الاثنين، يونيو 09، 2008

تساؤلات



ان لم تستطع يوما ان تكون ايجابيا فلا تكون سلبيا

عنوان لايبت بأي صلة عما سأكتبه وربما هو درس مستفاد من الحياة

تناقشنا بحدة ارتفعت اصواتنا لم نتقبل الحقائق لم نتفق علي شيء ماتت حالة الحوار قتلت البراءة
هي زرفت دموع التماسيح لتصبح اكثر قوة
وأنا تمسكت بمنطقية دمرت كل المشاعر لم نتهامس

لم اسمع تلك التنهيدة المليئة بحرارة الشوق

ولا تلك العبارات التي تغير طعم الحياة
وجدت نفسي متهما بالحب وجدت نفسي متهما بشدة الشعور وجدت نفسي متهما بمدي خوفي عليها((وإني مزودها حبتين)) لم أكن اعرف أن تلك الطفلة البريئة قد نضجت قد كبرت اصبح لها رأي مختلف.... قد ارتفع صوتها ظهرت عليها اعراض الملل من مدرس البلاغة ودكتور الحياة فقد اكتسبت الخبرة الكافية لتعيش وحيدة وسط ذئاب البشر لقد اختنقت من الاسطوانات الممللة ومحاضرات خوفي عليها ودروس الاخلاق .... خرجت عن شعوري ... تعصبت لموقفي..... وجدتها اشد تعصبا....
قد مات الحب في قلوبنا ربما للحظات أو دقائق أو ساعات.....


ولأول مرة أري الملاك البريء لا يختلف عن باقي البشر


ماهو شعورك ...........
عندما تفقد أعز الناس ؟؟
عندما تفقد بيت الآمان ؟
عندما تفقد الدفء والحنان؟
عندما تفقد الوردة عطرها ؟
عندما تجف مياه النيل؟
عندما يموت الاه الحب ؟
عندما تنطفيء شمعة الأمل ؟
عندما يموت شعاع النور؟
عندما تقتل البسمة علي شفاة طفلة صغيرة ؟
عندما تغتصب البراءة ؟
عندما تموت المباديء وتدفن ؟
عندما يصبح الحب عادة ؟
عتدما يصبح العشق اسوأ حالات الادمان ؟
عندما تضيع نخوة الرجال ؟
عندما تري شريط حياتك توقف بمآساه؟
عندما تسقط اوراق الشجر في الربيع ؟
عندما تموت الاسماك في البحور ؟
عندما يتهمك الناس جميعا بالضعف ؟
عندما تقتنع بصحة المقولة ((اتقي شر من احسنت اليه ))؟؟
عندما تقتنع بكذبة اسمها المشاعر ؟
عندما تقتنع انك افنيت عمرا في وهم ليس له اساس ؟
عندما تموت الدمعة في عيون باكية ؟
عندما تري انكسار امرأة؟؟؟
عندما تنتزع الرحمة من قلوب الامهات؟



عندما اقف حائرا لا استطيع لاجابة علي تساؤلات قد كتبتها بنفسي
كتبتها بحبر الحب تارة وبحبر البعد تارة وحبر اليأس تارة

10 رأيك:

451 فهرنهايت يقول...

عزيزي سترونج اللي أنا مش عارف اسمه
اسمحلي أولا أهنيك ع البلوج في ثوبه الجديد ... معلش اذا كنت اتأخرت عليك لكن المشاغل لاترحم
انت كلامك (بدون مجاملات خايبة) ... جميل , ومؤلم , وحقيقي , ولازم يمس القلب لأنك ببساطة تجيد عرض هواجسك والامك بالطريقة التي تجعل القاريء يندمج مع النص ويعايشه بطريقة (حقا ..أنا أعلم هذا الاحساس ) ...كل الآلام اللي بنمر بيها في مسار العمر واللي قد لاننظر لها بتركيز لأننا ألفنا التجربة تحولها أنت لملحمة حياتية على خلفية لحن حزين...(هل نحن فعلا نعيش مأساة متصلة يتخللها بعض لحظات المتعة التي خلقت لنحزن على فقدها؟)
بساطة الكلام وخلوه من التقعر والكلاكيع يجعلك لاتملك الا المتابعة...لأنك ممكن تشعر بأي شيء في هذا النص الا الغربة...
دي ملحوظة عامة على البلوج واسلوبه ...
بس فيه مأخذ ..أو ممكن تعتبرها نصيحة ..
حاول انك تتخطى همومك الشخصية .. وتتجاوزها الى افاق هم عام...
أنا لم أقرأ كل البلوج بتركيز ... أنا قريت هذاالبوست اللي انا بعلق عليه ...بس تصفحت باقي البوستات بتركيز أقل .. ومحتاج أقراها وأعلق عليها بالتفصيل الممل الذي منعني عنه حاليا بعض الظروف المنيلة
أوعدك بمواصلة مابدأت خلال أيام... ويشرفني تكلمني خارج صندوق البلوج على الايميل
bayto4@hotmail.com
انت تملك كل مايلزم لصنع عالم خاص في منتهى الجمال...
عدم وصول صوتنا للناس .. لايعني دوما عيبا في أصواتنا... يمكن العيب في مكبر الصوت
تحياتي لك دائما

