الثلاثاء، يوليو 22، 2008

كوكتيل

فجأة تذكرت احد الافلام الاجنبية المسماه بنفس الاسم علي ما اتذكر كانت اخر مرات مشاهدتي لهذا الفيلم منذ 3 سنوات تقريبا لا اذكر ما كان يشدني لهذا الفيلم تحديدا ولكن هناك بعض الاشياء تشدني في اي عمل فني ربما تجعلني انتظر احيانا ان اراه ثانية وتكون حالة الانتظار هذه مستوطنة اللاشعور
بمعني ان يجمعنا القدر سويا انا والتلفاز والريموت بمحض الصدفه لاجد يدي تتحرك بسرعة غريبة بين القنوات وتقف فجأة علي احد الافلام فيكون هو
اري ان لدي دوما شيئا مختلف يشدني للفيلم انظر اليه بداية انه واقع وابدأ افسر الامور بمنطقية يشوبها الاحاسيس والمشاعر اتفاعل مع الفيلم حتي آخر ثانية مع كل كلمة وكل حرف ترجمة انجذب تماما للموسيقي التصويرية والخلفيات واشغل عقللي بأماكن الكاميرات وانفعالات المخرج والتصوير المنطقي للواقع ومدي تطور الرومانسية وحالات الحب وابدأ بالحكم عليهم اري ان كل مخرج له اهتمامات كما ان لكل مشاهد اهتمامات....
اهتماماتي كانت مختلفة كل مرة اري فيها الفيلم اركز بشدة فاكتشف شيئا لاول مرة اراه
اهتم بالديكور والخلفيات والمناظر الطبيعية يشدني كثيرا الموسيقي التصويرية ومدي تفاعلها مع المشهد اهتم ايضا بشي اعتبره هو اكثر شيئا يجعلني استمر بدون ملل وهو رد الفعل
عندما نتعامل في الحياة بقوانين نيوتن اري ان هناك حالة من التناغم تجعلني أستمر

لكل فعل رد فعل
رد الفعل احيانا يكون مؤثر ولكنه لا يتفاعل اطلاقا مع المشهد لا يتفاعل مع الفعل
اري اننا في الحياة في فيلم سينمائي مليء بالكاميرات لكنني اتعجب من ردود افعالنا
يعجبني كثيرا في الافلام الاجنبية ان حالة النميمة تكاد تكون غير موجودة لان حياتهم السريعة تجعل كل واحد منهم يعيش في دائرته يلف سريعا لايهتم بالاخرين بقدر ما يعيش وحيدا .

اري ان فيلم تيتانيك من الافلام التي تحوي قصة حب ركيكة جدا علي قدر ما يدور حوله من الشهرة ولكنه فيلم يستحق فعلا اوسكار اجمل تصوير يحمل حالة من الوفاء لا يتناسب معها اطلاقا رد الفعل
من مات من اجلي يستحق ان اعيش حياتي تما علي زكراه

نهايات الافلام احيانا تكون هي فعلا حلا للغز شديد جدا وتكون مفاجأة لك كمشاهد ولكن احيانا تكون النهاية ركيكة وغير منطقية ولا تتفاعل ابدا مع احداث الفيلم اشعر انها فقط لارضاء المشاهد الذي يتمتع بتخلف عقلي او لتكون نهاية سعيدة بعيدة عن منطقيات الحياة

ليس بالضرورة اطلاقا ان يعيش البطل نظرا لان الجماهير جميعا متعاطفة معه

نجح السقا في فيلم تيتو ان يجسد نهاية منطقية جدا بموته
فهي نهاية تعبر عن الضعف وقلة الحيلة مهما كانت مغلفة ببعض الاموال التي تعطيها وجهة من القوة ولكن اقتناعك كمشاهد بانه ضعيف يكون من السيرة الدرامية له وتقديم المخرج له

استطاع كريم عبد العزيز ان يجسد نهاية غير منطقية في فيلمه خارج عن القانون لان دائرة سلطته لاتتناسب بالمرة مع ابقائه حيا وفكرة الثأر جعلته يتغير ويتلاعب به الاخرون
الافكار مختلفة تماما ولكن لكل فيلم لقطة تثير عواطفك المنطقية
الحياة كذلك مختلفة ولكل انسان لمسة تجعلك تتسائل داخليا كيف يحي

