى على وشك اقول كلام كده ... الاقى انى انا اللى بعيد ... انا اللى مروحتلوش وقولتله يارب صبرنى .. كنت بجرى اتوضى .. واقعد اصلى ... واعيط ... واقوله يارب صبرنى .. يارب خاليك معايا

تعرف كان بيحصلى ايه ؟؟
بلاقى النار اللى جوايا بردت .. وبقدر انام بليل .. واصحى الصبح اروح شغلى .. واضحك فى وش الناس :) .. يمكن ارجع اعيط بليل شويه .. بس برجع اقول يارب تانى ... وزى اى عيان مع الوقت والمواظبة على الدوا خفيت

------------

تحياتى

مدحت محمد يقول...

لا الحب مش خطيئة

يمكن حبك كان غلط

واختيارك كان برضه غلط

حاول تغير فكرك وتعيد حساباتك

Happy Hope يقول...

الكتابة شئ جميل عن طريقها بنقدر نعبر و نطلع مشاعرنا و إحساسنا

مشاعر غضب .. مشاعر حب
أى كانت نوع المشاعر دى

المهم انك تكتب و تطلع كل اللى جواك

استمر و احنا المستفيدين

تحياتى

مؤمنه يقول...

السلام عليكم ورحمة الله وبركاته
لا يوجد ذنب لا يعقبه كفاره وكفارتك كانت ان تسقى من نفس الكأس الذى اسقيت منه
ولكن هذا لايعنى اننا سوف نعيش حياتنا ابدا نتجرع من مرار الكأس
هى جرعه واحده تكفى لمعرفة الخطا والعدول عنه للصواب وبدأ حياه جديده بيضاء خاليه من التلوث نسطر فيها احلامنا ونسعى فيها لتحقيقها هكذا هى الحياه ما خلقت لتكون ثابته على حال انما هى متغيره لكى تستمر
فاصنع حياتك كما تحب انت ولا تتركها للتشاؤم يصنعها
كن متفائلا ترى الوجود جميلا
وكيف نحيى ان لم نخطأ ونتوب ونعود للصواب
وكيف نحيى ان لم نساعد انفسنا على الحياه
دومت بخير
البوست جميل وكلماته متناسقه مع بعضها ومحسوسه
بالتوفيق
والسلام عليكم ورحمة الله وبركاته

nonni يقول...

اسلوبك حلو اوى ، و جيد فى اختيار كلماتك و انا قريت كل البوستات حسيت ان انت كنت فى حالة جيدة جدا من التفاؤل و لكن البوست ده عكس الانطباع و اصبح انك متشاؤم مش عارفة ليه؟؟؟؟؟

مرسي على مرورك الكريم
"خالص تحياتى"

afew good men يقول...

fire bird
=================
هو مش تشاؤم دي حقيقة في حياتنا

وانا لسه شغال تسويق

بس بفكر اخد توكيل المرهم

afew good men يقول...

fire bird
=================
هو مش تشاؤم دي حقيقة في حياتنا

وانا لسه شغال تسويق

بس بفكر اخد توكيل المرهم

afew good men يقول...

fire bird
=================
هو مش تشاؤم دي حقيقة في حياتنا

وانا لسه شغال تسويق

بس بفكر اخد توكيل المرهم

afew good men يقول...

زي الهوا
==========
شكرا لمرورك الكريم

شرفتينا يافندم

afew good men يقول...

kochia
=========
أحيانا لا نستطيع ان اجبر كسر في اجنحتي

اجد نفسي عاجز عن الحكرات
عاجز عن الكلمات عاجز عن التعبيرات

فعلا ببقي محتار اجي كاتب البوست

من غير ما اكتب ولا اقري حاجة

شجعتيني اني اقاوم

لكن للاسف

غلبتني همومي وأحزاني
غلبتني حياتي وتنبؤاتي

كوشيا

شاكر ليكي كلامك الجميل

وانشاء الله حرد عليكي عندك وبعتذر عن التاج دلوقت

afew good men يقول...

yoyo
===========
صباحك عسل لا مشعايزك تتصدمي عايزك تبقي فريش احنا علي البلوج

كل ساعة بحال

والله انا كمان بحب تعليقاتك
ربنا معاك

وفعلا عمر الحب ماكان ذنب اخبار الدنيا ايه

afew good men يقول...