fire bird يقول...

عندما يضيع منى شىء أعيش لاجله
فى هذه اللحظة
تتجمع كل هذه الاسئلة فى قلب يتوقف عن العمل
يفقد الشعور حتى بنفسه
شعور بالوهم أو الضياع
لا أدرى
او ربما يكون حالة من اللاشعور
شىء لا يمكن تفسيره
او التعبير عنه
فقط
الشعور به




مش عارفه

afew good men يقول...

عزيزي فهرنهايت
والله انا مش عارف اقولك ايه
انا كنت مستنيك من زمان انا حاسس اني وحيد في العالم اصحابي وأنا الدنيا مش رحمانا وياريت في تقدم عاملين زي مانكون بنشيل الحجر من المكان دا ولما نخلص نرجع نرجعه وتستمر الدايرة دايرة مغلقة لا تنفرج ابدا

انتهت حواراتنا وانتهت علاقتنا كل في وادي

والله فهرنهايت انا مش قادر اتخطي الماضي
لانه هو هو الحاضر والمستقبل دا اصعب حاجة عملية الاستنزاف اللي انا فيها والله قتلاني وحاسس ان ربنا بيعاقبني
فهرنهايت شوفت نهاية فيلم تيتو
صعب جدا تنضف وسط قذارة العالم

والله اللي بكتبه دا من دمي كله وحاجات كتير بترهب لاني فقدت كتير من مفردات اللغة وبعدت عن القراية من اكتر من اربع سنين
يعني بص يادوب دا الللي انا بعرف اكتبه

وبعدين لما اطلع من الحالة دي بجد ضميري حيخليني اطور نفسي

أما تعليقك فله كل الاحترام والتقدير وهو عندي اهم من كتاباتي

ولازم تعرف فهرنهايت انا لو مكنتش قريت ليك موضوع بالصدفه علي الدفيدي العربي
بعنوان اجمل ما قرأت عن الامتياز مكنتش عرفتك مشعايزك تزعل ان الناس بتنقل من عندك حاجة ممكن تكسب صاحب بجد في يوم

ممكن ..وممكن

والله انا مشعارفك اكلمك ازاي علي الايميل انا يمكن بستناك وبفضل في البلوج بتاعك بالساعات كل يوم مشحتصدق اني قريته كله اكتر من مرة برتاح بجد وانا بقراه عموما انا حضيفك واكلمك ولكن بوستات تعرفنا بنفس لغة البلوجراية من غير ماتعرف اسمي او حاجة عني
حتفضل البوستات تعرفنا ببعض

وياعالم ممكن نكون اصلا معرفة

عموما تحياتي دايما ليك ومتشكر جدا علي تعليقك

ربنا يوفقك

بيتنا القديم يقول...