اعرف تماما انني شخصية تتمتع بحالة من الغموض لا يستطيع احد ان يحكم عليها بسهولة ولكن اشعر انها تستمد شخصيتها من حالة ازدواج المجتمع فهي احيانا تميل للطبقة الكادحة واحيانا تلعنها وتتمرد عليها وأحيانا اخري تميل للحياة الارستقراطية واحيانا تلعن فسادها وترفها وطمعها
واحيانا تميل ان تكون سوية ولكن موج البحر يرفعها الي السحاب وينزل بها ايضا الي القاع
لذلك لا اتعجب احيانا عندما اصاب بالنقائض في نفس الوقت اضحك وابكي كمدا افرح واحزن دموعي ترافق ابتساماتي . قوتي وسيطرتي مستمدة من ضعفي وجهللي وقلة حيلتي احيانا .
وحدتي وانا بين اهلي وعشيرتي । شعور بالبهجة ينتابني بعد حالة نجاح يجعلني اشعر انني وضعت قدمي علي بداية لا اعرف لماذا يومها بالذات اشعر انني اريد الذهاب الي المنزل وحيدا مشيا علي الاقدام مهما كانت المسافات لا انتظر المركبات اتمتع بالنظر الي السماء اشعر بشيئا غريبا يجعلني احلم واحلم لا افوق من حلمي استمر في طريقي حتي اصل بيتي امارس طقوس حياتي العادية انام بشعور مختلف
هذه الايام من الايام المعدودة في حياتي اتذكرها ولا انسي هذا الشعور بالنجاح .

اشياء كثيرة في حياتنا اليومية تستفزني :
الاطفال اصبحو يحملون الموبايل لا ادري ما السبب ولكن اعرف تماما الآثار السلبية لهذا الجهاز وسهولة الاتصال ستجعلنا نعاني واشعر اننا نعاني وبحق من هؤلاء مدمني التليفون . والشيء المثير للريبة تغير الرقم كثيرا لا ادري ما السبب المنطقي لذلك احيانا اتعجب لنفسي لماذا لا اغير رقمي فهو معي منذ فترة كبيرة جدا لماذا لم امملله . هل فعلا بدأت اتأثر بهم اشعر انه الطبيعي ان اكون انسان يتأثر بالمؤثرات الخارجية .

وضع اهمية للثقافة الجنسية في حياتنا !!!! اشعر بسخط عندما نناقش قضايا هي فعلا لا تحتاج سوي ان نتعايش معها وكأنها شيء طبيعي يحدث يوميا لا نشعر معه دائما اننا جهلة متخلفون نشعر بالحرج من تساؤلات اولادنا او اخواتنا لابد ان نتعامل مع الامور بطريقة علمية بحتة ولانتركهم يتعاملون أو يأخذون معلومات تثيرهم من هؤلاء الجهلة .

العلاقات اللامحدودة بين الشباب ما يثير جنوني ليست العلاقة بقدر تعددها لا استطيع ان افهم كيف من امرأة تجعل من نفسها سلعة تباع وتشتري او سلعة للمشاهدة فقط يقلب فيها من تحلو بعينه ومن يريد ان يلعب بعواطفها يتلاعب بها لا اتواصل بصراحة مع تلك العلاقات بقدر انتقادي لها بقدر سخطي عليها .

النقاشات الساخنة مع المتدينين وضدهم وانتقاد الناس للعفة والزي الاسلامي اشعر ومحاسبتهم لبعض وكأنهم آلهه احيانا اننا نهاجم من مبدأ الهجوم فقط الشيطان يزين لهؤلاء المعصية وفي نفس الوقت لا اريد من المتدينين التشدد دائما نتعامل كأحزاب او كأطراف مدعي ومدعي عليه لابد ان ندافع بشراسة عن رأيك الوضع يريد ان نكون حكماء ونتعامل بلين وحب

الصداقة اصبحت تكاد تكون فعلا عملة نادرة

الصدق اصبح شاقا علي الانفس

اصبحنا جميعا نحترف المشاهدة والسخرية من الآخرين

اكره الكلام في السياسة لانني اشعر انه يسبب لي صداع حاد جدا

اكره قنوات الفيديو كليب لانني اتنقل كثيرا لاسمع اغنية وفي النهاية احظي بفشل زريع اجد نفسي ابحث عن لقطات ساخنة وفتاة مايصة اتسائل دائما اين اهلها واين عاشت ومين ......... وسابها ازاي تنزل من البيت كدا