رؤية
===========
نورتيني

حقا الحب ليس بخطيئة
ولكن احيانا نقسو علي انفسنا

ونحول الحب الي خطيئة

Habiba يقول...

عزيزى
اسعدنى مرورى بمدونتك يمكن لان اول حاجه اقراها ليك جايه ليا فى مود زى مودك تمام انا شايفه فيه ان الحب بقى خطيئة
مش لا سمح الله اللى يحب يبقى بيغلط فى حق حبيبه ابداااااا لكن يبقى بيغلط فى حق نفسه
انا متفقه معاك فى بعض حاجات هى ان الحب احيانا او بقى دايما وهم كبير
بس اللى انا مش بتفق معاك فيه اننا نستسلم لاجنحتنا المكسورة
لازم نتعلم نحول الهزيمه لنصر ومانطلعش من معركه خسرانين ابدا
فى حاجه كمان كنت عايزة استفسر منك عليها من جو الكلمات هو مين ظلم مين ؟
احيانا بحس ان انت اللى غدرت بيها او بمعنى تانى بعدت عنها فاجبرتها للابتعاد هى كمان
واوقات بحس انها هى الى بعدت ف مش تستاهل انك تزعل عليها
رجاء وضحلى

فى ليا عتاب عليك لو تسمحلى
استخدمت بعض مصطلحات شايفه انها صعب استخدامها لانها دينيه فى اماكن لا يجوز الكلام فيها لكن جو الكلام خلاك تستخدمها برجاء عيد حساباتك فيها تانى .اسفه للتطويل وياريت تتقبله
دمت بخير

غير معرف يقول...

اولا السلام عليكم..
ثانيا...امممممممممممممم
......................
....الحب خطيئة؟؟؟ليه؟؟
ربنا سبحانه وتعالى خلقنا عن حب..اسمى نفسه الرحمن لحبه لنا..الرحيم..الغفور..التواب..وغيرها من اسماءه سبحانه جل فى علاه..
الأم تضع ابنها عن حب..الأب يتعب ويشقى حتى يطعم اولاده عن حب..
وهى الحياة عباره عن ايه بدون الحب..بعد كله ده بتقول الحب خطيئه..اسمحلى انا مش معاك خااااااااالص:(

ومع ذلك لازم اعترف ان انتقائك للكلمات عالى جدا ماشاء الله عليك فى النقطه ديه عن جد ربنا يزيدك ويحفظك

وارجو ان تعيد نظر فى هذا الموضع مع نفسك..لازم تجعلها تقر بإن الحب اسمى الكلمات وارقى الأحاسيس فى الوجود(ولو إنعدم الحب لفقدنا الأمل..وما نحن بدون امل)
وسلامى..منةالله

غير معرف يقول...

Afteг I initially commented I aρpear to have сlickеd on the -Notify me when neω сomments aгe aԁded- checκbox and
from now on each time a сomment iѕ added Ι rеcieve four emails ωith the ѕame
comment. Thеre has to bе an eaѕу method
yοu can remoѵe me from that ѕerνice?
Kudos!

Hеrе is my web page - online casino
My web site ... online casino

غير معرف يقول...



My ωeb-ѕite; instant loans

غير معرف يقول...

At the end of the week, most people want to rest or catch up on chores that were left unfinished during the week. Statistically, the odds are great to get pregnant fast. Though getting pregnant naturally seems easy, the process often requires exquisite timing.
http://pregnancyhelper.in/fertility-statistics.html