"هي زرفت دموع التماسيح لتصبح اكثر قوة
وأنا تمسكت بمنطقية دمرت كل المشاعر لم نتهامس"
.
.
.
تحب أجاملك..؟!!
بتقول لأ
طيب تحب اصفق واقول الله الله عليك تسلم اديك...؟!!
بردو لأ
.
.
.
طيب
بقا حيث ما انت تريد الصراحة واضحة وضوح الشمس فى رابعة النهار...فيا اخي الحزن والأمل والذكريات السلبية مثل دودة القطن تظل تأكل من وريقات القلب حتى تاتي عليها جميعها فتقتل الأمل فى قلبك وتحجز عنه شعاع الشمس
.
.
.
قوم يا راااااااااااااجل
افتح شباك قلبك وخلى النسيم يضرب ستائره الحريرية وهوي الغرفة واتنطط وزئطط وانسى الماضي او ضع على قبره لغماً ينفجر في وشك لو قربت منه..!!
ده حلى وحلك الوحيد لمشاكلنا..!!
(:
سايق عليك حبيبك المصطفى تغير الخلفية بلاش نار جهنم دي الجو حر يا عمنا..!!
(:

afew good men يقول...

سمسم
مشعارف اقولك ايه البلوج نور علي الآخر

ياخي شرفتنا الشوية الصغيرين معلش الجو حر عندنا

حنعمل تكييف

اما بالنسبة لكلامك والله من غير تردد جيت افتح الشباك لا لقيت شباك ولا ستاير دا شباك سجن

لا املك الا الماضي لاحكي عنه فهو تراثي
وهو حياتي

ححاول اتغير
بس بلاش موضوع اللغم دا لانه كدا حاموت وانا بثبت اللغم

شرفتني نورتني

وبعدين انا بفك وباجي عندك بسمع النشيد

واقعد في التكيف واسمع حدوتة واكل سندوتش سكر

وارجع هنا لعالمي الذي اخترته قهرا لا اختيارا

شكرا علي الزيارة

مستنيك بقي
تيجي تاني انا بقي رجللي خلاص خدت علي البيت القديم حتلاقيني علي طول هناك

ammola يقول...

السلام عليكم
حقيقى انا مقدرة معاناتك
بس مش مقدرة استسلامك ليها
اسال كده اى حد من اللى حواليك ومروا بتجارب مشابهة من الفراق
حيقولك انها فترة و-لازم-عارف يعنى ايه -لازم-تعدى..يعنى انت اللى تقدر تخليها تعدى
صدقنى ..لما ديننا أمرنا اننا لما يروح منا غالى او تحصل حاجة مش كويسة اننا نقول:اللهم اجرنى فى مصيبتى,,وأخلف لى خيرا منها" صدقنى ربنا فعلا بيخلف عليك اللى أفضل منها.
الفراق لما بيحصل بيكون نتيجة عدم توافق من الطرفين او واحد منهم..طيب يعنى أفضل تتألم فترة وبعدين تكمل مع حد يكون متوافق معاك؟واللا تكمل حياتك مع حد مافيش توافق بينكم؟
اما لو كان الفراق نتيجة لقدر ربنا فهذا مالا نملك امامه الا التسليم باختيار الله
تساؤلاتك كلها أنا شايفة انها نتيجة حالتك النفسية..لان صدقنى بعد فترة حتلاقى ان كل ده كان مبالغة فى ساعة يأس
عايز تستسلم لليأس..اوكى وافضل اكتب فى بوستات وقول أنا مكتئب
عايز تعيش حياتك زى ما ربنا أمرك وتستمتع بيها..يبقى تبدأدلوقتى..وحالا
معلش صدقنى أنا باكلمك كأخت ليك يهمنى انك كانسان تجد سعادتك وراحتك اللى انت بتتخلى عنهم بارادتك..ربنا حيحاسبنا على الوقت اللى بنمضيه واحنا مش بنعمل حاجة تسعدنا وتسعد اللى حوالينا
تحياتى ودعئى ليك بكل خير

إيهاب رضوان يقول...

تحياتى لمدونتك البديعة والإخراج الفنى البديع

afew good men يقول...

amolla
شكرا علي نصايحك الغالية جدا كأخت

التغير اكيد موجود بس للاسف التحرك والانفعال شيء مش بإدينا
حنعمل ايه

لما الظروف بتتغير
احناكمان بنتغير

انا صدقيني قررت كتير اغير المود

بس في النهاية المود هو اللي بيكتب

تحياتي دايما ليك
ربنا يوفقك

afew good men يقول...

ايهاب رضوان

شكلرا ليك وشكرا لزيارتك

ياتمني تتكرر وربنا يوفقك

غير معرف يقول...

أية يا ياد الحنان ده كله ياااد
أوعي تقولي قلب الأم بقي سعدتك