اكره ان يكون البطل الثاني في الفيلم هو اداة لتحلية البطل الاصلي

اكره ان يقوم احد بعدم الرد علي تعليق انا كتبته حتي بالشكر فقط

اكره ان يعجبني تدوينة ولضيق وقتي لا اقوم بالرد بتعليق يظهر نقاط اعجابي اكثر من انتقادي احب ان اشجع الناس

اكره الاستسلام

اشعر بالرضا والقناعة عن العالم حولي ولكن ما يثير جنوني عندما اجد العالم حوللي ساخط عليّ.

اكره الاعلانات وسط الافلام والمسلسلات او العكس تماما

اكره التخفي وراء الشاشات والكذب بدون سبب .

اكره العلاقات السطحية وتضييع الوقت فيها واندم علي تلك الحظات كثيرا

احب الديكور والاشياء الجميلة ومؤمن بنظرية العين بتاكل قبل البؤ

بحب الكوكتيلات في كل حاجة الافلام الاغاني الاكل الشرب وخلافه

نفسي في يوم اكتب وانا عارف ليه بكتب
بكره لانتظار ونفسي الناس تهتم بالوقت ونحاول نلتزم في المواعيد
بحب الصراحة حتي لو جارحة
بحب شغللي حتي لو مش طايقه
بحب الحياة وانا بحس ان من حقي اعيش مش مفروض علي اني اعيش



11 رأيك:

fire bird يقول...

عارف
فيه حاجات كتير جدا بنكرها
لكن مفروضة علينا او ما نقدرش نغيرها

وحاجات بنكرها برضو لكن بنعملها وباختيارنا

وبعد كدا ممكن نندم ونقول اننا بنكرها
وضيعنا وقتنا فيها على الفاضى

طيب عقلنا كان فين العيب فينا احناواحنا اللى خلينا الصداقة عملة نادرة عارف ليه عمرك ما تصاحب واحد من قلبك ويخونك لانه لو خانك يبقى العيب فيك انت اكيد ما وصلتلوش حبك وصداقتك بشكل سليم وصادق

او عملت كده وهو ماقدرش ده وانت شوفت ده وبرضه عملته صاحبك

وكمان الانسان الغير صادق (الكداب) عامل زى الكوباية اللى نصها فاضى ونصها مليان

ودايما هنفضل عايشين

ومش عارفين احنا عايشين ليه

ومش بمزاجنا نعيش او لأ

حتى لو عشنا ميتين جوه نفسنا

برضو اسمنا عايشين

(ليس كل ما يتمناه المرء يدركه )

kochia يقول...

كوكتيل
بس جامد اوي

ساعات الواحد فجاة بيلاقي مخه كدة ملخبط متخبط عاوز يقول كتير

صحيح الحياة زي الافلام ومش كل النهايات منطقية
يمكن كمان معظمها مش منطقي وبنعيش
بنستغرب اوي من النهاية
ونعمة النسيان بتساعدنا اننا نعرف نبتسم تاني

وكل ما يستفزك هو اجزاء من افلام في الحياة الواقعية ونهايتها ايضا غير منطقية
هل نقبل ؟
فيلم السنما قد لا نقبله
ولكن طرائف ومواقف الحياة
مفروضة علينا

وادينا عايشين

تحياتي

nermeen يقول...

بوست جميل
و الحياة فعلا عبارة عن كوكتيل
بس مش دايما طعمه بيطلع حلو
سعيدة بزيارتي الاولى لمدونتك
تحياتي

Lady E يقول...

بوست جميل فعلا وهو كوكتيل جميل جدا

وفي موضوع ردود الأفعال ف في حياتنا العادية مش شرط ان رد الفعل يبقى مساوي للفعل
على سبيل المثال واحد جاله خبر انه نجح واول لما شاف النتيجة بدأ يكشر ويحزن وممكن يعيط كمان ليه لأنه ايوة نجح لكن مش بالتقدير اللي كان متخيله
واحيانا كتير بنبقى متوقعين رد فعل ونلاقي رد فعل تاني خالص مختلف عن اللي كنا متوقعينه
فالحياة مش دايما منطقية

وفيلم تيتانك من وجهة نظري الشخصيه قصة الحب اللي فيه جميلة
بس نهايته فعلا هي اللي ركيكة وغير متوقعة

واكيد كل الحاجات اللي بتستفزك بتستفزنا كلنا

تعبيراتك رائعه وخصوصا وانتا بتوصف تناقضات موجوده فينا كلنا

تسلم ايدك وان شاء الله هتابع المدونة دايما

yoyo يقول...

صباحك سكر
اخبارك ايه ؟؟ يارب تكون بالف خير
بص يا باشا
انت جبت من الاخر وقولت كوكتيل احنا فعلا عايشين فى حياة كوكتيل فيها كل الانواع والاشكال كوكتيل بقى

ممكن يكون مرة حلوة لك ومش حلو لغيرك بقى والعكس

الحياة زى ما يكون فيلم فيها كل الموثرات واحنا ابطال الفيلم دا لكل واحد فينا دور ممكن يكون دور رئيسى او حتى دور مهمش

دايما فى السينما بيتعاملوا مع النهايات السعيدة مش شرط البطل يعيش فى الاخر انا معاك بس لازم يكون فى نوع من الواقعية واحترام عقول الناس اللى بتتفرج دى

عارف احنا اللى دايما بنشغل نفسنا بتفاهات مش تستحق اننا نفكر فيها وخلافات وصراعات على ايه لوصلت وفكرت بعقل هتلاقى كله فى الهوا

لو كل الناس تتعامل بشىء ولو بسيط من الصراحة والوضوح والمحبة بينها من غير اى غرض شخصى اهوا ممكن حال البلد دى يتصلح شوية

الصديق بقلا عملة نادرة صعب انك تلاقيه الايام دى الصديق اللى يخاف عليك بجد

اهم شىء اننا نعرف ايه اللى بنحبه وايه اللى بنكره ونحاول نعيش وتعايش مع اللى نحبه
طبعا يا باشا من حقك تعيش يا سلام
عيش وسبنى اعيش هههههههههههههه

تحياتى لك
( يويو )

afew good men يقول...

fire bird
==============
لازم نندم علي حاجات عملناها وناس قابلناها

رحم الله الشدائد عرفتني عدوي من حبيبي


بلا يأس بلا بتاع

اشربي كوكتيل فواكه ونامي

afew good men يقول...

koshia
=================
والله انت منوراني

معاك انني بنتخلبط وبنبقي محتارين نعمل ايه

بس في النهاية بنتعلم وبناخد خبره

وبنكون اكثر حرصا

دمتي بحب وسلام

afew good men يقول...

nermeen
===================
والله انا اسعد الجو حر ممكن تاخدي واحد كوكتيل او ايس كريم دايما منورة

شرفتني زيارتك

afew good men يقول...

lady e
======================
شرفتيني

هو الكوكتيلات
بتجمع بين الحلو والوحش

بتكون كده حلوة اوي او العكس

ردود الافعال لما بتكون متناسبة بتخللي الحياة طعمها احلي ومتناغمة

عموما ربنا يسعدك

نورتيني

ممكن اعزمك علي كوكتيل فواكه من غير لبن

afew good men يقول...

yoyo
================
انتي اللي باشا
عوما الكوكتيل اللي يعجبك اشربيه وانت ونصيبك



انا عايز النهايات طبيعية وواقعية علشان حتي نستفيد

مش نفضل عايشين في الوهم



هي الصراحة الحل

مالو الوضوح والحب

بس فعلا الواقع بيثبت العكس

مش كل الناس بريئة

نورتيني وحسيبك تعيشي بس ابقي افتكرينا وانت عايشه

rose يقول...

نهاية تيتانك رائعه جدا عندما ينظر المشاهد لرحلة حب جميلة اختتمت بنهاية وفية في زمن ندر فيه الوفاء واسميها رحلة حب نعم انها قصة حب في رحلة

متى تعرف حبيبك تعرف حبيبك وقت الشدة اما حبيب الرخاء فهو حبيب مؤقت فقط

وياما ناس انصدموا بناس حبوهم لما احتاجوهم مالقوهم\

مدونة راقية شكرا لك